கார்ட்டூன்ஸ்

சரியான அடி

நன்றி தினமலர்.காம்

பேஸ்புகில் சுட்டது

தமிழக பா.ஜ., தலைவர் பொன்.ராதாகிருஷ்ணன்: தமிழக மக்களை, 45 ஆண்டுகளாக தி.மு.க., - அ.தி.மு.க., ஆகிய இரண்டு கட்சிகளும் ஏமாற்றி வருகின்றன. ஐந்து மாதத்துக்கு முன், தி.மு.க.,வின் மோசமான ஆட்சியை ஒழிக்க, அ.தி.மு.க.,வுக்கு வாய்ப்பு தந்தீர்கள்; ஆட்சிக்கு வந்து ஐந்து மாதங்களில் ஏதாவது மாற்றம் வந்துள்ளதா?

டவுட் தனபாலு: தெரியலை... ஆனா, "புதிய ஆட்சி வந்து ஆறு மாதங்கள் வரை விமர்சிக்க மாட்டேன்'னு சொன்ன உங்க நிலைப்பாடுல தான் மாற்றம் வந்திருக்கு...!

பத்திரிகைச் செய்தி: உள்ளாட்சித் தேர்தலை முன்னிட்டு தமிழகம் முழுவதும், "டாஸ்மாக்' கடைகள், ஆறு நாட்கள் செயல்படாது என அறிவிக்கப்பட்டுள்ள நிலையில், சரக்கு பதுக்கல் துவங்கி உள்ளது.

டவுட் தனபாலு: அப்போ, வீட்டுக்கு வீடு அரிசி மூட்டை போடுறதுக்கு பதிலா, ஆறு குவார்ட்டர் பாட்டில் போடுற கட்சி தான் ஜெயிக்கும்னு நினைக்கிறேன்...!

தி.மு.க., தலைவர் கருணாநிதி: நான் எழுப்பிய குற்றச்சாட்டுக்கு முதல்வரோ, அமைச்சர்களோ பதிலளிக்காமல், கலெக்டர் பொறுப்பில் உள்ளவரை விளக்கம் கூற வைத்திருப்பதால், அரசிடம் நியாயமான பதில் இல்லை எனத் தெரிகிறது. தனிப்பட்ட சங்கத்திற்கு, செம்மொழிப் பூங்காவுக்கு எதிரே உள்ள இடத்தைக் கொடுத்ததை, அவர் மறுக்கவில்லை; ஒப்புக்கொண்டுள்ளார்.

டவுட் தனபாலு: "தோட்டக்கலைச் சங்கத்துக்குச் சொந்தமான இடம்; அதனால அவங்களுக்கே கொடுத்துட்டேன்'னு சொல்லியிருக்கார்... நீங்க என்னமோ, கொலைக் குற்றத்தை ஒப்புக்கிட்ட மாதிரி சொல்றீங்களே...!

வின்சீலன் wrote:

பேஸ்புகில் சுட்டது

நல்ல போலீஸ்

அ.தி.மு.க., ஆதரவு காமெடி நடிகர் சிங்கமுத்து: கடந்த சட்டசபை தேர்தலில், தமிழகத்தில் எத்தனை தொகுதி இருக்கிறது என்பது கூட தெரியாமல், "250 தொகுதிகளிலும் ஜெயிச்சுடுவோம்'னு தி.மு.க., தலைவர் கருணாநிதியிடம் வடிவேலு கூறினார். தி.மு.க.,வுக்கு ஆதரவாக பிரசாரம் செய்த குஷ்புவுக்கு தமிழே தெரியாது; அரசியலும் தெரியாது.

டவுட் தனபாலு: ஆமால்ல... எங்கே, அவங்க ரெண்டு பேரையுமே காணோம்...? ஒருவேளை, "நாமல்லாம் பிரசாரம் பண்ணாமலேயே, தி.மு.க., ஜெயிச்சிடும்'னு நினைச்சு, "ஷூட்டிங்'குக்கு போயிட்டாங்களோ...!

மார்க்சிஸ்ட் மாநிலச் செயலர் ராமகிருஷ்ணன்: மாநில அரசு தன் வருவாயில், 8 முதல், 12 சதவீதம் வரை, உள்ளாட்சி அமைப்புகளுக்கு ஒதுக்க வேண்டும் என, 1996ம் ஆண்டு நிதி ஆணையக் குழு பரிந்துரை செய்தும், 10 சதவீதம் தான் ஒதுக்கப்படுகிறது. மத்திய அரசைப் போல, மாநில அரசும், தம் வரி வருவாயில், 30 சதவீதத்தை உள்ளாட்சிகளுக்கு ஒதுக்க வேண்டும்.

