ஆண்களுக்கான ஆபரண நகைகளை அறிமுகப்படுத்தியது டிபிஇசட்

மும்பை : இதுவரை பெண்களுக்கான ஆபரணநகைகளில் பல புதிய அறிமுகங்களை கொண்டுவந்த நிறுவனங்களுக்கு மாற்றாக, ஆண்களுக்கு ஏற்ற ஆபரண நகைகளை அறிமுகப்படுத்தி அசத்தியுள்ளது மும்பையைச் சேர்ந்த டிரீபோவாண்டாஸ் பீம்ஜி ஜாவேரி (டிபிஇசட்) ஜீவல்லரி. இதுதொடர்பாக, பத்திரிகையாளர்களை சந்தித்த டிரீபோவாண்டாஸ் பீம்ஜி ஜாவேரி (டிபிஇசட்) ஜீவல்லரியின் தலைவரும் மற்றும் நிர்வாக இயக்குனருமான ஸ்ரீகாந்த் ஜாவேரி கூறியதாவது, டெய்லி, ஃபார்மல், பண்டிகைக்காலம் மற்றும் கிளப் வேர் என 4வகை பிரிவுகளில் தங்கம் மற்றும் வைரங்களிலான இந்த ஆபரண நகைகளுக்கு பிராண்ட் பெயராக 'தி ஜென்டில்மேன் சாய்ஸ்' என்று பெயரிடப்பட்டுள்ளதாக அவர் தெரிவித்தார். அவர் மேலும் கூறியதாவது, புராதண காலங்களில், ஆண்களும் பெண்களுக்கு நிகராக நெக்லஸ், பிரேஸ்லெட், காதணிகள் உள்ளிட்டவைகளை அணிந்துள்ளனர். த‌ற்போது அந்த நகைகள் பெண்கள் அணிபவையாக மாறிவிட்டன. ஆனால் இருந்தபோதிலும், ஆண்களும் தற்போது மோதிரம், பிரேஸ்லெட் செயின், கடுக்கண் உள்ளிட்டவற்றை அணிந்து வருகின்றனர். இன்றைய நவநாகரீக ஆண்களின் எண்ணோட்டத்தை கணக்கில் கொண்டு, புதிய வகை ஆபரண நகைகளை அறிமுகப்படுத்தியுள்‌ளோம். தங்கள் நிறுவன தயாரிப்புகளை அணிந்து வலம் வரும் நபர், மற்ற நபர்களிடமி்ருந்து நிச்சயம் வேறுபடுத்தித் தெரிவார் என்றும், முதற்கட்டமாக, தாங்கள் இதன் விற்பனையை மும்பை, குஜராத், ஆந்திரா மற்றும் கேரளா மாநிலங்களில் செயல்படுத்த உள்ளதாக அவர் மேலும் தெரிவித்தார்.

நாங்க போடும்போதே இவ்வளவு விலை ஏற்றம், இன்னும் இவங்களும் போட ஆர்ம்பிச்சாக்க .................. அவ்வளவுதான்

ஆண்கள் மேல் அக்கறை கொண்ட ஒரே நிறுவனம் இதுவாக தான் இருக்கும்