மொத்தமாய் மறந்தேன்..

by Jiffriya Thu Jun 30, 2011 3:36 pm

ஒரு முறை சொன்னேன் உன் பெயரை
இரு முறை ஒலித்தது
என் இதயத்தில் எதிரொலியாய்..

மூன்றெழுத்துக் காதலின்
புனிதத்தை நான்கே நாட்களில்
உணர்ந்தேன் உன்னால்..

ஐம் பொறிகளையும் அடக்கிவிட்டாய்
“உன்னை காதலிக்கிறேன்”
என்ற ஒரே வார்த்தையில்..

ஆறு போல் ஓடிக்கொண்டிருந்த
என் இளமை வெள்ளத்தை..
காதலெனும் அணை போட்டு
ஒரு நொடியில் அடங்கச் செய்தாய்..

ஏழுஸ் வரமும் எட்டாமல் போனது
என் நாவில்
உன் பெயர் மட்டுமெ ஒட்டிக் கிடக்கிறது..

எட்டுத் திக்கிலும் நீ தெரிய
எந்தத் திசையை
பார்ப்பது புரியவில்லை.

நவ கிரகங்களில் ஒரு கிரகமாய் நீயும்
உனை சுற்றி வரும் உப கோளாய்
நானும் சுற்றிக் கொண்டே..

பத்துத் திங்கள்
சுமக்காத
அன்னையாய் நீ இருக்க
மறந்தேன் என்னை மொத்தமாய்..

by **rameshnaga** Fri Jul 01, 2011 6:51 pm

வெகு நன்றாய் இருக்கிறதே! ஏன் கவிதை வாசகர்களின் ஈர்ப்புக்குள் வராமல் போனது?
நீங்கள் தவறாக எடுத்துக் கொள்ளவில்லை யெனில்..
எனது ஆலோசனை..கவிதைக்கு இன்னும் ஈர்ப்பான தலைப்பிடுவதுமுக்கியம்.
உதாரணமாய்."எந்தத் திசையிலும் நீ..என் அன்னையாயும்"...
என்று தலைப்பிடத் தோன்றுகிறது. இது என் ஆலோசனை மட்டுமே.
என்றும் அன்புடன்...ரமேஷ்.

by பாலாஜி Fri Jul 01, 2011 6:57 pm

அருமையான கவிதை ............மிக சிறப்பாக உள்ளது ....

தொடருங்கள் உங்கள் கவிதை மழைகளை.... மகிழ்ச்சி

by **கே. பாலா** Fri Jul 01, 2011 6:58 pm

by **ரா.ரமேஷ்குமார்** Fri Jul 01, 2011 7:25 pm

காதல் காதல் கவிதை... சூப்பருங்க

by சதாசிவம் Fri Jul 01, 2011 7:26 pm

எழுத்துக்கள் மிக நேர்த்தியாக அடுக்கப் பட்டுள்ளது, ஒன்று, இரண்டு வரிசை அற்புதம்.

மொத்தமாய் மறந்தேன்.. 677196

by நட்புடன் Fri Jul 01, 2011 7:44 pm

காதல் கவிதை வானில்,
புதிய கிரகமும், உப கோளும்,
உதயமானதை நாங்களும் காண்கிறோம்
உங்கள் அழகிய கவிதையினூடே...

by செய்தாலி Sat Jul 02, 2011 11:03 am

ம்ம்ம் கவிதை மிக மிக அருமை
சிறப்பான வரிகளில் அழகான காதல் கவிதை
பாராட்டுக்கள் வாழ்த்துக்கள் தோழி

by ராமகிருஷ்ணன் Sat Jul 02, 2011 11:06 am

அருமையான கவிதை. அருமையிருக்கு

by **ஹிஷாலீ** Sat Jul 02, 2011 11:29 am

ராமகிருஷ்ணன் wrote:அருமையான கவிதை.

பத்து நிமிடங்களில் முத்து முத்தாய் கோர்த்த
காதல் சொத்துக்களை என் கண்களுக்கு
விருந்தாக்கிய கவிதை மிகவும் அழகாக உள்ளது .... மொத்தமாய் மறந்தேன்.. 224747944