அட, இவரா புதிய தமிழக கவர்னர்? சிதம்பரம் ஓகே செய்வாரா?

by தாமு Thu Jun 30, 2011 4:24 pm

புதுடில்லி, இந்தியா: 20ம் தேதி வரைதான் சுர்ஜித்சிங் பர்னாலா, உத்தியோகபூர்வ தமிழக கவர்னர். அத்துடன் அவரது பதவிக்காலம் முடிவடைந்துவிட்டது. எனினும், புது கவர்னர் நியமிக்கப்படாததால் பர்னாலாவே, கவர்னராக தொடர்ந்து பதவி வகித்து வருகிறார். இவர் எந்த நிமிடத்திலும் மாற்றப்படலாம்.

தமிழகத்துக்கு வரவுள்ள புதிய கவர்னர், தமிழக அரசுடனும், தமிழக முதல்வர் ஜெயலலிதாவுடனும் மோதல் போக்கைக் கடைப்பிடிக்காத ஒருவராக இருக்க வேண்டும் என மத்திய அரசு விரும்புவது ஒன்றும் ரகசியமல்ல. இதுபற்றி, முதல்வர் ஜெயலலிதாவுடன் டில்லியில் விவாதிக்கப்பட்டதாகவும் தகவல் உள்ளது.

இந்த நிலையில், தமிழகத்துக்கு கவர்னராகச் செல்ல டில்லியிலும், பலத்த போட்டி நிலவுகின்றது.

டில்லியிலுள்ள அ.தி.மு.க. வட்டாரங்களில் அடிபடும் கதை, “அம்மா, கவர்னர் பதவிக்கு மார்க்ரெட் ஆல்வாவையே சிபாரிசு செய்திருக்கிறார்” என்பதே! நாம் விசாரித்தவரை, அவரது பெயர்தான் உட்துறை அமைச்சிலும் அடிபடுகின்றது.

உத்ரகண்ட் மாநில கவர்னரான மார்க்ரெட் ஆல்வா, காங்கிரஸ் கட்சியின் மூத்த தலைவர்களில் ஒருவர். ராஜிவ் காந்தி காலத்திலேயே தலைமைக்கு நெருக்கமானவர். ராஜிவ் காலத்தில் டில்லியில் தமிழக விவகாரங்களை ஹான்டில் பண்ணியவர்களில் இவரும் ஒருவர். இதனால், தமிழக அரசியல் பற்றி நன்கு அறிந்தவர். தற்போது, சோனியாவுடனும் நெருக்கமானவர்.

எல்லாம் சரி. முடிவெடுக்க வேண்டிய உட்துறை அமைச்சில், ப. சிதம்பரம் அல்லவா அமர்ந்திருக்கிறார்? ஜெயலலிதா சமீபத்தில்தான் டில்லியில் அவருடன் மோதிவிட்டு வந்திருக்கிறார்!

முதல்வர் ஜெயலலிதாவுக்கு, டில்லி எந்தளவு முக்கியத்துவம் கொடுக்கின்றது என்பதை, புதிதாக வரவுள்ள கவர்னர் யார் என்பதிலிருந்து ஊகித்துக் கொள்ளலாம்.

vivi

by SK Thu Jun 30, 2011 4:29 pm

என் பெயரும் சிபாரிசு செய்ததாக தகவல்கள் வருகிறது பொறுத்திருந்து பார்போம்

by கலைவேந்தன் Thu Jun 30, 2011 6:31 pm

ஜெயலலிதாவை அனுசரித்துப் போகும் கவர்னரைத்தான் மத்திய அரசு நியமிக்க வேண்டி வரும். அவர்களுக்கு வேறு வாய்ப்பு இருப்பதாகத் தெரியவில்லை. காரணம் காங்கிரஸுக்கு இந்தியா முழுக்க ஏற்பட்டு இருக்கும் அவமானம் துடைக்க வேண்டியதும் எல்லா மாநிலஙகளையும் அனுசரிக்க வேண்டியதும் இன்றியமையாத ஒருசெயலாகும்.

சிதம்பரம் ஒரு பொம்மை தான். சோனியா சொன்னபடி ஆடவேண்டிய ஒரு பொம்மை. அவ்வளவுதான்..!