மலேசிய கோர்ட் உத்தரவிட்டும் கிடைக்கவில்லை குடியுரிமை : தவிக்கிறார் 81 வயது முதியவர்

by **சிவா** Mon Jun 27, 2011 8:19 am

கோலாலம்பூர் : ""என் இரண்டு வாரிசுகளை மலேசிய குடிமக்களாக்கி சான்றிதழ் வழங்கும்படி, கோலாலம்பூர் ஐகோர்ட் உத்தரவிட்டும், அதிகாரிகள் அதற்கான ஆவணங்களை வழங்கவில்லை,'' என, மலேசியாவில் வசிக்கும் தமிழகத்தைச் சேர்ந்த 81 வயது முதியவர் கூறினார்.

மதுரையைச் சேர்ந்தவர் ராமானுஜம், 81. 1934ல், தன் நான்கு வயதில் மலேசியா சென்றார். 1958ல், மலேசிய குடியுரிமை பெற்றார். 1960ல், தமிழகத்தைச் சேர்ந்த புஷ்பம் என்பவரை மணந்தார். அவரும் மலேசிய குடியுரிமை பெற்றார்.

இந்நிலையில், தமிழகத்தில் பிறந்த தன் குழந்தைகள் பற்றிய தகவல்களை பதிவு செய்ய ராமானுஜம் தவறிவிட்டார். அதனால், அவரின் பிள்ளைகளுக்கு மலேசிய குடியுரிமை கிடைக்க தாமதம் ஏற்பட்டது. உடன், தன் மகன் திருப்பதி, 36, மகள் மீனா, 32, இருவருக்கும் குடியுரிமை கோரி, கோலாலம்பூர் ஐகோர்ட்டில் வழக்குத் தொடர்ந்தார்.

கடந்த, 2009, நவம்பர் 2ம் தேதி ஐகோர்ட் அளித்த தீர்ப்பில், ராமானுஜத்தின் குழந்தைகளுக்கு மலேசிய குடியுரிமை வழங்க அந்நாட்டு அதிகாரிகளுக்கு உத்தரவிட்டது.

ஆனாலும், 19 மாதங்களாகியும், அந்நாட்டு அதிகாரிகள், குடியுரிமைக்கான ஆவணங்களை வழங்காமல் காலம் தாழ்த்தி வருகின்றனர். இதனால், மகன், மகளை மலேசியா அழைத்து வர முடியாமல், ராமானுஜம் தவிக்கிறார்.

தினமலர்

by தாமு Mon Jun 27, 2011 8:50 am

மலேசிய கோர்ட் உத்தரவிட்டும் கிடைக்கவில்லை குடியுரிமை : தவிக்கிறார் 81 வயது முதியவர்

மலேசிய கோர்ட் உத்தரவிட்டும் கிடைக்கவில்லை குடியுரிமை : தவிக்கிறார் 81 வயது முதியவர்

Re: மலேசிய கோர்ட் உத்தரவிட்டும் கிடைக்கவில்லை குடியுரிமை : தவிக்கிறார் 81 வயது முதியவர்