இ-செலான் முறை அமலுக்கு வந்தது: முதல் நாளில் 3100 பேர் மீது வழக்கு; ரூ.1 1/2 லட்சம் அபராதம் வசூல்

சென்னை, ஜூன் 29-

சென்னை மாநகர போக்குவரத்து போலீசாரின் வசதிக்காக ரூ.2 கோடியே 83 லட்சம் மதிப்பீட்டில் 300 நவீன மின்னனு இ-செலான் கருவி வாங்கப்பட்டுள்ளது. முதல்-அமைச்சர் ஜெய லலிதா நேற்று காலை இதனை வழங்கினார்.

இ-செலான் மூலம் அபராதம் வசூலிக்கும் பணியை போக்குவரத்து போலீசார் உடனடியாக தொடங்கினர்.வாகனங்களை வேகமாக ஓட்டுதல், நிறுத்தக் கோட்டை (ஸ்டாப் லைன்) தாண்டி வாகனங்களை நிறுத்துதல், செல்போன் பேசிக் கொண்டே கார் அல்லது மோட்டார் சைக்கிள்களில் ஓட்டுதல், ஒரே மோட்டார் சைக்கிளில் 3 பேர் பயணம் செய்தல், மின்னல் வேகத்தில் மோட்டார் சைக்கிளை ஓட்டுதல், நம்பர் பிளேட்டுகளில் தேவையில்லாத வார்த்தைகளை எழுதி வைத்தல், துப்பாக்கி, அரிவாள் படங்களை வரைதல் போன்ற விதி மீறல்களுக்காக அபராதம் விதிக்கப்பட்டு வருகிறது.

இதைப் போல... 40-க்கும் மேற்பட்ட விதி முறைகளை போக்குவரத்து போலீசார் வகுத்துள்ளனர். இவைகளை மீறிச் செல்பவர்களிடம் இ-செலான் மூலம் அபராதம் வசூலிக்கப்பட்டு வருகிறது.

ஒரே மோட்டார் சைக்கிளில் 3 பேர் வரை சென்றாலோ, செல்போன் பேசிக் கொண்டு மோட்டார் சைக்கிளில் சென்றாலோ, ரூ.1110 அபராதம் விதிக்க சட்டத்தில் இடம் உள்ளது. நேற்று ஒரே நாளில் அதிக பட்சமாக நம்பர் பிளேட்டுகளில் வண்டி நம்பர்களை சரியாக எழுதாத குற்றத்துக்காக 200-க்கும் மேற்பட்டவர்கள் மீது நடவடிக்கை எடுக்கப்பட்டுள்ளது.

இது தொடர்பாக போக்கு வரத்து கூடுதல் கமிஷனர் சஞ்சய்அரோரா கூறியதாவது:-

முதல் நாளான நேற்று மட்டும் போக்குவரத்து வீதி முறைகளை மீறியதாக 3114 பேர் மீது வழக்கு பதிவு செய்யப்பட்டுள்ளது. ரூ.1 லட்சத்து, 57 ஆயிரம் ரூபாய் அபராத தொகையாக வசூலிக்கப்பட்டுள்ளது.

இவ்வாறு அவர் கூறினார்.

நல்ல வருமானம்

நல்ல விஷயம் !!!! கசப்பாக இருந்தாலும் மருந்துதானே குணமாக்கும்.!

மத்திய அரசு பெட்ரோல் மூலம் கஜானாவை நிரப்புகிறாது . மாநில அரசு இப்படி
பணம் சம்பதிகிறது. பாவம் தமிழக அரசுக்கு என்ன பணப் பிரச்சனையோ..

நாம் மட்டூம் கொஞ்சம் உசார இருந்தாப் போதும்!

நல்ல விஷயம்.......