நம்பிக்கையே நீ என்றானப்பிறகு - 9000 ஆவது பதிவு

by மஞ்சுபாஷிணி Fri Jul 01, 2011 3:51 am

நம்பிக்கையே நீ என்றானப்பிறகு.....
நம்பிக்கையே நீ என்றானப்பிறகு - 9000 ஆவது பதிவு Two-children-hugging

கண்ணாய் நீ இருக்கும்போது
பார்வை எனக்கெதற்க்கு

கனிவாய் மொழிஉரைக்கும்போது
மௌன மொழி எதற்கு

நாட்டியமாய் நீ அருகிலெனும்போது
துணைக்கம்பு எனக்கெதற்கு

உயிர்ப்பாய் அணைப்பில் இருக்கும்போது
கனவாய் மலர்வது எதற்கு?

அன்பாய் உணவூட்ட நீ இருக்கும்போது
பசியாய் கிடப்பததெற்கு?

தாயாய் நீ தலை கோதும்பொழுது
அனாதை என்ற சொல் எதற்கு?

வாழ்க்கை உன்னுடன் என்றானப்போது
நீயும் நானும் தனி என்ற சொல் எதற்கு?

உயிராய் நீ என்னுடன் கலந்தப்பின்னே
ஒற்றையாய் நான் சுவாசிப்பததெற்கு??

உடலாய் உணர்வாய் எல்லாமாய் நீ என்றானப்போது
இன்னும் நமக்குள் பிரிவென்னும் சொல் எதற்கு

நம்பிக்கையே நீ என்றானப்பிறகு
இனி எனக்கு பயம் எதற்கு........