கார்ட்டூன்ஸ்

டில்லி சிறப்பு கோர்ட்டில் சி.பி.ஐ., மனு: கலைஞர், "டிவி'யில் கனிமொழி, 20 சதவீத பங்குகளை வைத்துள்ளார். அவர், அச்சேனலின் செயல்பாடுகளில் முக்கிய மூளையாக செயல்பட்டார். ராஜாவுக்கு இரண்டாம் முறையாக இத்துறையைப் பெற்றுத் தந்ததில் முக்கிய பங்கு வகித்தார். எனவே, அவருக்கு ஜாமின் வழங்கக் கூடாது.
டவுட் தனபாலு: என்னங்க இது... "கனிமொழிக்கு ஜாமின் வழங்குவதில் ஆட்சேபம் இல்லை என சி.பி.ஐ., தெரிவித்துள்ளதே; அது உங்கள் கண்ணுக்குத் தெரியவில்லையா'ன்னு ரெண்டு நாள் முன்ன தான், பத்திரிகையாளர்களைத் தலைவர் திட்டினாரு... அதுக்குள்ள இப்படி எதிர்ப்பு தெரிவிச்சுட்டீங்களே... அவர் பேட்டி உங்க கண்ணுக்குத் தெரியலையா...?



பா.ஜ., ராஜ்யசபா எதிர்க்கட்சித் தலைவர் அருண் ஜெட்லி: மூத்த மத்திய அமைச்சர்கள் பிரணாப் முகர்ஜி, சிதம்பரம் இடையே கருத்து வேறுபாடு நிலவுகிறது. அவர்களுக்கிடையே சமாதானம் ஏற்பட்டதாக, கேலிக்கூத்தான நாடகம் அரங்கேற்றப்பட்டுள்ளது.
டவுட் தனபாலு: ஏங்க... ஒண்ணுமே இல்லாம எதிர்க்கட்சியா இருக்கற உங்களுக்குள்ளேயே, நீங்க, சுஷ்மா, மோடின்னு ஆளாளுக்கு அடிச்சுக்கிறீங்க... அப்ப, ஆளுங்கட்சியா இருக்கற அவங்களுக்குள்ள சண்டை வராதா...?



பத்திரிகைச் செய்தி: புதுச்சேரி கல்வி அமைச்சர் கல்யாணசுந்தரத்துக்கு பதிலாக எஸ்.எஸ்.எல்.சி., தேர்வு எழுதியதில் ஆள் மாறாட்டம் நடந்துள்ளதாக சர்ச்சை எழுந்துள்ளது. இது குறித்து, அதிகாரிகள் விசாரணை நடத்தி வருகின்றனர்.
டவுட் தனபாலு: என்ன கொடுமை கல்யாணசுந்தரம் இது... பத்தாவது கூட தேறாதவரை கல்வியமைச்சரா போட்டதே தப்பு... சரி போட்டது தான் போட்டுட்டாங்கன்னு, "நாங்கல்லாம் காமராஜர் மாதிரி'ன்னு கவுரவமாவது இருந்திருக்கலாம்... ரெண்டுமில்லாம, எதுக்கு இந்த மாதிரியெல்லாம் காமெடின்னேன்...!




நன்றி: தினமலர்.காம்

நன்றி - தினமலர்

இ.கம்யூ., மாநில செயலர் தா.பாண்டியன்: பல இடங்களில், தே.மு.தி.க.,வுடன் உடன்பாடு ஏற்படவில்லை. அதுபோன்ற இடங்களில் எங்கள் கட்சி தனித்துப் போட்டியிடுகிறது. இப்போது தான் தகவல்கள் வந்து கொண்டிருப்பதால், எவ்வளவு இடங்களில் தனித்துப் போட்டி என்ற விவரம் இன்னும் வரவில்லை.
டவுட் தனபாலு: ஆகாகா... என்னா கொள்கை... என்னா கோட்பாடு... நேத்து அ.தி.மு.க., கூட்டணி; இன்னிக்கு தே.மு.தி.க., கூட்டணி; அதுலயே, சில இடங்கள்ல தனித்துப் போட்டி... இப்படிப்பட்ட கொள்கைச் சிங்கங்கள் இருக்கிற அரசியல்ல, பா.ம.க.,வை மட்டும் குத்தம் சொல்றது ரொம்ப பாவம்ங்க...!