டவுட் தனபாலு: அடுத்தடுத்து வர்ற ஆளுங்கட்சிகள், அவங்களுக்கு ஒதுக்கறதுக்கே நிதியில்லாம அல்லாடுறாங்க... அப்புறம் எங்கேயிருந்துங்க ஒதுக்கிறது...? பேசாம, "உள்ளாட்சி அமைப்புகளே, ஊருக்கு ஒரு டாஸ்மாக் கடை நடத்தலாம்'னு ஓர் உத்தரவு போட்டுடுவோமா...? "தள்ளாடும்' நிதி நிலைமை சீராயிடும்...!

தி.மு.க., தலைவர் கருணாநிதி: "மீனவர்கள் பிரச்னை, அன்றாட பிரச்னையாக உள்ளது. அதை தீர்க்க பிரதமருக்கு வெறும் கடிதம் எழுதினால் போதாது' என்று, கடந்த ஆட்சியின்போது ஜெயலலிதா கூறியிருந்தாரே... இப்போது மட்டும் அவர் வெறும் கடிதம் எழுதினால், பிரச்னை தீர்ந்துவிடுமா என்ன?

டவுட் தனபாலு: தீராது தான்... அப்போ நீங்களும், "இந்தப் பிரச்னை தீராது'ன்னு தெரிஞ்சு தான் ஒப்புக்கு கடிதம் எழுதிட்டு இருந்தீங்களா...?

பேஸ்புகில் சுட்டது

தி.மு.க., தலைவர் கருணாநிதி: சிறுதாவூரில், தலித் இடத்தை அபகரித்தவர் ஜெயலலிதா என, மார்க்சிஸ்ட் கம்யூனிஸ்ட் கட்சியால் குற்றஞ் சாட்டப்பட்டவர்; கொடநாடு எஸ்டேட்டில் மாளிகை கட்டி, மக்களுக்காக பாதை விட மறுத்து, சுப்ரீம் கோர்ட் உத்தரவுக்கு பின்னும், செயல்படுத்தாமல் இருப்பவர் என்பதை மறக்க முடியுமா?



டவுட் தனபாலு: அதையும் மறக்க முடியலை... சென்னை அண்ணா அறிவாலயம், திருச்சி கலைஞர் அறிவாலயம், கோபாலபுரம் வீட்டுக்கு பின்னால இருக்கிற இடம், மதுரையில வண்டிப் புறம்போக்கு மேல கட்டப்பட்டிருக்கிற தயா சைபர் பார்க் எல்லாம், அடுத்தடுத்து சர்ச்சைக்கு உள்ளாகிட்டு வர்றதையும் மறக்க முடியலை...!



தமிழக காங்., தலைவர் தங்கபாலு: நிர்பந்தம் காரணமாகவே தி.மு.க.,வுடன் கூட்டு சேர்ந்தோம். தேர்தல்களில், தொடர்ந்து தனித்துப் போட்டியிடவே முயற்சிப்போம்.



டவுட் தனபாலு: யாரோட நிர்பந்தம், என்ன நிர்பந்தம்கிறதை முதல்ல சொல்லுங்க... இன்னிக்கு, "தனித்துப் போட்டியிடுவோம்'னு சொல்ற நீங்க, அதே நிர்பந்தம் காரணமா, திரும்பவும் தி.மு.க., கூட கூட்டணி வைக்க மாட்டீங்கன்ன என்ன நிச்சயம்...?



தமிழக முதல்வர் ஜெயலலிதா: கூடங்குளம் அணு மின் நிலையப் பிரச்னையில், உள்ளூர் மக்களின் உணர்வுகளுக்கு மதிப்பளித்து, தமிழக அரசு நிச்சயம் செயல்படும். இதில், நான் உங்களில் ஒருத்தியாக இருந்து குரல் கொடுப்பேன்.



டவுட் தனபாலு: கூடங்குளம் மக்கள்ல ஒருத்தியா குரல் கொடுக்கிற நீங்க, எப்போ, தமிழக முதல்வரா குரல் கொடுக்கப் போறீங்க...? இதே மாதிரி, "உள்ளூர் மக்களின் நலன் தான் முக்கியம்'னு சொல்லி சொல்லித் தானே முல்லைப் பெரியாறு பிரச்னையில, கேரள அரசு குடைச்சல் கொடுத்துட்டு இருக்கு...!



