எப்போது தெரியும் எனது வானம்?..

**rameshnaga** · **rameshnaga** Fri Jun 24, 2011 3:52 pm

எனது-
சுதந்திரத்தின் எல்லைகள் குறித்த உனது விசாரணைகளால்..
இடர்களோடு தடுமாறும் எனது பயணங்கள்.
உனது-பெருந்தன்மையான விரல் அசைவுகளால்..
எனது எல்லைகள் நீளுவதாய் .. நினைவுகள் உனக்கு.
எனது வானம் மடங்கி..
உனக்கு வாலான பின்னர்..
அதன் எல்லைகள் நீட்சியுறுவது எவ்விதம்?
எந்தக் கணத்திலும்.. எந்தத் திசையிலும்..
தன் இனத்தின் இடையூறுகளின்றித் திரியும்..
ஓர் எறும்பின் எல்லைகளை வெல்ல-
என்று வாய்க்கும் எனது வானத்திற்கு?..