கருணை காட்டுவாயா ??

by ஹாசிம் Wed Jun 22, 2011 11:47 am

First topic message reminder :

காத்தால மாடுமேய்க்க போனவரை
இன்னுந்தான் கணலியே
பாழாப்போன காதலால்
பகலிரவா தவிப்புத்தான்

ஆத்து மேட்டுக்கரையில
இந்த மனுசனின் இறுக்கத்தில்
இன்னுந்தான் கிறக்கமெனக்கு
பின்னால ஒடியாந்து முன்னால வச்ச முத்தம்
இச்சென்று இன்னுந்தான் கேட்குது

தொட்டவரை கட்டணும்ன்னு
நான் கொண்ட வைராக்கியத்தில்
என்னப்பன் வெறுப்பையும் மீறி
இந்தாளக் கைபிடிச்சன்

நல்லாத்தான் பாக்கிறாரு
கொஞ்சம் சினுங்கிறாரு
அதிகம் கொஞ்சுறாரு
என்னாளும் சந்தோசமாத்தான் இருக்குது
இருந்தாலும் என் வயிறு
வெறுமனத்தான் கிடக்குது

வெளியிறங்கிப் போனவரு
வரும்வரக்கும் ஏக்கந்தான்
பிள்ளகுட்டி இருந்திருந்திருந்தா
இவரெதற்கு நான்தேடுறன்
படைத்தவனே கண்திறந்து
எனக்கும் கருணை காட்டுவாயா??

உறவுகளே ஒரு விண்ணப்பம் : இந்த கவிதை முதல்தடவை கிராமிய பாணியில் முயற்சித்தது திருத்தம் எதிர்பார்கிறேன்.

by செய்தாலி Thu Jun 23, 2011 10:36 am

முதலில் மண்வாசனைக் கவிதைக்கு என் பாராட்டுக்கள்
நாகரீகம் தீண்டி சீர்குலைக்காத கிராமத்து மண்வாசனை கமழும்
பெண்மையின் மனம்

வரிகளில் சொல்லப்பட்ட ஒரு விடயம் முற்றிலும் உண்மை
கிராமிய முயற்ச்சிக்கு பாராட்டுக்கள் வாழ்த்துக்கள்

by அப்துல்லாஹ் Thu Jun 23, 2011 11:19 am

அதான் அருமையா எழுதியிருக்கீங்களே ஹாஷிம்....

நல்லாருக்கு இது மாதிரி நெறைய எழுதுங்க சகோ...
அப்புறம் சுகமா...
எனக்கு 2 3 நாட்களாக கடுமையான அலுவலகப் பணி..
மீண்டும் விசாரிப்புகள் கவிதைக்கு மிக்க நன்றி....