தர்மம் தப்பிவிடும் தலையாட்டிப் பொம்மைகள்..

**rameshnaga** · **rameshnaga** Sat Jun 25, 2011 8:34 pm

உனக்கும் எனக்குமான இந்தச் சூதாட்டத்தில்-
நீ வாய்ப்பே தருவதில்லை...
நான் காய்களை நகர்த்தி ஆட..
நீளும் என் காமத்தின் மோகத்தில்..
என்னைச் சிதைத்து விடுகிறது உனது வார்த்தைகள்.
எனது வார்த்தைகள் மௌனமாகிவிட..
அழகாய் இருப்பதில்லை உனது மொழி இந்தச் சமயங்களில்.
என்றாலும்-
ஆடிக் கொண்டே இருக்கிறது எனது தலை...
எப்படியோ..விழுந்துவிடாமல்.
எனது எல்லா வார்த்தைகளும் மரணித்துவிட..
சரிந்து விழுகிறது.. "சரி"-என்னும் ஒரு வார்த்தை மட்டும்.
நவீன தர்மனாய்..
எனது தாயையும் சேர்த்தே ..நான் தோற்கும்
இந்தச் சூதாட்டத்தில்..
எந்தக் கண்ணன் எனக்கு சேலை தரக்கூடும்..
என்னையும்.. என் தாயையும் காக்க!

மஞ்சுபாஷிணி · மஞ்சுபாஷிணி Sat Jun 25, 2011 8:46 pm

தலையணை மந்திரம் ரொம்ப பயங்கரமா தான் வேலை செய்கிறது போல

இதில் தாயையும் சேர்த்தே நான் தோற்கும் சூதாட்டத்தில் எந்த கண்ணன் சேலை தரக்கூடும் வரி மிக அருமை....... சூப்பருங்க

மஞ்சுபாஷிணி · மஞ்சுபாஷிணி Sat Jun 25, 2011 8:47 pm

தலையணை மந்திரம் ரொம்ப பயங்கரமா தான் வேலை செய்கிறது போல

இதில் தாயையும் சேர்த்தே நான் தோற்கும் சூதாட்டத்தில் எந்த கண்ணன் சேலை தரக்கூடும் வரி மிக அருமை....... சூப்பருங்க