எப்பொழுதாவது வரும் கடவுள்(அன்னை தெரேசா)

**rameshnaga** · **rameshnaga** Fri Jun 24, 2011 2:39 pm

எல்லாக் கடவுளரும்..எனது தேசத்தில் ..
மதங்களால் பிரிந்து நின்ற போது..
நீ மட்டும்தான் இறங்கி நடந்தாய்..எனது தேசத்தின் தெருக்களில்..
ஒரு மதமற்ற கடவுளாய்.
மரணத்தோடு வாழ்ந்தவர்களின் மரணத்தின் வலியை..
வலியற்றவளாக்கிய நீதான்..
சில தாய்மைகள் பிறழ்ந்து ..தொட்டிலில் வீசியெறிந்த..
உதிரிப்பூக்களையும்.. இந்த தேசத்தின் மாலையாக்கினாய்..
வீதியில் எறியப்பட்ட முதுமைகளுக்கு விருக்ஷமாய் இருந்தாய் நீ.
அல்பேனியாவில் பூத்த... கடவுளின் அழகான பூ நீ..
இந்த அகிம்சை தேசத்தின் நீங்காத வாசனை ஆனாய்.
உன்னை நினைவுகளால் தரிசிக்கும் ஒவ்வொரு கணத்திலும் ...
எனக்கும் தோன்றும்..
கடவுள் எப்போதும் கல்லாய் இருப்பதில்லை என.