அதொரு காலம்; காதல்

வித்யாசாகர் · வித்யாசாகர் Thu Sep 17, 2009 6:40 am

அதொரு காலம்;

இன்றைக்கும்
எனக்கந்த -
நினைவு வருகிறது;

நீயும் நானும் -
நம்மூர் கோவிலை
சுற்றி சுற்றி -
வந்தோமே; நினைவிருக்கா?

மூச்சி விட்டால் கூட
காற்றிலேயே -
கண்டுவிடுகிறார்கள் -
சமூகத்தார் காதலை;

அப்படி ஊரெல்லாம்
தெரிந்து-
கண்ணீரால் நிரப்பிய நம்
காதல் -
காகிதத்தில் மட்டும்
வெறும் கவிதைகளாக மிஞ்சியதே
சோகம்!

முகத்தில் அடித்த
பவுடருக்கு -
நீ பார்க்கும் முகம்
என் முகமென்பதும்;

நான் மாற்றி
அணியும் -
உடைக்கு - நிறம்
நீ அணிந்த நிறமென்பதும்;

தெருவில் -
யாரேனும் வந்தார்களாயென
எட்டிப் பார்த்து..
எட்டிப் பார்த்து..

வாசலை -
என்னைத் தேடும் உன் -
பார்வையில் மறைத்தும்;

நேரம் போகாதது போல்
நான் -
இரவெல்லாம் உனக்காக
உன் வீட்டு தெருவில் நடந்து நடந்தே
என் -
கால்களை தேய்த்து
காதல் வளர்த்தும்;

கவிதை எழுதினேன் - இந்தா
படித்துப் பாரென -
உனக்குக் கடிதம் எழுதியதும்;

கவிதை அருமையென
திருப்பிக் கொடுக்கையில் -
நீ -
கைதொட்டுக் கொடுத்ததும்;

எங்கேனும் நீ-
வெளியே செல்கையில்
வாசலோரம் வந்து
யாரேனும் பார்கிறார்களா என
ஒழுங்காகப் பார்க்காமலே
எல்லோரு பார்த்துக் கொண்டிருக்க -
கை அசைத்து - என்
உயிர் தின்று சென்றதும்;

என் கவிதைகளை
படித்து விட்டு -
மனதை புரிந்துக் கொண்டதற்கு
பதிலாய் -
ஜன்னல் திறந்து
சிரித்துக் கொண்டே காற்றிற்கு - ஒரு
முத்தமிட்டதும்;

என், உடல் தொடாத உன்
காற்றின் முத்தத்தில் - நான்
நாலாய் எட்டாய் - எட்டாய்
உடைந்து உடைந்து என்
இதயத் துண்டுகளையெல்லாம்
நம் காதலிற்கு சாட்சியாக
தெரு முழுக்க பரப்பி வைத்தும்;

நாளடைவில்...........
நீயே என் -
தவமாகி
என் நாட்- குறிப்பிலெல்லாம்
உன்னை காணாத
பொழுதுகளை எழுதி எழுதித்
தீர்த்தும் - - - - - - - -

அதற்கெல்லாம் பதிலாய் -
நீ -
இந்த நினைவுகளை மட்டுமே
எனக்கு மிச்சமாய் தந்ததும்;

வலி தானடி..
வலி தானடி..
-------------------------------
வித்யாசாகர்

ரூபன் · ரூபன் Thu Sep 17, 2009 7:25 am

அப்படி ஊரெல்லாம்
தெரிந்து-
கண்ணீரால் நிரப்பிய நம்
காதல் -
காகிதத்தில் மட்டும்
வெறும் கவிதைகளாக மிஞ்சியதே
சோகம்!

ஆகா இவ்வளவு நேரம் இருந்ததுக்கு நல்ல விருந்து அருமை அருமை

வித்யாசாகர் · வித்யாசாகர் Thu Sep 17, 2009 7:31 am

மீனு · மீனு Thu Sep 17, 2009 11:56 am

வித்யாசாகர்.. கவிதை சூப்பர்..ஆனா ஒரு சந்தேகமே..அன்று ஜோடிப் பொருத்தம் நிகழ்ச்சியில் எனக்கு பெற்றோர் பேசி நடத்திய திருமணம் என்றுதான் மீனுவிடம் சொன்னீர்கள்.. இங்கே ஒரு காதல் கவிதை இருக்கே..சொந்த அனுபவம் மாதிர்யும் இருக்கே..என்ன வித்யாசாகர் ..என்ன நடந்தது..ரொம்ப வலிக்குதா.. வலி என்றாலும் இனிமையான வலியாய் உங்க கவிதை மீனுவுக்கு இருந்தது..நல்ல கவிதை வித்யாசாகர்.. இன்னும் வேணுமே கவிதைகள்..

வித்யாசாகர் · வித்யாசாகர் Thu Sep 17, 2009 5:49 pm

meenuga wrote:வித்யாசாகர்.. கவிதை சூப்பர்..ஆனா ஒரு சந்தேகமே..அன்று ஜோடிப் பொருத்தம் நிகழ்ச்சியில் எனக்கு பெற்றோர் பேசி நடத்திய திருமணம் என்றுதான் மீனுவிடம் சொன்னீர்கள்.. இங்கே ஒரு காதல் கவிதை இருக்கே..சொந்த அனுபவம் மாதிர்யும் இருக்கே..என்ன வித்யாசாகர் ..என்ன நடந்தது..ரொம்ப வலிக்குதா.. வலி என்றாலும் இனிமையான வலியாய் உங்க கவிதை மீனுவுக்கு இருந்தது..நல்ல கவிதை வித்யாசாகர்.. இன்னும் வேணுமே கவிதைகள்..

வணக்கம்மீனு, பெற்றோர் நடத்தி வைத்த திருமணம் தான்.

காதல் ஒரு அனுபவம், அவ்வளவே. வெறும் அனுபவம் மட்டுமாகவே முடிந்து விட்டதால் அவ்வப்போது அதன் நினைவுகள் வலிக்கத் தான் செய்கின்றன.

அவைகளை எல்லாம் என் "சிறகுகள் இருந்தும் சிறை கைதிகளாய்" சிறுகதை தொகுப்பில் சில கதைகளாக எழுதியுள்ளேன்.

என்ன செய்வது.., காதல் மட்டுமே வாழ்க்கை இல்லை இல்லையா!

Sponsored content · Sponsored content

அதொரு காலம்; காதல்

அதொரு காலம்; காதல்

Re: அதொரு காலம்; காதல்

Re: அதொரு காலம்; காதல்

Re: அதொரு காலம்; காதல்

Re: அதொரு காலம்; காதல்

Re: அதொரு காலம்; காதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக