யார் திருடிய வாழ்க்கை இது?

**rameshnaga** · **rameshnaga** Wed 29 Jun 2011 - 15:33

டெண்டுல்கர் ஆவதில்தான் துவங்கியது என் கனவு...
ஆறு பந்தில் ஐந்து முறை அவுட் ஆவது தொடர...
ஸ்டம்ப்சிலிருந்து நகர்ந்தேன்...விஸ்வநாதன் ஆனந்திற்கு.
3+4=? ..என்பதற்கே..எட்டு முறை கண் மூடித் திறக்கும் எனக்குக்
குதிரையின் நகர்த்தல்களில் கசந்தது சதுரங்கம்.
எல்லாம் முயன்று தோற்ற பின் கடைசியாய் மாட்டியது கவிதை.
கூடவே..இலவச இணைப்பாய்..காதலும்.
இப்போது.."நான்" என்னும் ஒற்றை வீட்டிற்குள் இரண்டு பைத்தியங்கள்.
கவிதையும் தெரியாமல்..காதலும் புரியாமல்..
மோட்டுவளையோடு...மௌனத்தில்..நான்.
எப்போதுமே..எதையும் பேசத் தெரியாத அம்மா..
பயந்து போய்..காசு முடிந்து வைத்தாள் குலதெய்வத்திற்கு.
பிறகு..வேலைக்காக அலைந்த நாட்களில்..
யதார்த்தம் என் பிடறியைப் பிளக்க..
விடுபடத் துவங்கினேன் இவைகளில் இருந்து.
என்றாலும்..இன்றும் என் கனவுகளெல்லாம்...
லக்கி டிராக்களிலும்..லாட்டரி பம்பர்களிலும்தான்.
நான் வாழ நினைத்த வாழ்க்கையிலிருந்து...
வெகு தொலைவிலிருக்கும் என் வாழ்க்கையை..
கடவுள் ஏமாற்றிவிட்டதாய்..புலம்பிக்கொண்டிருக்கிறேன் இப்போதும்.

ரேவதி · ரேவதி Wed 29 Jun 2011 - 15:36

அருமையான படைப்பு யார் திருடிய வாழ்க்கை இது? 154550

dsudhanandan · dsudhanandan Wed 29 Jun 2011 - 15:41

நல்லதொரு படைப்பு சூப்பருங்க

**ஜாஹீதாபானு** · **ஜாஹீதாபானு** Wed 29 Jun 2011 - 15:49

அருமை அருமை யார் திருடிய வாழ்க்கை இது? 677196

**rameshnaga** · **rameshnaga** Wed 29 Jun 2011 - 16:38

ரொம்பவும் நன்றி! ரேவதி.
ரொம்பவும் நன்றி!டி.சுத்தானந்தன்.
ரொம்பவும் நன்றி!ஜாகீதாபானு.

சின்றெல்லா · சின்றெல்லா Wed 29 Jun 2011 - 17:02

பல கட்டாயங்களுக்காக விரும்பிய வாழ்க்கயை தொலைத்துவிட்டு சூழ்நிலை கைதியாக வாழும் நிலயை மிகவும் எதார்த்தமாக அழகாக சொல்லி விட்டீர்கள் ரமேஷ்..

ரசிக்கும்படியாக உள்ளது... உங்களுக்காக இதோ என் பங்கு மகிழ்ச்சி

...

**rameshnaga** · **rameshnaga** Wed 29 Jun 2011 - 17:10

நன்றி! சின்றெல்லா.

மஞ்சுபாஷிணி · மஞ்சுபாஷிணி Wed 29 Jun 2011 - 17:23

நடுத்தர வாழ்க்கை வாழும் மனிதனின் இயல்புகளை அந்த சுவை குன்றாமல் கொடுக்கும் அசத்தல் வரிகள் ரமேஷ்....

என்னென்னவோ ஆகனும்னு நினைச்சு
எதுவுமே ஆகாமல் நின்னது தான் மிச்சம்
பைத்தியம் என்று சொல்லி பொண்டாட்டி
தள்ளி வைப்பது தான் சொச்சம்....

அன்பு வாழ்த்துகள் ரமேஷ்....

**rameshnaga** · **rameshnaga** Wed 29 Jun 2011 - 17:30

நன்றி!மஞ்சுபாஷினி.

Sponsored content · Sponsored content

யார் திருடிய வாழ்க்கை இது?

யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

Re: யார் திருடிய வாழ்க்கை இது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக