ஆக.16 முதல் உண்ணாவிரதம் : அண்ணா உறுதி

மஞ்சுபாஷிணி · மஞ்சுபாஷிணி Thu Jun 23, 2011 12:27 pm

ஆக.16 முதல் உண்ணாவிரதம் : அண்ணா உறுதி
புதுடெல்லி, ஜூன் 22,2011

இந்திய மக்களுக்கு அரசு துரோகம் இழைத்துவிட்டது என குற்றம்சாட்டியுள்ள மூத்த சமூக ஆர்வலர் அண்ணா ஹஸாரே, ஊழலுக்கு எதிராக வலுவான லோக்பால் மசோதாவை தாக்கல் செய்ய வலியுறுத்தி ஆகஸ்ட் 16-ம் தேதி முதல் காலவரையற்ற உண்ணாவிரதப் போராட்டத்தை மேற்கொள்ளவுள்ளதாக உறுதிபட தெரிவித்தார்.

ஆக.16 முதல் உண்ணாவிரதம் : அண்ணா உறுதி Annah(4)

ஆக.16 முதல் உண்ணாவிரதம் : அண்ணா உறுதி Annah(4)

லோக்பால் மசோதா தொடர்பாக அரசியல் கட்சிகளின் கருத்துகளை அறிய, ஜூலை 3-ம் தேதி அனைத்துக் கட்சி கூட்டத்துக்கு மத்திய அரசு ஏற்பாடு செய்துள்ளது.

அரசு முன்வைத்துள்ள லோக்பால் மசோதாவுக்கான வரைவினை இறுதி செய்வதற்காக மத்திய அரசு இத்தகைய முயற்சிகளை மேற்கொண்டுள்ளது.

அத்துடன், சமூக ஆர்வலர்கள் குழுவின் வரைவு, மத்திய அமைச்சரவையால் நிராகரிக்க வைப்பதற்கான முன் நடவடிக்கைகளில் அரசு தீவிரமாக இறங்கியுள்ளது.

அரசு வரைவின்படி, லோக்பால் விசாரணை வரம்புக்கு பிரதமர் இல்லை. அத்துடன், தாங்கள் பரிந்துரைத்த முக்கிய அம்சங்கள் எதுவுமே இல்லாமல், முற்றிலும் வலுவிழந்த நிலையில் தான் அந்த வரைவு உள்ளது என்பது அண்ணா ஹஸாரே குழுவின் குற்றச்சாட்டு.

இந்த நிலையில், மக்களுக்கு அரசு துரோகம் இழைத்துவிட்டது என்று முழங்கிய அண்ணா ஹஸாரே, "டெல்லியில் இரண்டாவது சுதந்திரப் போராட்டம், ஜந்தர் மந்தரில் தொடங்கும்," என்று அறிவித்தார்.

ஆகஸ்ட் 16-ம் தேதி முதல் காலவரையற்ற உண்ணாவிரதம் இருக்கப் போவது உறுதி என்ற அவர், "பாகிஸ்தானால் இந்தியாவுக்கு இருக்கும் அச்சுறுத்தலைக் காட்டிலும் 'ஊழல்' மோசமானது," என்றார்.

மேலும், தாங்கள் இயற்றியுள்ள லோக்பால் மசோதா வரைவு குறித்து நாடு தழுவிய அளவில் மக்களிடையே விழிப்பு உணர்வு ஏற்படுத்தவும் அண்ணா ஹஸாரே குழு முடிவு செய்துள்ளது.

தொடர்புடைய செய்தி: அரசின் லோக்பால் வரைவு - அண்ணா குழு ஏமாற்றம்