பீர் குடிப்பவர்களை கொசுக்கள் அதிகமாக கடிக்குமாம் ?

by தாமு Thu Jun 30, 2011 9:32 am

பீர் குடிப்பவர்களை கொசுக்கள் அதிகமாக கடிக்குமாம். கொசுவத்தி ஏற்றி வைத்துவிட்டு குடிப்பது சிறப்பு
என்று அட்வைஸ் கொடுக்கிறது லேட்டஸ்ட் ஆராய்ச்சி.பிரான்சின் மான்ட்பெலியர் நகரில் உள்ள ஐ.ஆர்.டி. ஆய்வு மைய ஆராய்ச்சியாளர்கள் சமீபத்தில் ஒரு சூப்பர் ஆராய்ச்சி நடத்தினர். ‘பீர் குடிப்பவர்களை கொசு கடிக்குமா?’ என்பதுதான் ஆய்வின் தலைப்பு. இதில்

தெரியவந்த சுவாரஸ்ய தகவல்கள்:
நாற்றமோ, வாசனையோ தூக்கலாக இருக்கிற இடத்தில் கொசுக்களும் அதிகம் இருக்கும். மனிதர்களைக்கூட உடல் மணத்தை வைத்தே கொசுக்கள் அடையாளம் கண்டுபிடித்து வந்து கடிக்கின்றன. கொசுக்களை ஆல்கஹால் வாசனை அருமையாக கவர்ந்திழுக்கிறது. அரை லிட்டர் அல்லது
அதைவிட அதிகம் பீர் குடிப்பவர்களிடம் இருந்து வெளியேறும் வாசனை, கொசுவுக்கு ரொம்பவே பிடிக்கிறது. அவர்களை அதிகம் முற்றுகையிட்டு
கடிக்கின்றன.

ஆப்ரிக்காவின் பர்கினோ ஃபாசோ நகரில் 2,500 அனோபிலிஸ் கேம்பி வகை கொசுக்களை வைத்து நடத்தப்பட்ட ஆராய்ச்சியில் இத்தகவல் தெரியவந்துள்ளது. இந்த ஆராய்ச்சிக்காக 20 முதல் 43 வயதுக்கு உட்பட்ட 25 பேர் தேர்வு செய்யப்பட்டு அவர்களை வைத்து ஆய்வு நடந்தது. பீர் குடிப்பதற்கு முன்பு அவர்களை 35% கொசுக்கள்தான் மொய்த்தன. பீர் குடித்த பிறகு, 47% கொசுக்கள் மொய்த்தன. பிரத்யேக கொசு வலைகள், கண்காணிப்பு கருவிகள் வைத்து இந்த ஆய்வு மேற்கொள்ளப்பட்டது.

gm