68 ரெயில் வேகம் அதிகரிப்பு:' திருச்செந்தூர் எக்ஸ்பிரஸ் ரெயில் விரைவில் தினமும் இயக்கப்படும்; பொது மேலாளர் அறிவிப்பு

ராமகிருஷ்ணன் · 18/06/2011

சென்னை, ஜூன். 30-

தெற்கு ரெயில்வே கால அட்டவணையை வெளியிட்ட பொதுமேலாளர் தீபக் கிருஷ்ன் பின்னர் நிருபர்களுக்கு பேட்டி அளித்தார்.

அவர் கூறியதாவது:-

தெற்கு ரெயில்வே மூலம் ஒரு நாளைக்கு 220 ரெயில்களை 266 முறை இயக்கப்படுகின்றன. மின்சார ரெயில்கள் 700 முறை இயக்கப்படுகிறது. கடந்த 2009-10-ம் ஆண்டில் 69 கோடி மக்கள் ரெயிலில் பயணம் செய்தனர். 2010-11-ம் ஆண்டில் இது 73 கோடியே 75 லட்சமாக உயர்ந்தது.

2009-10-ம் ஆண்டு வருவாய் ரூ.2463 கோடியாகும். 2010-2011-ம் ஆண்டு ரூ.2049 கோடியாக குறைந்தது. கடந்த ஆண்டு 2230 சிறப்பு ரெயில்கள் இயக்கப்பட்டன. ஆனால் 1651 ஆக தற்போது குறைக்கப்பட்டுள்ளன. சிறப்பு ரெயில்களாக இயக்கப்பட்ட பல ரெயில்கள் நிரந்தரமாக்கப்பட்டதே இந்த குறைவுக்கு காரணமாகும்.

41 ரெயில்களின் வேகம் 10 நிமிடம் முதல் 15 நிமிடம் வரை வேகம் அதிகரிக்கப்பட்டுள்ளது. 27 ரெயில்களின் வேகம் 15 நிமிடம் முதல் 45 நிமிடம் வரை அதிகரிக்கப்பட்டுள்ளது. பயணிகள் வசதிகளை மேம்படுத்துவதற்காக ரூ.1750 கோடி ஒதுக்கப்பட்டுள்ளது.

திருச்செந்தூர் எக்ஸ்பிரஸ் ரெயிலை தினசரி ரெயிலாக இயக்க ஏற்கனவே அறிவிக்கப்பட்டுள்ளது. பெட்டிகள் பற்றாக்குறையாக உள்ளது. இதற்கான பெட்டி தயாரிக்கும் பணி நடைபெற்று வருகிறது. பெட்டிகள் அதிகரிக்கப்பட்டவுடன் தினசரி விடப்படும்.

அதற்கான தேதி விரைவில் அறிவிக்கப்படும்.

இவ்வாறு அவர் கூறினார். பேட்டியின் போது கோட்ட மேலாளர் அனந்த ராமன், அதிகாரிகள் அக்கம்மா, ஆகியோர் உடன் இருந்தனர்.

மஞ்சுபாஷிணி · மஞ்சுபாஷிணி Thu Jun 30, 2011 2:32 pm

தகவலுக்கு அன்பு நன்றிகள் ராமகிருஷ்ணா....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக