பள்ளி மாணவனுடன் ஆசிரியை ஓட்டம் : கன்னியாகுமரி அருகே பரபரப்பு

by positivekarthick Sat Jun 25, 2011 12:46 pm

நாகர்கோவில் அருகே பள்ளி மாணவனுடன் ஆசிரியை தலைமறைவான சம்பவம் அப்பகுதி மக்களிடையே பரபரப்பை ஏற்படுத்தியுள்ளது.
இது குறித்து கூறப்படுவதாவது:

கன்னியாகுமரி மாவட்டம் சுசீந்திரம் பகுதியைச் சேர்ந்த மாணவன் சுரேஷ்(பெயர் மாற்றம் செய்யப்பட்டுள்ளது). நாகர்கோவிலில் உள்ள தனியார் பள்ளியில், பிளஸ் 2 படித்து வருகிறான். கடந்த சில தினங்களுக்கு முன் பள்ளிக்குச் சென்ற சுரேஷ் வீடு திரும்பவில்லை.

இதுகுறித்து காவல்துறையினர் வழக்கு பதிவு செய்து தேடிவந்தனர். விசாரணையில், கோட்டார் பகுதியைச் சேர்ந்த இளம் ஆசிரியை ஒருவரும் மாயமாகி விட்டதாக தெரியவந்தது.

இந்நிலையில் காவல்துறையினர் விசாரணையில் திடுக்கிடும் தகவல் வெளியானது. சுரேஷ் படித்து வந்த பள்ளிக்குப் பாடம் நடத்த வந்த இளம் ஆசிரியையுடன் சுரேசுக்கு நட்பு ஏற்பட்டுள்ளது. முதலில் ஆசிரியை - மாணவன் என்ற ரீதியில் இருந்த இவர்களது பழக்கம், பின்னர் இருவரும் தனிமையில் சந்திக்கும் அளவுக்கு வளர்ந்து விட்டது. இந்தப் பழக்கம் சுரேசின் பெற்றோருக்குத் தெரியவந்தது.

இந்தச் சம்பவம் தெரிய வந்தது முதல் இரு தரப்புக்கும் இடையே பிரச்னை உருவானது. இருவருக்குமே அவ்வப்போது அறிவுரைகள் கூறி வந்தனர். இதற்கிடையே ஆசிரியை வீட்டில் அவருக்கு வேறு இடத்தில் மாப்பிள்ளை பார்த்து திருமணம் செய்து வைக்க முயற்சித்துள்ளனர்.

இந்நிலையில் சம்பவத்தன்று இருவருமே மாயமாகி விட்டனர். எங்களைச் சேர்த்து வைப்பதாக இருந்தால் நாங்கள் காவல் நிலையத்துக்கு வருகிறோம் என்று கூறி உள்ளனர்.

பள்ளி மாணவனுடன் பயிற்சி ஆசிரியை ஓட்டம் பிடித்த சம்பவம் கன்னியாகுமரி மாவட்டத்தில் பரபரப்பை ஏற்படுத்தியுள்ளது.
இந் நேரம்