சில சின்னப் பூக்கள்...

by **rameshnaga** Wed Jun 22, 2011 7:26 pm

எத்தனை கண்கள் அந்தப் பூவின் மேல் சென்று அமர்ந்தன -
என்று எனக்குத் தெரியாது.
கடைசியாய் தேனருந்திய வண்டுக்குத் தெரியலாம்-
அதன் காயங்கள்.
****************************************
வாசல் வரை வந்து திரும்புகிறது ஒரு வண்ணத்துப் பூச்சி.
நான் மட்டும்தான் அமர்ந்திருக்கிறேன்.
உள்ளே நுழைய அதற்கு என்ன வெட்கம் என்று தெரியவில்லை.
*******************************************
மயிலிறகைப் புத்தகத்தில் ஒளித்து வைக்கும் குழந்தைகள்
சிறகு விரித்துப் பறக்கின்றன உறக்கத்தில்..
குட்டி போடும் கனவுகளுடன்..
*********************************************
அசோகர் மரம் நட்டதில் துவங்கிய படிப்பு..
புத்தனின் ஞானம்..இந்தியாவின் சுதந்திரம் ..
என்றெல்லாம் நீண்டு..
எம்.எஸ்சி.,எம்.ஃபில் -லில் முடிந்தது -என்றாலும்
அம்மாவின் தாலியை விற்றுத்தான் கிடைக்கிறது வேலை.
************************************************
திறந்திருக்கும் ஜன்னலினூடே-
வெறும்...ஒற்றை அங்குல ஆழத்தில்...
கடல்...தாண்டிய ஆழம் பயணித்துக்
கரை திரும்புகின்றன நான்கு கண் மீன்கள்..
யாரும் அறியாத கணங்களில்.
***********************************