கேரளாவில் பிடிபட்ட இரண்டுகால் பாம்பு: நம்பமுடியாத அதிசயம்!

ரேவதி · ரேவதி Wed Jun 29, 2011 4:57 pm

பாம்புகள் பற்றிய ஏராளமான செய்திகள் மற்றும் வீடியோக்களை எமது தளத்தில்
நிறையவே வெளியிட்டிருந்தமை எமது வாசகர்கள் நன்கு அறிந்த விடயம். இந்த
பாம்புகளுக்கு கால்கள் உண்டா எனக்கேட்டால் நீங்கள் அனைவரும் இல்லை என்றே
பதில் கூறுவீர்கள்.. ஆனால் பலகோடி ஆண்டுகளுக்கு முன்னர் பாம்புகள்
கால்களுடன் வாழ்ந்ததா கருதப்படுகிறது. இருப்பினும் இது தொடர்பாக ஆய்வுகள்
தொடர்ந்த வண்ணமே உள்ளது. எது எப்படியோ பாம்புகள் கால்களுடன்தான் வாழ்ந்தது
என்பதை நம்பும்படியாக சில விசித்திர சம்பவங்களும் நடக்கத்தால் செய்கின்றன..
உதாரணமா சீனாவில் ஒற்றைக்காலுடன் பிடிபட்ட பாம்பு தொடர்பான செய்தியை எமது
தளத்திலையே நீங்கள் படித்திருப்பீர்கள்.. இதைப்போலவே விசித்திரமான ஒரு
சம்பவம் கேரளாவிலும் நடைபெற்றுள்ளது. இது கடந்த 3ஆண்டுகளுக்கு முன்னர்
நடந்திருந்தாலும் எமது தளத்தின் விசித்திர விரும்பிகளுக்கா இந்த அதிசய
செய்தியை நாம் தருகிறோம்.
கேரளாவில் அடித்துக் கொல்லப்பட்ட பாம்பு, இரண்டு கால்களுடன் இருந்ததால்
பெரும் பரபரப்பு ஏற்பட்டது. பாம்பை ஆராய்ந்த விஞ்ஞானிகள் தலைசுற்றிப்
போயினர். கேரள மாநிலம், திருவனந்தபுரம் அருகே, அலாம்கோடு என்ற இடத்தில்,
ஒரு பாம்பை மக்கள் அடித்துக் கொன்றனர். அந்த பாம்பின் வயிற்றுப் பகுதியில்
இரண்டு கால்கள் இருந்ததால், பரபரப்பு செய்தியானது. ஊர்வன இனத்தில்,
பாம்புகள் கால் இழந்தது எப்படி என்று சர்வதேச அளவில் விஞ்ஞானிகள் ஆராய்ச்சி
நடத்தி வருகின்றனர். சமீபத்தில் லெபனானில், 9.2 கோடி ஆண்டுகளுக்கு முந்தைய
புதைபடிவம் கண்டெடுக்கப்பட்டது. அது கால்களுடன் கூடிய பாம்பு. இதனால்,
கேரள விஞ்ஞானிகள் மத்தியிலும் பெரும் பரபரப்பு ஏற்பட்டது. பாம்பின் உடலை
எடுத்து ஆய்வு செய்தனர்.

கேரளாவில் பிடிபட்ட இரண்டுகால் பாம்பு: நம்பமுடியாத அதிசயம்! Two-legs-snake.jpg-2

ORIGINAL PHOTO

எக்ஸ்-ரே எடுக்கப்பட்ட போதும், புதிர் விளங்கவில்லை. இறுதியில்,
பாம்பின் உடலை அறுத்து சோதிக்க முடிவு செய்யப்பட்டது. பாம்பின்
வயிற்றுப்பகுதி கவனமாக பிரித்துப் பார்க்கப்பட்டது. அப்போது, பாம்பின்
வயிற்றில் தவளையின் பாகம் இருப்பது தெரியவந்தது. தவளையை, பாம்பு விழுங்கிய
போது, வயிற்றுக்குள் சென்ற தவளை, தப்பிக்கும் முயற்சியாக கால்களை ஓங்கி
உதைத்த போது, பாம்பின் வயிற்றுப்பகுதியில் அதன் கால்கள் மட்டும்
வெளிப்பட்டுள்ளது. பாம்பில் இருந்தது, அதன் கால்கள் அல்ல; தவளையின் கால்கள்
என்று தெரியவந்தது. பரபரப்புடன் துவங்கிய ஆராய்ச்சி, “புஸ்’சென்று
முடிந்தது