மலராத மொட்டு

Guest · Guest Sat Apr 23, 2011 7:48 pm

என்று பூக்குமோ என்று பூக்குமோ
என எண்ணி எண்ணி கடந்து போனது நாட்கள்
கடவுளின் காலடியில் சூட்டி அழகுபார்க்க
காத்திருந்து கலைந்து போனது கனவு

மொட்டே இவ்வளவு அழகாய் இருக்க
மொட்டால் மலரும் பூ எப்படியிருக்கும் என
எண்ணி எண்ணி காலங்கள் கடந்து போனது
எண்ணமும் மாறிப்போனது

பூத்து வாடிப்போகும் பூக்களை
எண்ணி வருத்தப்படாத என் நெஞ்சம்
பூக்காத ஓர் மொட்டுக்காக அல்லல் படுகிறது
ஏன் இந்த உள்ளம் இப்படியானதோ

காதல் பூத்ததிலிருந்து என் நெஞ்சம்
காற்றடிச்சால் சுழலும் காற்றாடி போலானது
உயிரில்லா பொருளுக்காய்
உள்ளம் படும் பாடு யார் அறிவார்

காத்திருந்து காலம் போனது
மலராத மொட்டு மலராகமலே
கசங்கி கறுத்து போனது
மலர் ஒன்று பூக்கும் வரைதான் இந்த ஏக்கம்.

balakarthik · balakarthik Sat Apr 23, 2011 7:52 pm

நண்பரே தயவு செய்து சரியான பகுதியில் உங்கள் பதிவுகளை பதியுங்கள் உங்களின் அனைத்து பதிவுகளிலும் இதை நான் கூறிவிட்டேன் இருப்பினும் தொடர்ந்து நீங்கள் இவ்வாறே பதிவிட்டுக்கொண்டிருக்கிறீர்கள் . தயவு செய்து நீங்கள் பதிவிட்டதை ஒருதடவயாவது மீண்டும் வந்து பாருங்கள்.இது அரட்டை பகுதியில் பதிந்திருக்கிறீர்கள் இப்பொழுது இதை கவிதை பகுதிக்கு மாற்றிவிடுகிறேன்