விஜயகாந்த் மகனுக்கு சீட் மறுப்பு -லயோலா கல்லூரி மீது தாக்குதல்

by ரபீக் Sat Jun 25, 2011 11:07 am

சென்னையில் பிரபலமான கல்லூரிகளில் ஒன்றான லயோலோ கல்லூரியில் தேமுதிக தலைவர் விஜயகாந்தின் மகன் குறைவான மதிப்பெண் எடுத்த காரணத்தால் அவரை கல்லூரியில் சேர அனுமதி கிடைக்கவில்லை. இதனால் ஆத்திரமுற்ற தேமுதிக நிர்வாகிகள் கல்லூரி முதல்வரை நேரில் சென்று மிரட்டியதால் பெரும் பரபரப்பு ஏற்பட்டுள்ளது.

சமீபத்தில் நடந்த சட்டமன்ற தேர்தலில் அதிமுகவுடன் கூட்டணி அமைத்து போட்டியிட்ட தேமுதிக திமுக எதிர்ப்பு அலையில் அதிக இடங்களை கைப்பற்றி எதிர்கட்சியாகவும் ஆனது. இச்சூழலில் லயோலோ கல்லூரியில் விஷுவல் கம்யூனிகேஷன் பிரிவில் சேர விஜயகாந்தின் மகன் பிரபாகரன் ஆசைப்பட்டார்.

ஆனால் பனிரெண்டாம் வகுப்பு தேர்வில் பார்டர் பாஸில் அதாவது 1200க்கு வெறும் 585 மதிப்பெண்களே எடுத்த காரணத்தால் பிரபாகரனுக்கு அக்கல்லூரியில் சேர அனுமதி மறுக்கப்பட்டுள்ளது. எனவே சென்னை லயோலா கல்லூரி முதல்வர் அருட்தந்தை ஜெயராஜை நேரில் சென்று மிரட்டியுள்ளனர் தேமுதிக நிர்வாகிகள். இதுதொடர்பாக கல்லூரி நிர்வாகம் சார்பில் போலீஸில் புகார் தரப்பட்டுள்ளது.

எத்தனையோ அரசியல் பிரமுகர்கள், திரையுலகினர், பெரும் புள்ளிகளின் பிள்ளைகள் படித்து வரும் லயோலோ கல்லூரியில் இப்படி ஒரு பிரச்னை வந்ததில்லை என்பது குறிப்பிடத்தக்கது. தேமுதிகவினர் மிரட்டியது குறித்து நுங்கம்பாக்கம் காவல் நிலையத்தில் கல்லூரி சார்பில் புகார் செய்திருந்தாலும் காவல்துறை வழக்கு பதிவு செய்ததா என்பது உறுதியாகவில்லை

இந்நேரம்

by தாமு Sat Jun 25, 2011 11:11 am

by ரபீக் Sat Jun 25, 2011 11:12 am

எதிர்க்கட்சியா இருந்து இதுகூட பண்ணலைன்னா எப்படி ?

by உதயசுதா Sat Jun 25, 2011 11:32 am

இவங்க மட்டும் மத்த கட்சிகளுக்கு இளைச்சவங்களா என்ன?
அப்புறம் எதிர்க்கட்சியா இருந்துகிட்டு இத கூட செய்யலைன்னா எப்படி மக்கள் அவங்களை ஒரு கட்சின்னு ஏத்துகிடுவாங்க

by திவ்யா Sat Jun 25, 2011 11:35 am

கல்லூரி நிர்வாகத்திற்கு என்னுடைய பாராட்டுகள்...... விஜயகாந்த் மகனுக்கு சீட் மறுப்பு -லயோலா கல்லூரி மீது தாக்குதல் 154550

by மகா பிரபு Sat Jun 25, 2011 11:36 am

அட பாவிகளா.

by positivekarthick Sat Jun 25, 2011 12:21 pm

அடி பொடிகளை கொஞ்சம் அடக்கி வைங்க கேப்டன்!!!!!!!!

by **சிவா** Sat Jun 25, 2011 12:39 pm

பிரபாகரன்னு பேர் வச்சிட்டா மட்டும் பிள்ளை தலைவர் பிரபாகரன் போல் வந்துவிடுவானா? 1200க்கு வெறும் 585 மதிப்பெண்கள் எடுத்த உனக்கு ஆக்போர்ட் யுனிவர்சிட்டியில கூப்பிடுறாங்களாம் போ. பிள்ளைக்கு முதலில் படிப்புச் சொல்லிக் கொடுங்க விஜயகாந்த் சார்..! இல்லைன்னா அரசியலுக்குக் கூட்டி போங்க! ஏன் படிக்கும் கல்லூரியில் உங்கள் கைவரிசையைக் காட்டுகிறீர்கள்!

மிகவும் கேவலமான நிகழ்வு! லயோலா கல்லூரி நிர்வாகத்துக்கு என் சல்யூட்! நன்றி