ஒரே டிக்கெட்டில் பஸ், ரயில் மற்றும் விமான பயணம்

புதுடில்லி : நேபாள தலைநகர் காத்மாண்டுவிலிருந்து, தலைநகர் டில்லிக்கு விமானப் பயணம். பின் அங்கிருந்து, சிம்லாவிற்கு பஸ்சிலோ அல்லது ரயிலிலோ பயணம், இந்த எல்லா பயணத்திற்கும் ஒரே டிக்கெட். என்ன நம்ப முடியவில்லையா? விரைவில் இதற்கான அறிவிப்பு வரும் என்று எதிர்பார்க்கப்படுகிறது. மேலும், ஒரே டிக்கெட்டில், காத்மாண்டு முதல் டில்லி மற்றும் சிம்லாவிற்கு இடையேயான பயணம் சாத்தியமில்லை என்று எல்லோரும் கூறும் நிலையில், இந்த சேவையை தெற்காசிய நாடுகள் முழுமைக்கும் விரிவுபடுத்த உள்ளதாக இதில் சம்பந்தப்பட்ட நாடுகள் தெரிவித்திருப்பது எல்லோரது புருவங்களையும் உயர்த்தியுள்ளது. இதற்காக, இந்திய அரசு, தெற்காசிய நாடுகளுடன் வான்வழி சேவைக்கான ஒப்பந்தத்தில் கையெழுத்திட்டுள்ளதாக தெரிவித்துள்ளது. இதுதொடர்பாக, டில்லியில் பத்திரிகையாளர்களுக்கு பேட்டியளித்த மத்திய அரசின் உயர் அதிகாரி ஒருவர் கூறுகையில், இந்த தகவல் உண்மையானதுதான் என்றும், வர்த்தகதத்தில் கூட்டுமுயற்சி மற்றும் இன்டர்மோடல் கனெக்டிவிட்டி உள்ளிட்ட அம்சங்களை உள்ளடக்கி, இந்த வான்வழி சேவை (ஏர் சர்வீசஸ் அக்ரீமெண்ட் (ஏஎஸ்ஏ)) ஒப்பந்தம் தயாரிக்கப்பட்டுள்ளது. இந்த ஒப்பந்தத்தின் மூலம், தெற்காசிய நாடுகளில், ஒரே டிக்கெட்டில் விமான பயணம் மூலமாக ஒருநாட்டிலிருந்து மற்றொரு நாட்டிற்கும், பின் அங்குள்ள இடங்களுக்கு பஸ் அல்லது ரயில் மூலம் அதே டிக்கெட்டில் பயணிக்க வழிவகை செய்யப்பட்டுள்ளது. இந்த ஒப்பந்தம், நாடுகளுக்கிடையே இயங்கும் விமான போக்குவரத்தை ‌தன் கட்டுப்பாட்டில் கொண்டு வருகிறது. இந்த ஒப்பந்தத்தின் மூலம், ஆப்கானி்ஸ்தான், பாகிஸ்தான், பூடான், நேபாளம், இலங்கை, மாலத்தீவுகள் மற்றும் வங்கதேசம் உள்ளிட்ட நாடுகள் பலன் மற்றும் பயன் பெற உள்ளது. இதுதொடர்பாக இந்திய அரசு, முன்னணி விமான நிறுவனங்களிடையே கோட் ஷேரிங்கை வலியுறுத்தி வருவதாக அவர் தெரிவித்தார். இந்தியா, இதுபோன்ற ஒப்பந்தத்தில், ஏற்கனவே ஐரோப்பிய யூனியனுடன் கையெழுத்தி்ட்டிருப்பது குறிப்பிடத்தக்கது. இதன்மூலம் இந்தியாவிலிருந்து ஐரோப்பிய நாடுகளுக்கு விமானம் மூலம் செல்லும் ஒருவர், அதே டிக்கெட்டில் அங்குள்ள நகரங்களில் பஸ் அல்லது டிரெயின் மூலம் பயணிக்கலாம். இதன் வெற்றியைத் தொடர்ந்து தெற்காசியப் பகுதிகளிலும் இந்த முறையை அமல்படுத்த இந்தியா விரும்பியது. கடந்த டிசம்பர் மாதம் நடைபெற்ற சார்க் மாநாட்டில் இதுகுறித்து இந்தியா வலியுறுத்தியது. இத்னமூலம் தெற்காசிய நாடுகளுக்கிடையேயான உறவு வலுப்பெறும் என்று அதில் தெரிவித்தது. இதனையடுத்து இந்த மாநாட்டின் முடிவில், 2010-2020ம் ஆண்டு தெற்காசிய நாடுகளுக்கி‌டையேயான தொடர்பு தலைமுறை ஆண்‌டாக அதிகாரப்பூர்வமாக அறிவிக்கப்பட்டது. இதனையடுத்து, விரைவில் புதிய அறிவிப்பு வெளிவரலாம் என்று எதிர்பார்க்கப்படுவதாக அவர் தெரிவித்தார்.

நல்ல முயற்சி வாழ்த்துகள்