தமிழக காங்., தலைவர் தங்கபாலு: காங்கிரஸ் நிர்வாகிகள் தனித்துப் போட்டியிட வேண்டும் என, நீண்ட நாட்களாக கோரிக்கை விடுத்தனர். இனி வரும் காலங்களில், ஊராட்சி முதல் லோக்சபா தேர்தல் வரை காங்கிரஸ் தனித்துப் போட்டியிடும்.



டவுட் தனபாலு: அப்பாடா... இப்போ தான், எங்கே உங்க கட்சி வளர்ந்துடுமோங்கிற பயமில்லாம, நிம்மதியா இருக்கு... இனிமே, மத்தியில மட்டுமில்ல; தமிழகத்துலயும் உங்க கட்சி, பாரதிய ஜனதாவுக்கு போட்டி கட்சியா மாறிடும்...!



பா.ம.க., நிறுவனர் ராமதாஸ்: உள்ளாட்சித் தேர்தலில், மோதல்களைத் தவிர்க்க, 15ம் தேதி முதல், தேர்தல் முடியும் 19ம் தேதி வரை, தமிழகத்தில் டாஸ்மாக் கடைகளை மூட வேண்டும்.



டவுட் தனபாலு: சும்மாவே இருக்க மாட்டீங்களா...? இந்த மாதிரி பேசுறதால தானே, உங்க கட்சிக்காரங்க கூட உங்களுக்கு ஓட்டு போடாம கவுத்துடறாங்க... ஏன் இப்படி குடிமகன்களோட உரிமையோட விளையாடறீங்க...?

தி.மு.க., தலைவர் கருணாநிதி: தமிழகத்தில் அரசே சரியாக செயல்படவில்லை. அப்புறம் கேமரா எப்படி செயல்படும்? ஆட்சி அராஜகமாக இருக்கும்போது, இந்தத் தேர்தலும் அராஜகமாகத் தான் இருக்கும்.
டவுட் தனபாலு: எது...? இந்தத் தேர்தல் அராஜகமா நடந்ததா...? உங்க ஆட்சியில உள்ளாட்சித் தேர்தல் நடந்த விதத்தையும், அதையடுத்து, சென்னை ஐகோர்ட் போட்ட உத்தரவையும் கொஞ்சம், "ரீவைண்ட்' பண்ணிப் பார்த்தீங்கன்னா, உங்களுக்கே தெரிஞ்சிடும், எது அராஜகம்னு...!



திராவிடர் கழகத் தலைவர் வீரமணி: இந்த உள்ளாட்சித் தேர்தல், ஆட்சி மாற்றத்துக்கு வழிவகுக்காவிட்டாலும் கூட, மக்கள், எந்தளவுக்கு இந்த ஆட்சியை மதிக்கின்றனர் என்பதற்கான தீர்ப்பு வழங்கும் நாளாக இந்த தேர்தலைக் கொள்ளலாம்.
டவுட் தனபாலு: சரி, கொள்ளுங்க... அப்போ, இந்தத் தேர்தல்ல பெரும்பான்மை இடங்கள்ல அ.தி.மு.க., ஜெயிச்சுட்டா, "ஜெயலலிதா ஆட்சியை மக்கள் போற்றுகின்றனர்'னு வெளிப்படையா ஒப்புக்குவீங்களா...?



தமிழக அரசு செய்திக்குறிப்பு: காவிரி நடுவர் மன்ற உத்தரவு குறித்து, தமிழக அரசால் சுப்ரீம் கோர்ட்டில் தாக்கல் செய்யப்பட்டுள்ள இடைக்கால மனு மற்றும் சிறப்பு விடுப்பு மனுவில் தமிழக அரசு எடுக்க வேண்டிய நிலைப்பாடு குறித்து, முதல்வர் தலைமையில் ஆலோசனை நடந்தது.
டவுட் தனபாலு: தமிழக அரசு என்ன மனு போட்டாலும் சரி; சுப்ரீம் கோர்ட்டே என்ன உத்தரவிட்டாலும் சரி... எதையும் மதிக்கறதில்லைன்னு கர்நாடகா அரசு தெளிவா இருக்கு... அப்புறம், என்ன ஆலோசனை நடத்தி, என்ன பிரயோஜனம்னே தெரியலை, போங்க...!



நன்றி தினமலர்.காம்