ஐஸ்வர்யாராய் கர்ப்பம்: அமிதாப்பச்சன் தகவல்

தாமு · தாமு Thu Jun 23, 2011 4:29 pm

மும்பை, ஜூன். 22-

ஐஸ்வர்யாராய்க்கும் அபிஷேக்பச்சனுக்கும் கடந்த 2007-ம் ஆண்டு காதல் திருமணம் நடந்தது. இரு வீட்டு பெற்றோரும் சம்மதித்து இத்திருமணத்தை நடத்தி வைத்தனர். திருமணத்துக்கு பிறகு ஐஸ்வர்யாராய் சினிமாவை விட்டு ஒதுங்குவார் என பேச்சு அடிபட்டது. ஆனால் விலகவில்லை. தொடர்ந்து படங்களில் நடித்தார்.

தமிழில் ராவணன், எந்திரன் படங்களில் நடித்தார். ஜோதா அக்பர் உள்ளிட்ட இந்தியில் தயாரான மெகா பட்ஜெட் படங்களிலும் நடித்தார். இதனால் குழந்தை பெற்றுக் கொள்ளவில்லை. பல வருடங்களுக்கு பிறகு தற்போது ஐஸ்வர்யாராய் கர்ப்பமாகி உள்ளார்.

இந்த தகவலை ஐஸ்வர்யாராயின் செய்தி தொடர்பாளர் அர்ச்சனா சதானர்த் தெரிவித்துள்ளார். ஐஸ்வர்யா ராயும் அமிதாப்பச்சனும் இதனை உறுதிப்படுத்தி உள்ளார். இது குறித்து டுவிட்டரில் அவர் கூறி இருப்பதாவது:-

ஐஸ்வர்யாராய் அம்மா வாகப்போகிறார். நான் தாத்தாவாகப் போகிறேன். இதனால் நான் ரொம்ப சந்தோஷமாக இருக்கிறேன். திரில்லிங் ஆகவும் இருக்கிறது.

இவ்வாறு அவர் கூறி உள்ளார்.

ஐஸ்வர்யா கைவசம் தற்போது இரண்டு இந்திப் படங்கள் உள்ளன. இப்படங்களை முடித்து விட்டு சினிமாவில் இருந்து விலகுவார் என தெரிகிறது.

மாலை மலர்