இது வேறு யாருக்குமானதல்ல....

காதலைக் கொணர்ந்ததாய் சொல்லி ...ஒளித்து வைத்திருக்கிறேன்..
உனது...எழுத்தில் சொல்ல இயலாத..... பார்வை ஒன்றினை..
எனது இதயத்தின் ஆழத்தில்....
குழந்தைகள் ஒளித்துவைத்துக் கனவு காணும் மயிலிறகினைப் போல.
நீ அதை மீட்கப் பார்க்கையில் தவிக்கிறேன்..
எனது வீட்டின் பரணில் வீசியெறியப்பட்ட..
நான் விளையாடிய பொம்மைகளில் உறைந்து நிற்கும்..
எனது குழந்தைக் காலம் போல.
*************************************
நான் எழுதிய கடிதத்தின்...
நான்கு முனைகளையும் தொட்டு எனது உயிராய்....(உனக்கு எழுத்தாய் இருந்தாலும்)
பரவியிருக்கிறது எனது காதல்.
நீ அதைக் கசக்கியவுடன்...
அமர்ந்து விடுகிறதே..உனது கைப்பிடிக்குள் வசதியாய்..
நேற்று....உன் வெகு நீளமான பெயர் சுருக்கி
எனது இதயத்தில் நீ வசதியாய் அமர இடம் தந்ததைப் போல..
**************************************
திறக்கப்படாத உன் இரகசியங்களின் பின்னே அலைகிறது..
என் வாழ்வின் கணங்கள்..
அதை அடுத்த கணம் திறந்துவிடும் பேராவலுடன்.
***************************************
புலம் பெயர்ந்து வருகிறேன்..
உன் கண்களின் வீதியில்..
பிய்த்தெறியப்பட்ட எனது புன்னகையைத்தேடி.
**************************************
ஆர்ப்பரிக்கும் என் மனசின் அலைகள் அழிந்து விடுகின்றன..
உன் கண்களின் கரை தொடுகையில்..
***************************************
நாளை..
ஒரு கனவைப் போல் உதிர்ந்து விடும் என் வாழ்க்கை..
தங்கிவிடும்..
உன் ஞாபகப் படிமங்களிலும் ...
"கனவு"-என்னும் ஒரு பிறழ்வு போல.
******************************************

அனைத்து கவிதைகளையும் ரசித்தேன் நண்பரே

நன்றி.முரளிராஜா.

வித்தியாச சிந்தனைகள்...
எழுத்துகளோ சித்தனைப்போல்...
அது சொல்லும் கருத்துகளோ தாயுமானவனைப்போல்....

அருமை ரமேஷ்.....

ரொம்ப,ரொம்ப நன்றி!மஞ்சுபாஷினி.
மிக, மிக உயர்வான, உங்களின் மிகப் பெருந்தன்மையான,
பாராட்டுதல்களுக்கு ரொம்பவும் நன்றி! மஞ்சுபாஷினி.
அன்புடன் ரமேஷ்.

ரொம்ப அருமையா எழுதுறீங்க கவிதை சூப்பர்

சூப்பர் நண்பா

ரொம்ப,ரொம்ப நன்றிகள் !ஜாகீதாபானு.
ரொம்ப,ரொம்ப நன்றிகள் ரேவதி.
ரொம்ப,ரொம்ப நன்றிகள் ரிபாஸ் .