இ.கம்யூ., மதுரை மாவட்ட செயலர் மயிலேறி: மதுரை மாநகராட்சியில், இந்திய கம்யூனிஸ்ட் கட்சி, 17 வார்டுகளில் போட்டியிட விரும்பியது. ஆனால், மதுரை மாவட்ட, தே.மு.தி.க., நிர்வாகிகளின் அலட்சியத்தால் உடன்பாடு ஏற்படவில்லை. எனவே, 12 வார்டுகளில் தனித்துப் போட்டியிட முடிவு செய்துள்ளோம்.
டவுட் தனபாலு: அதென்னங்க கணக்கு... தே.மு.தி.க.,ட்ட, 17 வார்டு கேட்டிருக்கீங்க... அவங்க தர மறுத்துட்டாங்க... கூட்டணி முறிஞ்சு போச்சு... தனியா போட்டியிட்டு உங்க பலத்தை நிரூபிக்கிறதா இருந்தா, அதை விட அதிகமான வார்டுல தானே போட்டியிடணும்... ஏன், 12டோட நிறுத்திட்டீங்க...?

இது மெய்யாலுமே செம காமெடி

பத்திரிகைச் செய்தி: திருச்சி மாநகராட்சியின் மேயர் வேட்பாளராக சுஜாதா என்பவரை அறிவித்தார், தமிழக காங்., தலைவர் தங்கபாலு. உடனடியாக பேட்டியளித்த சுஜாதா, "நான் விருப்பமனுவே தாக்கல் செய்யவில்லை. எனக்கு எப்படி சீட் ஒதுக்கலாம்... நான் போட்டியிட முடியாது' என மறுத்தார்.
டவுட் தனபாலு: ஆயிரம் சொல்லுங்க... யார் எவ்வளவு காமெடி பண்ணாலும், காங்கிரஸ் காமெடிக்கு நிகர் காங்கிரஸ் தான்... உங்க காமெடிக்கு அடிமையாகி, என் பெயரையே டவுட் தனபாலுவுக்கு பதிலா, டவுட் தங்கபாலுன்னு மாத்திக்கலாமான்னு யோசிக்கிறேன்...!

//உங்க காமெடிக்கு அடிமையாகி, என் பெயரையே டவுட் தனபாலுவுக்கு பதிலா, டவுட் தங்கபாலுன்னு மாத்திக்கலாமான்னு யோசிக்கிறேன்...!//


இது மெய்யாலுமே செம காமெடி

தி.மு.க., பேச்சாளர் நடிகை குஷ்பு: தி.மு.க.,வின் மீது மக்கள் வைத்திருக்கும் நம்பிக்கை, இப்போது தான் அதிகமாகி இருக்கிறது. நிச்சயம் ஜெயிப்போம். ஆனால், 60, 70 சதவீதம் என பொய் சொல்ல மாட்டேன். 40 சதவீத இடங்களைக் கைப்பற்றுவோம் என்ற நம்பிக்கை இருக்கிறது.



டவுட் தனபாலு: தி.மு.க., மேல மக்களின் நம்பிக்கை அதிகரிச்சிருக்குன்னா, ஜெயிக்கிற சதவீதமும் அதிகரிக்கணுமே... 40 சதவீத இடம் தான் கிடைக்கும்கிறீங்க... இது தான் நம்பிக்கை வளர்றதுக்கான அடையாளமா...? கொடுத்த கால்ஷீட்டுக்கு விசுவாசமா, எதை வேணாலும் பேசிடறது போல...!

மா.கம்யூ., தேர்தல் அறிக்கை: மத்திய அரசு செயல்படுத்தி வரும் தாராளமய, தனியார்மயக் கொள்கையைத் தான் தமிழகத்தில் பொறுப்பேற்ற மாநில அரசுகளும் பின்பற்றின. இதனால், பணக்காரர்கள் மேலும் பணக்காரர்களாகவும், ஏழைகள் மேலும் ஏழைகளாகவும் ஆக்கப்பட்டனர்.




