லால்பகதூர் சாஸ்திரி இறப்பு பின்னணி: தகவல் கமிஷன் விளக்கம்

மறைந்த முன்னாள் பிரதமர் இறப்பு குறித்த தகவல்களை பிரதமர் அலுவலகத்திடமிருந்த கேட்ட பொழுது தெரியவந்துள்ளது. சுதந்திர இந்தியாவின் முதல் பிரதமராக நேரு பதவி வகித்தார். இவரது மறைவுக்குப்பின் இரண்டாவது பிரதமராக லால்பகதூர் சாஸ்திரி பதவி ஏற்றார். கடந்த 1965-ம் ஆண்டு இந்திய-பாகிஸ்தான போரை முடிவுக்கு கொண்டுவர அப்போதைய ஒன்றிணைந்த ரஷ்யா குடியரசின் தாஷ்கண்ட் நகரில் ஒப்பந்தம் ஒன்று இந்திய பிரதமராக இருந்த லால்பகதூர் சாஸ்திரி , பாகிஸ்தான் அதிபர் முகமது அயூப்கான் இடையே கடந்த 1966-ம் ஆண்டு ஜனவரி 11-ம் தேதி கையெழுத்தானது. பின்னர் அன்று இரவே லால்பகதூர் சாஸ்திரி மர்மமான முறையில் இறந்தார். சாஸ்திரி இறப்பு குறித்து சில வெளிநாடுகள் பொய்யான வதந்திகளை பரப்பின. ரஷ்யாவின் உளவு அமைப்பான கே.ஜி.பி. , கூட சாஸ்திரி இறப்பு குறித்து இந்தியாவுக்கு உதவவில்‌லை. இந்நிலையில் அனுஜ் தஹார் என்ற எழுத்தாளர் , மத்திய தகவல் கமிஷனிரிடம் அளித்து மனுவில், லால்பகதூர் சாஸ்திரி இறப்பு குறித்த அனைத்து தகவல்கள் அடங்கிய ஆவணங்களை தகவல் அறியும் உரிமைச்சட்டத்தின் கீழ் வெளியிட , பிரதமர் அலுவலகத்திற்கு உத்தரவிட வேண்டும் என கோரிக்கை விடுத்திருந்தார்.அதன்படி லால்பகதூர் சாஸ்திரி இறப்பு குறித்த அனைத்து ரகசிய ஆவணங்களை வெளியிடுமாறு பிரதமர் அலுவலகத்திற்கு தலைமை கமிஷனர் சத்யானந்த மிஸ்ரா உத்தரவிட்டார்.அதன்படி உளவுத்துறை தந்த அறிக்கையின் பிரதமர் அலுவலகம் மூலம் மூடி முத்திரையிட்ட கவர் ஒன்றில் ஆவணங்கள் வெளியிடப்பட்டன. அவர் இறப்பு குறித்து எதுவும வெளிப்படையாக சொல்லப்படவில்லை. எனினும் வதந்தியை கிளப்பிய நாடுகள் தற்போது நட்டு நாடுகளாக இருப்பதால் அது நமது நாட்டு நல்லதாக இருக்காது என்பதால் பெயர் வெளியிடவில்லை எனக்கூறப்படுகிறது. இதற்கிடையே லாப்பகதூர் சாஸ்திரியின் பேரனும், பா.ஜ. பிரமுகருமான சித்தார்த்நாத் சிங் கூறுகையில், எனது தாத்தா இறப்பில் பல்வேறு சந்தேகங்கள் உள்ளதாக நம்பப்படுகிறது. . தாஷ்கண்டில் ஹோட்டல் அறையில் அவர் இறந்ததும் அவரது உடலை ஏன் பிரேத பரிசோதன செய்யாமல் உடனடியாக இந்தியா கொண்டுவந்தனர். இதற்கு பின்னணியில் சில வெளிநாடுகளின் சதி உள்ளது. ஆகவே அவரது இறப்பு இயற்கையாக இருந்திக்காது, இது குறித்து அரசு வெள்ளை அறிக்கை வெளியிட வேண்டும் என்றார்.

பாவம் ஒரு நல்ல தலைவரின் மரணம் இன்னும் சஸ்பென்சாக வே இருக்கு