கார்ட்டூன்ஸ்

by **கே. பாலா** Tue Jun 28, 2011 7:10 am

First topic message reminder :

ஆயிரம் வார்த்தைகளில் சொல்லும் செய்தியை "ஒரு படம் " விளக்கிவிடும் . அந்த வகைய்ல் கார்ட்டூன்ஸ் ( கேலிச்சித்திரங்கள்) என்ற இந்த திரியை துவங்கியுள்ளேன் நீங்களும் உங்களுக்கு பிடித்த கேலிசித்திரங்களை (கார்ட்டூன் ) தரலாம்

by வின்சீலன் Wed Sep 14, 2011 10:41 am

தமிழக சுகாதாரத் துறை அமைச்சர் விஜய்: டில்லி எய்ம்ஸ் மருத்துவமனைக்கு நிகராக, சென்னையில் அமைய உள்ள சிறப்பு மருத்துவமனையில், அனைத்து வகை உயர் சிகிச்சைகளையும் இலவசமாக வழங்க ஆணையிட்டுள்ள அம்மா அவர்களே.... நீங்கள் தான் ஏழை, எளிய மக்களின் தெய்வம். நீங்கள் தான் மருத்துவருக்கெல்லாம் மருத்துவர்.
டவுட் தனபாலு: ஐயோ... அம்மா... தாங்க முடியலையே சாமி... நல்லவேளை, "அந்தப் புதிய மருத்துவமனையில், இதயதெய்வம் புரட்சித் தலைவி டாக்டர் அம்மா அவர்கள் தான் தலைமை மருத்துவராக செயல்பட வேண்டும்'னு சொல்லாமப் போனீங்க...!

திராவிடர் கழகத் தலைவர் வீரமணி: பரமக்குடியில், ஆத்திரமூட்டப்பட்ட இளைஞர்களின் செயல்களைத் தடுக்க கண்ணீர்ப் புகை, தடியடி போன்ற குறைந்தபட்ச தடுப்புமுறைகள் கையாளப்பட்டிருக்க வேண்டாமா? நிலைமை கட்டுக்கடங்காது போயிருந்தால், முதலில் வானத்தை நோக்கி சுட்டு, பயமுறுத்தி, கூட்டத்தைக் கலைத்திருக்க வேண்டாமா?
டவுட் தனபாலு: அப்படியெல்லாம் நடக்கலைன்னு உங்களுக்குத் தெரியுமா...? சம்பவ இடத்துக்குப் போய் பார்த்துட்டு வந்து, கண்ணீர் விட்ட மாதிரி கதை விடறீங்களே... சும்மா குளுகுளு அறையில உட்கார்ந்துட்டு, அரசை குத்தம் சொல்றதை மட்டும் வேலையா வச்சுக்கிட்டா என்ன அர்த்தம்...?

தி.மு.க., தலைவர் கருணாநிதி: "முத்துக்குமரன் குழுவின் அனைத்துப் பரிந்துரைகளையும் நடைமுறைப்படுத்தப் போகிறோம்' என, அ.தி.மு.க., அரசு அறிவித்தது. ஆனால், முக்கியமான பரிந்துரையான, 30 மாணவர்களுக்கு ஓர் ஆசிரியர் நியமிக்க வேண்டும் என்பதைப் பற்றி, இதுவரை இந்த அரசு கண்டுகொள்ளவே இல்லை.டவுட் தனபாலு: சமச்சீர் கல்வியைக் கொண்டு வந்ததா, மாறி மாறி மார்தட்டிக்கிற நீங்களே, அதை ஒரு வருஷம் முழுக்க அமலாக்கியும், அந்தப் பரிந்துரையை நிறைவேத்துறதுல அக்கறை காட்டலை... ஆட்சிக்கு வந்த மூணே மாசத்துல அ.தி.மு.க., அதைச் செய்யலைன்னு விமர்சனம் வேறயாக்கும்...!

கார்ட்டூன்ஸ் - Page 29 WR_644537

by வின்சீலன் Thu Sep 15, 2011 10:07 am

by வின்சீலன் Fri Sep 16, 2011 10:04 am

" டவுட்' தனபாலு

தி.மு.க., தலைவர் கருணாநிதி: பரமக்குடி சம்பவத்தில் போலீஸ் அதிகாரிகள் மீது நடவடிக்கை எடுக்க முடியாதென முதல்வர் அறிவித்திருக்கிறார். கோவை குண்டு வெடிப்பு சம்பவத்தின்போது, மாநகர கமிஷனராக பொறுப்பேற்றிருந்த மூத்த ஐ.பி.எஸ்., அதிகாரி ஒருவரை உடனடியாக மாறுதல் செய்து உத்தரவிட்டேன். எனவே, மனமிருந்தால் மார்க்கமுண்டு.

டவுட் தனபாலு: அதிகாரிகளை மாற்றினா, பிரச்னை தீர்ந்துடுமாங்கிறது முதல் கேள்வி... அதேசமயம், ஐகோர்ட் தாக்குதல் சம்பவத்துல, நீதிபதிகளே உத்தரவிட்டும், நீங்க
எந்த நடவடிக்கையும் எடுக்காதது ஏன்கிறது அடுத்த கேள்வி...!

இந்து முன்னணி நிறுவனர் ராம.கோபாலன்: முன்னாள் முதல்வர் அண்ணாதுரையின் பிறந்த நாள் விழாவின் ஒரு பகுதியாக, இந்து கோவில்களில் சமபந்தி போஜனம் போடுவதை ஏற்க முடியாது. இதை, இந்து முன்னணி வன்மையாகக் கண்டிக்கிறது. அவர், வாழ்நாளெல்லாம் இறை நம்பிக்கைக்கு எதிராக நாத்திகம் பேசியவர்.

