விம்பிள்டன்: பைனலில் கிவிட்டோவா * காலிறுதியில் சானியா-போபண்ணா

லண்டன்:விம்பிள்டன் டென்னிஸ் தொடரின் பெண்கள் ஒற்றையர் பைனலுக்கு ö குடியரசின் பெட்ரா கிவிட்டோவா முன்னேறினார். கலப்பு இரட்டையர் பிரிவின் காலிறுதிக்கு இந்தியாவின் சானியா மிர்சா, ரோகன் போபண்ணா ஜோடி முன்னேறியது.
லண்டனில் 125வது விம்பிள்டன் கிராண்ட்ஸ்லாம் டென்னிஸ் தொடர் நடக்கிறது. இதில் நேற்று நடந்த பெண்கள் ஒற்றையர் அரையிறுதியில் ö குடியரசின் பெட்ரா கிவிட்டோவா, பெலாரசின் விக்டோரியா அசரென்காவை சந்தித்தார்.
இதன் முதல் செட்டை கிவிட்டோவா, 6-1 என எளிதாக வென்றார். இரண்டாவது செட்டில் பதிலடி கொடுத்த அசரென்கா, 6-3 என கைப்பற்றினார். வெற்றியாளரை நிர்ணயிக்கும் மூன்றாவது மற்றும் கடைசி செட்டில், எழுச்சி பெற்ற கிவிட்டோவா, 6-2 என தன்வசப்படுத்தினார்.
முடிவில் 6-1, 3-6, 6-2 என்ற செட்கணக்கில் வெற்றி பெற்ற கிவிட்டோவா, முதன் முறையாக கிராண்ட்ஸ்லாம் டென்னிஸ் தொடரின் பைனலுக்கு முன்னேறி சாதித்துள்ளார்.
ஷரபோவா அசத்தல்:
மற்றொரு பெண்கள் ஒற்றையர் அரையிறுதி போட்டியில் ரஷ்யாவின் மரியா ஷரபோவா, ஜெர்மனியின் சபைன் லிசிக்கியை எதிர்கொண்டார். இதன் முதல் செட்டை 6-4 என ஷரபோவா வென்றார். தொடர்ந்து நடந்த இரண்டாவது செட்டிலும், லிசிக்கி எவ்வித எதிர்ப்பும் காட்டாமல் சரணடைய, 6-3 என ஷரபோவா கைப்பற்றினார். முடிவில் 6-4, 6-3 என்ற நேர் செட்களில் வெற்றி பெற்ற ஷரபோவா, 2008க்குப்பின் முதன் முறையாக கிராண்ட்ஸ்லாம் தொடரின் பைனலுக்கு முன்னேறினார்.
சானியா அபாரம்:
கலப்பு இரட்டையர் பிரிவு, மூன்றாவது சுற்று போட்டியில் இந்தியாவின் சானியா மிர்சா, ரோகன் போபண்ணா ஜோடி, ö குடியரசின் மார்டின் டாம், ரெனட்டா ஜோடியை சந்தித்தது.
இதன் முதல் செட்டில் அபார ஆட்டத்தை வெளிப்படுத்திய இந்திய ஜோடி, 6-3 என வென்றது. தொடர்ந்து இரண்டாவது செட்டில் மிரட்டிய சானியா-போபண்ணா ஜோடி, 6-0 என எளிதாக கைப்பற்றியது. முடிவில் 6-3, 6-0 என்ற நேர் செட்கணக்கில் வெற்றி பெற்ற இந்திய ஜோடி, காலிறுதிக்கு முன்னேறியது.
---