டெப்போ வுக்கு கூட்டிப் போய் தர்ம அடி - பாவம் போலீஸ்

அப்துல்லாஹ் · அப்துல்லாஹ் Sat Jun 25, 2011 11:17 am

காவலர் ஒருவரைப் பேருந்து டெப்போவிற்குக் கொண்டு சென்று தாக்கிய சம்பவம் மார்த்தாண்டம் பகுதியில் பெரும் பரபரப்பை ஏற்படுத்தியுள்ளது.

நெல்லை மாவட்டம் அம்பாசமுத்திரம் பகுதியைச் சேர்ந்தவர் ராமபெருமாள். இவர் திருநெல்வேலி சிறப்பு காவல்படையில் காவலராக பணியாற்றி வருகிறார். நேற்று குமரி-கேரள எல்லை பகுதியான நெட்டா பகுதி செக்போஸ்ட்டில் பணியில் இருந்தார்.

பிற்பகல் பணி முடிந்து மார்த்தாண்டம் வந்தார். காந்தி மைதானம் அருகே வரும் போது மார்த்தாண்டத்தில் இருந்து மணிவிளை சென்ற அரசு பேருந்து ஒன்று காவலர் ராமபெருமாள் மீது உரசியது. இதனால் ஆத்திரமடைந்த ராமபெருமாள் பேருந்தை நிறுத்தி ஓட்டுனர் புருசோத்தமனிடம் விளக்கம் கேட்டுள்ளார். இதனால் இருவருக்கும் இடையே தகராறு ஏற்பட்டது. தொடர்ந்து, கீழே நின்றிருந்த காவலர் ராமபெருமாள், பேருந்தினுள் ஏறி ஓட்டுனரிடம் வாக்குவாதத்தில் ஈடுபட்டார்.

இதையடுத்து பேருந்தை மார்த்தாண்டம் காவல் நிலையம் கொண்டு செல்வதாக கூறிய ஓட்டுனர் பேருந்தை டெப்போவுக்குக் கொண்டு சென்றார். அங்கு ஓட்டுனர் புருசோத்தமன், நடத்துனர் தேவஷல் குமார் உள்பட அங்குள்ள ஊழியர்கள் சேர்ந்து காவலர் ராமபெருமாளைத் தாக்கியதாக கூறப்படுகிறது.

தகவல் அறிந்த மார்த்தாண்டம் காவல்துறையினர் அங்கு வந்து அவர்களைக் காவல்நிலையம் அழைத்து சென்று விசாரணை நடத்தினர். தொடர்ந்து காவலரைத் தாக்கியவர்கள் மீது எந்த நடவடிக்கையும் எடுக்காமல் சமரசம் செய்து இருதரப்பினரிடம் எழுதி வாங்கிவிட்டு அனுப்பி வைத்தனர்.

இந்நேரம்

ரபீக் · ரபீக் Sat Jun 25, 2011 11:20 am

அட ,,சுவாரஷ்யாமா இருக்கே !!

இந்த பதிவைத் துவங்கியவர் நன்றி கூறியுள்ளார் ரபீக்

positivekarthick · positivekarthick Sat Jun 25, 2011 12:33 pm

**உமா** · **உமா** Sat Jun 25, 2011 12:37 pm

வாங்கட்டும், வாங்கட்டும்......
டெப்போ வுக்கு கூட்டிப் போய் தர்ம அடி - பாவம் போலீஸ் 677196

டெப்போ வுக்கு கூட்டிப் போய் தர்ம அடி - பாவம் போலீஸ் 224747944

**சிவா** · **சிவா** Sat Jun 25, 2011 12:42 pm

போலீஸ் அவர்கள் பணியை மட்டுமே பார்க்க வேண்டும். பவர் இருக்கும் திமிரில் அடாவடித்தனம் செய்தால் இப்படித்தான் வாங்கிக் கட்டிக் கொள்ள வேண்டும்!

புதுசா படம் எடுக்கப் போறாங்களாம்! "இதுதாண்டா டிரைவர்"

**உமா** · **உமா** Sat Jun 25, 2011 12:47 pm

சிவா wrote:போலீஸ் அவர்கள் பணியை மட்டுமே பார்க்க வேண்டும். பவர் இருக்கும் திமிரில் அடாவடித்தனம் செய்தால் இப்படித்தான் வாங்கிக் கட்டிக் கொள்ள வேண்டும்!

புதுசா படம் எடுக்கப் போறாங்களாம்! "இதுதாண்டா டிரைவர்"