டவுட் தனபாலு: ஆனா, இத்தகைய தமிழக அரசுகளை அமைச்ச, அ.தி.மு.க.,வுக்கும், தி.மு.க.,வுக்கும் தானே நீங்க மாறி மாறி ஆதரவு கொடுத்துட்டு இருந்தீங்க... ஏழைகளை பணக்காரர்களா ஆக்குறதுக்கு ஏதாவது நடவடிக்கை எடுத்தீங்களா... இது தான் என்னோட, "டவுட்!'



சிரிப்பு நடிகர் வடிவேலு: என்னோட முழுக் கவனமும் இனி தொழிலில் தான். "தொழிலைப் பாருய்யா'ன்னு தலைவரே சொல்லிட்டாரு. அதனால், இனி சினிமா தான்.

டவுட் தனபாலு: தலைவர் சொன்னதால தானே, தொழிலைப் பார்க்கப் போயிட்டீங்க... நான் வேணா, தலைவர்ட்ட பரிந்துரை பண்றேன்... "எந்த கப்பலுக்கு கேப்டன்'னு, திரும்பவும் பிரசாரம் பண்ண வர்றீங்களா...?


நன்றி: தினமலர்.காம்

காங்., மத்திய அமைச்சர் வாசன்: காமராஜர் ஆட்சியில் கல்வி, விவசாயம் மற்றும் தொழில் துறைகளில் புரட்சி ஏற்பட்டு, தமிழகம் முதன்மை மாநிலமாகத் திகழ்ந்தது. எங்களுக்கு ஓட்டு அளித்தால், உள்ளாட்சியில் நல்லாட்சி ஏற்படும் வகையில், காங்கிரஸ் கட்சியினர் செயல்படுவர்.
டவுட் தனபாலு: முதல்ல, மத்திய ஆட்சியில ஒழுங்கா செயல்படச் சொல்லுங்க... அப்புறம், உள்ளாட்சியில் நல்லாட்சி கொடுக்கிறது பத்தி உணர்ச்சிவசப்படலாம்...!



இ.கம்யூ., மாநிலச் செயலர் தா.பாண்டியன்: ஸ்பெக்ட்ரம் ஊழல் நடந்து நான்கு ஆண்டுகளுக்கு மேலாகிறது. உடனே, தயாநிதி வீடு, அலுவலகங்களில் சோதனை செய்யாமல் , நான்கு ஆண்டு கழித்து தற்போது சோதனை நடத்தினால், அவர் முக்கிய ஆவணங்களை மறைத்திருக்க மாட்டாரா? சி.பி.ஐ.,யின் இந்த சோதனை, கண்கட்டி வித்தையாக உள்ளது.
டவுட் தனபாலு: இப்பக்கூட நடத்தியிருக்க மாட்டாங்க தான்... இந்த சுப்ரீம் கோர்ட் தான், கொஞ்சம் கூட இரக்கமே இல்லாம, ஒரே பிடிவாதமா இருந்துடுச்சு... வேற வழியில்லாம, சி.பி.ஐ., ரெய்டு நடத்த வேண்டியதாப் போயிடுச்சு...



தி.மு.க., அமைப்புச் செயலர் இளங்கோவன்: தேர்தல் நடத்தை விதிமுறைகள் அமலில் இருக்கும்போது, இலவச திட்டங்களை அமல் செய்யக் கூடாது; புதிய திட்டங்களை அறிவிக்கக் கூடாது என விதியுள்ளது. அதை மீறி அ.தி.மு.க., செயல்படுகிறது. மாநில தேர்தல் கமிஷனும் கண்டுகொள்ளாமல் உள்ளது. மேலும், ஐ.ஏ.எஸ்., - ஐ.பி.எஸ்., அதிகாரிகள், ஆசிரியர்களை மாநில அரசு, தன் தேவைக்கு ஏற்ப மாற்றி வருகிறது.
டவுட் தனபாலு: எதுக்கு இப்படி நீட்டி முழக்கிட்டு இருக்கீங்க...? "கடந்த தேர்தல்ல நாங்க செயல்பட்ட மாதிரியே இந்த தேர்தல்ல அ.தி.மு.க., செயல்படுது'ன்னு சிம்பிளா சொல்லிட்டுப் போக வேண்டியது தானே...!



நன்றி தினமலர்.காம்