டென்னிஸ் காலிறுதியில் ஷரபோவா

ராமகிருஷ்ணன் · 18/06/2011

லண்டன்: விம்பிள்டன் டென்னிஸ் தொடரின் ஒற்றையர் பிரிவு காலிறுதிக்கு ரஷ்யாவின் மரியா ஷரபோவா, பெலாரசின் விக்டோரியா அசரென்கா உள்ளிட்ட முன்னணி வீராங்கனைகள் முன்னேறினர்.
லண்டனில், 125வது விம்பிள்டன் டென்னிஸ் தொடர் நடக்கிறது. இதில் நேற்று நடந்த பெண்கள் ஒற்றையர் நான்காவது சுற்றில் ரஷ்யாவின் மரியா ஷரபோவா, சீனாவின் சூயாய் பெங்கை எதிர்கொண்டார். இதில் அபார ஆட்டத்தை வெளிப்படுத்திய ஷரபோவா 6-4, 6-2 என்ற நேர் செட்டில் வெற்றி பெற்று காலிறுதிக்கு முன்னேறினார்.
மற்றொரு போட்டியில் பெலாரசின் விக்டோரியா அசரென்கா, ரஷ்யாவின் நடியா பெட்ரோவாவை சந்தித்தார். இதில் அசரென்கா 6-2, 6-2 என்ற நேர் செட்டில் மிகச் சுலபமாக வெற்றி பெற்று, காலிறுதிக்கு தகுதி பெற்றார்.
மற்ற போட்டிகளில் தமிரா பசக் (ஆஸ்திரியா), சபினி லிசிக்கி (ஜெர்மனி), பெட்ரா கெவிடோவா (செக் குடியரசு) உள்ளிட்ட வீராங்கனைகள் வெற்றி பெற்று காலிறுதிக்கு முன்னேறினர்.
செரினா "அவுட்':
மற்றொரு நான்காவது சுற்றுப் போட்டியில் "நடப்பு சாம்பியன்' அமெரிக்காவின் செரினா வில்லியம்ஸ், பிரான்ஸ் வீராங்கனை மரியன் பர்டோலியை சந்தித்தார். முதல் செட்டை பர்டோலி 6-3 என மிக எளிதாக கைப்பற்றினார். "டை-பிரேக்கர்' வரை நீடித்த இரண்டாவது செட்டில் சோபிக்கத்தவறிய செரினா 6-7 என கோட்டைவிட்டார். இறுதியில் செரினா 3-6, 6-7 என்ற நேர் செட்டில் தோல்வி அடைந்து வெளியேறினார்.
காலிறுதியில் முர்ரே:
ஆண்கள் ஒற்றையர் நான்காவது சுற்றில் இங்கிலாந்தின் ஆன்டி முர்ரே, பிரான்சின் ரிச்சர்ட் காஸ்குயட்டை சந்தித்தார். இதில் ஆன்டி முர்ரே 7-6, 6-3, 6-2 என்ற நேர் செட் கணக்கில் வெற்றி பெற்று காலிறுதிக்கு தகுதி பெற்றார்.

ரபீக் · ரபீக் Tue Jun 28, 2011 7:58 am

சூப்பர் பிகறு இந்த ஷரபோவா !!

அப்துல்லாஹ் · அப்துல்லாஹ் Tue Jun 28, 2011 8:54 am

இந்த ஆண்டு விம்பிள்டனில் ஒரு சுவாரசியமான வெறித்தனமான ஆட்டம என்பது நேற்று இரவு நடந்த நடால் மற்றும் டெல் போட்ரோ இடையிலான ஆட்டம் தான். இறுதியில் நடால் வென்றார்.
பகிர்வுக்கு நன்றி prpr