டவுட் தனபாலு: இதை ஏன் இவ்ளோ சீரியசா கண்டிச்சுட்டு இருக்கீங்க... இப்போ தான் தமிழகத்துல, 450க்கும் மேற்பட்ட கோவில்கள்ல, எல்லா நாளும் அன்னதானம் நடந்துட்டு இருக்கே... அதுவே தான், ஒரு நாள் மட்டும், "அண்ணாதுரை பிறந்த நாளை முன்னிட்டு சமபந்தி போஜனம்'கிற பெயர்ல நடக்குது... இதுக்கு ஏன் உணர்ச்சிவசப்படணும்னேன்...!

காஞ்சிபுரம் தொகுதி காங்கிரஸ் எம்.பி., விஸ்வநாதன்: தமிழகத்தில் உள்ளாட்சித் தேர்தல் நடைபெற உள்ளது. இங்குள்ள, 1 லட்சத்து, 40 ஆயிரம் பதவிகளுக்கும், காங்கிரஸ் தனித்து போட்டியிட வேண்டும். இது என்னோட கருத்து.

டவுட் தனபாலு: உங்க கருத்தை ஏத்துக்குறேன்... ஆனா, அந்தப் பதவிகள்ல போட்டியிடறதுக்கு உங்கள்ட்ட, 1 லட்சத்து, 40 ஆயிரம் தொண்டர்கள் இருக்காங்களாங்கிறது தான் என்னோட, "டவுட்...!'

சோர்ஸ்: தினமலர்.கொம்

by வின்சீலன் Sat Sep 17, 2011 10:09 am

திராவிடர் கழகத் தலைவர் வீரமணி: கிரிக்கெட் மற்றும் பன்னாட்டு கம்பெனிகளின் சலுகைகளை வெட்டுதல் மூலமும், கோவில்களில் உள்ள தங்கங்களை எடுத்துக் கொண்டு, தங்கப் பத்திரங்களை கடன் பத்திரமாக, "கடவுளுக்கே' தந்தும் கூட நிதி ஆதாரத்தைப் பெருக்கலாமே.

டவுட் தனபாலு: அது மட்டுமில்லை... கோடிக்கணக்கான சொத்துக்களை வச்சுக்கிட்டு, அதுக்கு வரி விலக்கு அனுபவிக்கிற சில அறக்கட்டளைகளுக்கும்; கொடியில இருந்து, புத்தகம் வரை அத்தனையிலயும் காசு பார்க்கிறவங்களுக்கும் வரி விதிக்கிறது மூலமாவும், நிதியாதாரத்தைப் பெருக்கலாமே...!

ரயில்வே டி.எஸ்.பி., பொன்ராமு: மனித தவறு அல்லது சிக்னல் கோளாறு ஆகிய இரண்டில் ஒன்று தான், சித்தேரி ரயில் விபத்து நடக்க காரணம். நாச வேலை எதுவும் இல்லை. அதிகாரிகளிடமும் விசாரணை நடத்தவுள்ளோம். இந்த விசாரணை ஓரிரு நாளில் முடிந்து விடும். அதன் பின்னரே, காரணம் தெரியும்.

டவுட் தனபாலு: சம்பவம் நடந்த மறுநாளே, "சிக்னலை டிரைவர் மதிக்காதது தான் விபத்துக்கு காரணம்'னு, ரயில்வே மந்திரி சொல்லிட்டாரு... நீங்க, "இனிமே தான் விசாரணை நடத்தி கண்டுபிடிக்கணும்'கிறீங்க... எங்கே, எந்த, "சிக்னல்' மாறிச்சோ...!

தி.மு.க., பொருளாளர் ஸ்டாலின்: பரமக்குடி துப்பாக்கிச் சூடு சம்பவம் தொடர்பாக, சி.பி.ஐ., விசாரணை நடத்த வலியுறுத்துமாறு, கருணாநிதியிடம் கூறுவேன். சம்பந்தப்பட்ட போலீசார் மீது நடவடிக்கை எடுக்க வேண்டும். ஜெயலலிதா அரசு, தகுதியற்ற அரசு என்பதற்கு இந்த சம்பவமே உதாரணம்.

டவுட் தனபாலு: நீங்க ஆட்சியில இருந்தபோது போலீசார் எடுத்த நடவடிக்கையினால, பத்துக்கும் மேற்பட்ட தலித்கள், தாமிரபரணி ஆத்துல விழுந்து இறந்தாங்களே... அப்போ, நீங்க நடத்தினதும் தகுதியற்ற அரசு தானா...?

by **கே. பாலா** Mon Sep 19, 2011 4:43 pm

கார்ட்டூன்ஸ்

by **கே. பாலா** Mon Sep 19, 2011 4:57 pm

by **கே. பாலா** Mon Sep 19, 2011 5:00 pm

தினமணி

by **ayyamperumal** Mon Sep 19, 2011 5:11 pm

கேலிச்சித்திரங்களை நான் மிகவும் விரும்பி பார்ப்பேன். ஆனால் இப்படி ஒரு திரி இருப்பதாக இன்றுதான் பார்க்கிறேன். நானும் தயாளன் அய்யா மாதிரி கவிதை எழுதுவேன். ஆனா அவரு மாதிரி எழுத தெரியாது. அதுனால அடக்கி வாசிக்கிறேன். இனி தொடர்ந்து பார்ப்பேன். நன்றி பாலா சார் !