அரசியலுக்கு கோயிலை பயன்படுத்துவதா?

dsudhanandan · dsudhanandan Fri Jun 24, 2011 5:35 pm

பெங்களூர்: கோயிலில் சத்தியம் செய்வதாக கூறிய எடியூரப்பாவும் குமாரசாமியும் சாமி சிலை முன்பு மன்னிப்பு கேட்க வேண்டும் என்று மடாதிபதிகள் கூறியுள்ளனர். ‘கர்நாடக முதல்வர் எடியூரப்பா மீது ஊழல் புகார் கூறியதால் என்னை விலைக்கு வாங்க அவர் தூது அனுப்பினார்’ என்று மதசார்பற்ற ஜனதா தளம் தலைவர் குமாரசாமி கூறினார். ‘அவர் சொல்வது பொய். உண்மையென்றால் தர்மஸ்தலா கோயிலில் சத்தியம் செய்யத் தயாரா?’ என்று சவால் விடுத்தார் எடியூரப்பா. அதை குமாரசாமி ஏற்றார். இதனால் கர்நாடக அரசியலில் பரபரப்பு ஏற்பட்டது.

இருவரையும் சமரசம் செய்யும் முயற்சியில் சிவகுமாரசாமி, திஸ்வேஸ்வரா தீர்த்தர் உள்ளிட்ட பல்வேறு மடாதிபதிகள் ஈடுபட்டனர். கோயிலில் சத்தியம் செய்யும் சவாலுக்கு அவர்கள் எதிர்ப்பு தெரிவித்தனர். இந்நிலையில் எடியூரப்பா, குமாரசாமி இருவரும் தர்மஸ்தலா கோயில் சாமி சிலை முன்பு ‘தப்பு ஒப்புதல்’ செய்ய வேண்டும் என்று மடாதிபதிகள் கூறி உள்ளனர். ‘தப்பு ஒப்புதல்’ என்ற பரிகார சடங்கு பாரம்பரியமாக இக்கோயிலில் உள்ளது. இருவர் சண்டை போட்டுக்கொண்டு கோயிலில் சத்தியம் செய்வதாக கூறினால், அவர்கள் சாமி சிலை முன்பு வந்து ‘நாங்கள் சண்டை போட்டுக் கொண்டது தவறு. இனிமேல் இப்படி செய்ய மாட்டோம்’ என்று மன்னிப்பு கேட்டு வேண்டுவதுடன் சமரசமாக போக வேண்டும். இதுவே ‘தப்பு ஒப்புதல்’ ஆகும்.

எடியூரப்பா, குமாரசாமி இருவரும் இந்த சடங்கை ஏற்க வேண்டும் என மடாதிபதிகள் கூறியுள்ளனர். அரசியல் பிரச்னையை தீர்த்துக்கொள்ள கோயிலை பயன்படுத்தக்கூடாது. கோர்ட், சட்டசபை, மத்தியஸ்தம் போன்ற முறைகளில் தீர்த்துக்கொள்ள வேண்டும் என்று மடாதிபதிகள் அறிவுறுத்தி உள்ளனர். இந்த யோசனையை ஏற்பது பற்றி இருதரப்பினரும் கருத்து எதுவும் தெரிவிக்கவில்லை.

தட்ஸ் தமிழ்

அரசியலுக்கு கோயிலை பயன்படுத்துவதா?

அரசியலுக்கு கோயிலை பயன்படுத்துவதா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக