அன்புள்ள கலைஞர் டி.வி.க்கு ஆனந்தி எழுதுவது

by தாமு Wed Jun 22, 2011 10:27 am

அன்புள்ள கலைஞர் டி.வி.க்கு ஆனந்தி எழுதுவது,

டி.வி. நடத்துற அண்ணா உங்களுக்கு வணக்கம். ரொம்ப நாளா நம்ம டி.வி. பார்த்துட்டு வரும் வாசகி அண்ணா நான். கொஞ்ச நாளா பாருங்க தெனம் நைட்டு ஒரு நிகழ்ச்சி வருது. போன் போட்டு பரிசை வெல்லுங்கன்னு ரெண்டு அக்கா ஒரு புரோக்கிராம் பண்றாங்க. ரூ.3000 ரூ.5000ம்னு பரிசுத்தொகை பார்க்க ஆசையா இருக்கு.. கேள்விகளும் சிம்பிள் சிம்பிளா இருக்கிறதால எங்களைப் போல ஏமாந்தகோளிங்க நிறைய பேரு கையில இருக்க செல்போனை எடுத்து பட்டுன்னு அடிச்சிடுவோம்.

ஆனா பாருங்க ஒரு நிமிஷத்துக்கு ரூ.10 பிடிக்கிறீங்க. பரிசுத்தொகையை பெரிசா போட்டுட்டு இதை குட்டியா போடுறது சரியில்லைங்கண்ணா. நான் ஏதோ எழுத படிக்க தெரிஞ்ச பொண்ணு அதனால இதை தெரிஞ்சுக்கிட்டேன். விஷயம் புரியாத எவ்வளவ்வோ பேர் என்ன பண்ணுவாங்க அண்ணா?

போன் பண்ணி நாங்க பதிலை சொல்லனும். ஆனா நீங்க பொது அறிவு விஷயமா சொல்றீங்க. இதை நிமிஷத்துக்கு பத்து ரூபாய் கொடுத்து காத்திருந்து கேட்கனுமா?

நான் லைன்ல காத்திருந்தா இன்னொருத்தர் லைவ்ல பேசனும். அதானே அர்த்தம்? ஆனா அஞ்சு நிமிஷத்துக்குத்தான் ஒரு கால் லைவ்ல வருது. மத்த நேரத்துக்கு ரெண்டு அக்காவும் மொக்கை போடுறாங்க. இந்த நிகழ்ச்சியை பார்த்தா லைவ் மாதிரியே தெரியலை. ஆனா லைவ்னு போடுறீங்க. என்னைப்போல எத்தனை அப்பாவி ஜென்மங்கள் காத்திருப்பாங்க லைன்ல? அதனால உங்களுக்கு எவ்ளோ லாபம் வரும்னு யோசிச்சு பார்த்தாலே தலையை சுத்துத்து.

நீங்க விளம்பரம் போட்டு நல்ல நிகழ்ச்சியை போட்டு சம்பாதீங்க வேணாம்னு சொல்லலை. ஆனா கஷ்டப்பட்டு உழைச்சு ரீ-சார்ஜ் பண்ற அப்பாவி மக்கள் பணத்தை இப்படி எடுத்து சம்பாதிக்காதீங்க ப்ளீஸ்.

இதே போல இன்னொரு டிவி ரொம்ப நாளா பண்ணிக்கிட்டு இருக்காங்க. லைவ்னு போடமலே லைவ்னு சொல்லிக்கிட்டு நிகழ்ச்சி பண்ணிக்கிட்டு இருந்தாங்க. வேணாம் வலிக்குதுன்னு அவங்களுக்கு ஒரு பதிவு போட்டேன். ஆனா அதுக்கப்புறம் லைவ்னு போட ஆரம்பிச்சிட்டாங்களே தவிர வேற ஒரு மாற்றமும் இல்லை. சரி அவங்களை விடுங்கண்ணா. ஏற்கனவே நமக்கு நேரம் சரியில்லை. இதுல இந்த மாதிரி சுரண்டல் நிகழ்ச்சி நமக்கு இப்போ ரொம்ப அவசியமா யோசிச்சு நடந்துக்கோங்க.

உங்களால் பத்து ரூபாய் இழந்த,
அப்பாவி ஆனந்தி.

http://valaimanai.blogspot.com/2011/06/blog-post_21.html

by தாமு Wed Jun 22, 2011 10:29 am

ஆனந்தி

by ரபீக் Wed Jun 22, 2011 10:45 am

டி‌வி பார்த்தோமா சும்மா இருந்தோமான்னு இருக்கணும் ,ஆதி விட்டுட்டு போனே செஞ்சா இப்படித்தான் ஆகும்

by dsudhanandan Wed Jun 22, 2011 11:17 am

அன்புள்ள ஆனந்திக்கு,

டி வி நடத்தணும்; கேஸ் நடத்தணும்... அதுக்கெல்லாம் பணம் வேண்டாமா? அதான் இப்படி ஒரு நிகழ்ச்சி...

இப்படிக்கு

கலைஞர் டி.வி.

by மஞ்சுபாஷிணி Wed Jun 22, 2011 12:09 pm

ஹாஹா ஏமாறுபவங்க இருக்கும் வரை ஏமாத்துறவங்க இருக்க தானே செய்வாங்க....

ஆனந்தி டிவி பார்த்தோமா சமைச்சோமா கணவர் பிள்ளைகளை கவனிச்சோமான்னு இருங்கம்மா... பத்து ரூபாய் நீங்க இழக்க மாட்டீங்க புன்னகை

by SK Wed Jun 22, 2011 12:31 pm

இதர்க்கும் ஒரு ஊழல் வழக்கு போட சொல்லலாமா

by **அருண்** Wed Jun 22, 2011 12:45 pm

எங்களுக்கு கொள்ளை அடிச்சு பழகி போய்ருச்சு இப்ப வேற எங்க கிட்ட ஆட்சி இல்ல அதனால இப்படி ஆரம்பிசோட்டோம்!

வலைய தான் நாங்க விரிச்ச்சோம் நீங்க மாட்டிக்கிட்டீங்க...இதற்கு நிர்வாகம் பொறுப்பேற்காது... அன்புள்ள கலைஞர் டி.வி.க்கு ஆனந்தி எழுதுவது 745155

அன்புள்ள கலைஞர் டி.வி.க்கு ஆனந்தி எழுதுவது 745155

by **உமா** Wed Jun 22, 2011 12:52 pm

அன்புள்ள கலைஞர் டி.வி.க்கு ஆனந்தி எழுதுவது 56667

இப்படி ஒரு நிகழ்ச்சி நடதுவதற்க்கு பதில் பிச்சை எடுக்கலாம்....
சில டிவியில் எஸ்‌எம்‌எஸ் லைவில் வரும்...அதுக்கு எஸ்‌எம்‌எஸ் போட்டால் 3ரூபாய் கட் ஆகும்... தெரிந்தும் சில பேர் காதல் எஸ்‌எம்‌எஸ் ஆ அனுப்புவாங்க....

நம்ம கலைநர் சொன்னது : ஏழைகள் இருக்கும் வரை இலவசங்கள் இருக்குமா... அன்புள்ள கலைஞர் டி.வி.க்கு ஆனந்தி எழுதுவது 128872