கம்பீர் உடல்தகுதி பெற்றார்; இங்கிலாந்து பயணத்திற்கு உறுதி

by ராமகிருஷ்ணன் Thu Jun 30, 2011 3:48 pm

தோள்பட்டை காயம் காரணமாக மேற்கிந்தியப் பயணத்தில் விளையாடாத துவக்க வீரர் கவுதம் கம்பீர் இங்கிலாந்து கிரிக்கெட் பயணத்திற்கு முழு உடல் தகுதி பெற்றுள்ளார்.

"கம்பீர், பெங்களூருவில் உள்ள தேசிய கிரிக்கெட் கழகத்தில் உடல்நிலை தேர்ச்சி பெற்றார். அவர் சகஜமான பயிற்சிக்குத் திரும்பியுள்ளார். இங்கிலாந்து பயணத்திற்கு உடல்தகுதி அளவில் அவர் தற்போது தயார்" என்று அவரது பயிற்சியாளர் சஞ்ஜய் பரத்வாஜ் தெரிவித்தார்.

இங்கிலாந்து பயணத்திற்கான இந்திய அணி வரும் ஜூலை 2ஆம் தேதி தேர்வு செய்யப்படுகிறது.

ஜூலை 21ஆம் தேதி லார்ட்ஸில் முதல் டெஸ்ட் போட்டி நடைபெறுகிறது.