பெண்கள் தியேட்டருக்கு வரமாட்டேங்கிறாங்களே...! டி.ஆர். கண்ணீர்!!

ரேவதி · ரேவதி Tue Jun 28, 2011 6:03 pm

[color:81a0=#fff]
தமிழகத்தில் சினிமாத்துறை கடும்
வீழ்ச்சி அடைந்திருப்பதற்கு பெண்கள் தியேட்டருக்கு வராததுதான் காரணம்
என்று நடிகரும், லட்சிய திமுக தலைவருமான டி.ராஜேந்தர் வேதனை
தெரிவித்துள்ளார். தனது லட்சிய திமுக கட்சியின் வளர்ச்சி பணிகளில் கவனம்
செலுத்தி வரும் டி.ராஜேந்தர் இப்போது தென் மாவட்டங்களில் சுற்றுப்பயணம்
மேற்கொண்டுள்ளார். டி.ஆர். அளித்துள்ள பேட்டியில், திமுக தோல்விக்கு
காங்கிரஸ்தான் காரணம் ‌என்று கூறியுள்ளார். தமிழகத்தில் திரைத்துறை
வீழ்ச்சியடைந்து வருவது பற்றிய கேள்விக்கு பதில் அளித்த டி.ஆர்.,
தமிழகத்தில் தற்போது சினிமாத்துறை கடும் வீழ்ச்சி அடைந்து வருகிறது.
தியேட்டர்களுக்கு பெண்கள் வருவதில்லை. பெண்கள் சினிமாவிற்கு வந்தால்தான்
படம் வெற்றி பெரும். இதனால் சினிமா வளர்ச்சி அடையும். பெண்கள்
தியேட்டருக்கு வராததற்கு காரணம் தியோட்டரில் கட்டண உயர்வுதான் காரணம்.
தியேட்டரில் கட்டணத்தைக் குறைத்து பெண்களை சினிமா தியேட்டருக்கு வரவழைக்க
வேண்டும். அப்போதுதான் சினிமா வளர்ச்சி அடையும், என்றார்.

மேலும்
தற்போது ஒரு தலைக்காதல் என்கின்ற திரைப்படத்தை தயாரித்து வருவதாகவும், அந்த
படம் முழுக்க முழுக்க காதல் கதையுடனான படம் என்றும் ராஜேந்தர் கூறினார்.