ஜொகூர்பாருவில் இலங்கை தமிழர்களுக்கு ஆதரவு பேரணி

மலேசியாஇன்று

இலங்கை அரசாங்கம் அந்நாட்டு தமிழர்களை இன அடக்குமுறைக்கு உள்ளாக்கி அழித்துக் கொண்டிருக்கிறது. இலங்கை அரசின் தமிழின அழிப்பு கொள்கைக்கு கண்டனம் தெரிவிக்கவும் பாதிக்கப்பட்டுள்ள தமிழர்களுக்கு ஆதரவு தெரிவிக்கவும் ஜொகூர்பாருவில் ஒரு கண்டனப் பேரணிக்கு ஏற்பாடு செய்யப்பட்டுள்ளது.
கடந்த நாற்பது ஆண்டுகளாக இலங்கை அரசாங்கம் கடைபிடித்து வந்த இனவாதக் கொள்கையின் விளைவாக இலங்கையில் உள்நாட்டு போர் வெடித்துள்ளது. அரசாங்கதின் விமானப்படை மற்றும் தரைப்படை தாக்குதலால் இலட்சக்கணக்கான தமிழர்கள் தங்களுடைய நாட்டிலேயே இடம் பெயர்ந்து அகதிகளாக்கப்பட்டுள்ளனர்.

கடமை அழைக்கிறது!

உண்ண உணவின்றி, குடிக்க நீரின்றி, இருக்க இடமின்றி, வியாதிக்கு மருந்துகளின்றி, உயிருக்கும் உடைமைக்கும் பாதுகாப்பின்றி பரிதவித்து கண்ணீர்கூட விட வழியற்று நிற்கும் அந்த மனிதர்களுக்கு, அந்த இலங்கை தமிழர்களுக்கு ஆதரவு வழங்குவது ஒவ்வொரு மனிதனின் கடமையாகும், ஒவ்வொரு தமிழனின் கடமையாகும், ஒவ்வொரு மலேசியனின் கடமையாகும்.

இன மத வெறியை கட்டவித்து விட்டிருக்கும் இலங்கை அரசு கண்டிக்கப்பட வேண்டும். அங்கு நடந்து கொண்டிருக்கும் இனவாதப் போர் உடனடியாக நிறுத்தப்பட வேண்டும். அதற்கான நெருக்குதல் அளிக்கப்பட வேண்டும். அது நமது தலையாயக் கடமை. கடமை அழைக்கிறது, வாருங்கள்!

“இனம், மதம், மொழி வேறுபாடின்றி மலேசியர் அனைவரும் மனிதநேயத்துடன் ஈழத் தமிழர்களுக்கு ஆதரவாக உரத்த குரல் கொடுக்க அணித் திரண்டு வர வேண்டும் என” ஜொகூர்பாரு பேரணி ஏற்பாட்டாளர்கள், மலேசியத் தமிழர் மனித உரிமைக் கழகம், கேட்டுக்கொள்கின்றனர்.

ஜொகூர்பாரு பேரணி பற்றிய விபரம்:

நாள் : 15 டிசம்பர் 2008

நேரம் : காலை மணி 9.00 முதல்

இடம் : இராஜமாரியம்மன் ஆலயம், ஜொகூர்பாரு.

மேலதிகத் தொடர்புகளுக்கு:

இரா. நல்லுசாமி 012-7186705; வி.பி. மோகன் 017-7540597; இ. செல்வகுமார் 016-7334469; மு. கனலன் 017-7209091.