துரோகம்...

மீனு · மீனு Sun Sep 13, 2009 12:43 pm

துரோகம்..

உறவென்னும் சுவர்களுக்குள் பார்வையால்
என்னகூடிய அளவு இதய துடிப்பு,
நம்பி சாயும்போதுதான் தெரிகிறது
எங்கும் வெடிப்பு

அனுப்பிய நிகழ்படங்களை இன்று நேரில் பார்த்து
நாம் நிழல்படமானோம்,
எமக்குள் நெருப்பெரிய அடுத்தவரின் தாகம்
தீர்க்க தண்ணீர் தேடி அலைந்தோம்

எங்கள் மண்ணில் உறவுக்குள் உயிர் இருந்தது,
காலத்தால் இடமாற்றம் இனம்மருமோ பயமாய் இருக்கிறது

உன் வாழ்க்கையை திரும்பி பார்த்தபடி நின்றால்
உன் முன்னேற்றம் தூரம்தான்,
வந்த பாதையை மறந்தபடி நடந்தால் இல்வாழ்க்கை
உனக்குமட்டும் போலிதான்

உறவென்பதை மறந்து குடிசைக்குள் வார்த்தையெனும்
வல்லரசின் போராட்டம்தான்,
இரத்தம் சிந்தாது சிநேகம் நித்தம் இங்கு
மரணிக்கும் மர்மம்தான்

ஓர் கூரைக்குள் இருக்கின்றோம் இருளில்
தலைகள் வெடிக்கிறது,
விடியலில் துரோக செயல்கண்டு எரிந்த
பிணங்களும் காறி உமிழ்கிறது

உயிரை ஒளித்துவைக்க அடிமைகளானோம்
உலகெங்கும் உறவிருந்தும் அகதிகளானோம்
நிலவொளியில் உரே நடந்தபடி
அன்று தேர் பார்க்க சென்றோம்,
நிஜங்களை மறைப்பதற்காய்
அவன் சொல்ல தேர் இழுக்கலானோம்

முரண்பாடுகள் ஏனோ பொதிகளாய்
எம் முற்றத்தில் குவிகிறது
முள்வேலி உண்மைகளை
உணர்வில்லையோ சொல்ல மறுக்கிறது

கட்டி அனுப்பிய உணவு
கரையிலே காய்ந்து கிடக்கிறது
தோலுறை மாட்டிய எலும்புகூடுகளின் கதறல்
இந்த எல்லைவரை கேட்கிறது,

வாக்குறுதிகள் வந்து வசூலிக்க நினைப்பது மறுபிறவிக்கா?
ஆட்சியிடம் கேளுங்கள்
இவர்களின் இறப்பு எப்போது -காரணம்
பட்டியல் அவனிடம்தான் இருக்கிறது

மீனு · மீனு Sun Sep 13, 2009 1:12 pm

சஜிதரன்
*நோர்வே* இவரின் கவிதை தான் துரோகம்...

ரூபன் · ரூபன் Sun Sep 13, 2009 2:20 pm

உன் வாழ்க்கையை திரும்பி பார்த்தபடி நின்றால்
உன் முன்னேற்றம் தூரம்தான்,
வந்த பாதையை மறந்தபடி நடந்தால் இல்வாழ்க்கை
உனக்குமட்டும் போலிதான்

கட்டி அனுப்பிய உணவு
கரையிலே காய்ந்து கிடக்கிறது
தோலுறை மாட்டிய எலும்புகூடுகளின் கதறல்
இந்த எல்லைவரை கேட்கிறது,

அருமையான வரிகள் துரோகம்... 677196