நான் பேசுவதை அரசு தடுக்க முடியாது: டில்லியில் ராம்தேவ் ஆவேசம்

muthu86 · muthu86 Sun Jun 26, 2011 6:33 pm

புதுடில்லி: நான் பேசுவதை அரசு தடுக்க முடியாது:
டில்லியில் ராம்தேவ் ஆவேசம் கூறினார். கறுப்பு பணம் மற்றும் ஊழலை எதிர்த்து
கடந்த 4-ம் தேதி புதுடில்லி ராம்லீலா மைதானத்தில் ராம் தேவ் தனது ஆதரவாளர்
களுடன் உண்ணாவிரதம் இருந்தார்.பின்னர் போலீசாரின் அதிரடி நடவடிக்கை
காரணமாக டில்லியில் இருந்து வெளியேற்றப்பட்டார். தொடர்ந்து ஹரித்துவாரில்
உண்ணாவிரதம் இருந்த அவர் உடல்நல குறைவு ஏற்பட்டு டேராடூன் மருத்துவனையில்
சிகிச்சைக்காக சேர்க்கப்பட்டு பின்னர் ரவிசங்கரின் வேண்டுகோளின்படி
உண்ணாவிரதத்தை கைவிட்டார்.
இந்நிலையில் டில்லியில் உண்ணாவிரத பந்தலில் இருந்த பாபாராம்
தேவ்வின் ஆதரவாளர் ராஜ்பாலா என்பவர் போலீசாரின் தாக்குதலுக்கு உள்ளானார்.
அவர் டில்லியில் உள்ள மருத்துவமனையில் சிகிச்சை பெற்று வருகிறார்.கடந்த
மூன்று வார கால இடைவெளிக்கு பின்னர் மீண்டும் டில்லிக்கு வருகை
தந்துள்ளார்.
இது குறித்து ராம்தேவ்வை கண்காணித்து வரும் டில்லி போலீசார் ராம்தேவ்
ராஜ்பாலாவை சந்திக்க வும் , பத்திரிகையாளர்களை சந்திக்கவும்
அனுமதிக்கப்படுவார் என்று கூறினார். இருப்பினும் அவரது நடவடிக்கைகள்
தீவிரமாக கண்காணிக்கப்படும் என்று கூறினர்.
டில்லியில் பத்திரிகையாளர்களை சந்தித்த ராம்தேவ் ஊழலுக்கு எதிராக
போராடுபவர்களின் குரலை ஒடுக்க மத்திய மத்திய அரசு முயற்சிக்கிறது.
தன்னையும்,தன்னுடைய ஆதரவாளர் களையும் முடக்கி வைக்க முடியாது . என்னை
அமைதியாக இருக்க வைக்க மத்திய அரசுமுயற்சிக்கிறது. என்னுடைய ஆதரவாளர்
தாக்கப்பட்டதற்கு டில்லி போலீசாரே காரணம். ஊழலுக்கு எதிரான போராட்டம் சட்ட
விரோதமானது அல்ல இவ்வாறு ராம் தேவ் பத்திரிகையாளர்கள் சந்திப்பில்
கூறினார்.

நான் பேசுவதை அரசு தடுக்க முடியாது: டில்லியில் ராம்தேவ் ஆவேசம்

நான் பேசுவதை அரசு தடுக்க முடியாது: டில்லியில் ராம்தேவ் ஆவேசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக