சிங்கப்பூர் சென்று ரஜினியை நலம் விசாரித்த சிரஞ்சீவி!

தாமு · தாமு Wed Jun 22, 2011 10:23 am

சிங்கப்பூரில் ஓய்வெடுத்துக் கொண்டிருக்கும் தமிழக சூப்பர் ஸ்டார் ரஜினிகாந்தை, தெலுங்கு சூப்பர் ஸ்டாரும், ரஜினியின் திரையுலக நண்பருமான சிரஞ்சீவி நேரில் போய் பார்த்து விட்டு வந்திருக்கிறார்.

சூப்பர் ஸ்டார் ரஜினிகாந்த் உடல்நலக் குறைவு காரணமாக தற்போது சிங்கப்பூரில் தங்கி சிகிச்சை பெற்று வருகிறார். அங்குள்ள மவுண்ட் எலிசபெத் மருத்துவமனையிலிருந்து டிஸ்சார்ஜ் ஆனவர், அதே பகுதியில் ஒரு வாடகை பிளாட்டில் தங்கி தேவைப்படும் போது சிகிச்சை பெற்றுக் கொண்டு ஓய்வெடுத்து வருகிறார்.

இதனைக் கேள்விப்பட்ட நடிகர் சிரஞ்சீவி ரஜினிகாந்தை பார்க்க வேண்டி ஆந்திராவில் இருந்து சிங்கப்பூருக்கு பயணமானார். அதன்பிறகு ரஜினிகாந்த் தங்கியிருக்கும் பிளாட்டிற்கு சென்று, அவரை சந்தித்து உடல்நலம் விசாரித்தார். பயணத்தை முடித்துக் கொண்டு ஆந்திராவிற்கு திரும்பிய சிரஞ்சீவி ‘சூப்பர் ஸ்டார் குணமாகி வருகிறார். விரைவில் அவர் சென்னை வருவார். ராணா பணத்தில் நடிப்பார்’ என்று பத்திரிகையாளர்களிடம் தெரிவித்தார்.

ரஜினியும் சிரஞ்சீவியும் முதன் முதலாக ராணுவ வீரன் என்ற படத்தில் இணைந்து நடித்தனர். அன்று தொடங்கிய நட்பு இன்று வரை நிலைத்து நிற்கிறது. அதனால்தான் இந்த திடீர் விசிட் என கோலிவுட் வட்டாரம் பெருமையாகப் பேசுகிறது.

ts

ரேவதி · ரேவதி Wed Jun 22, 2011 10:24 am

சிங்கப்பூர் சென்று ரஜினியை நலம் விசாரித்த சிரஞ்சீவி! 677196

மஞ்சுபாஷிணி · மஞ்சுபாஷிணி Wed Jun 22, 2011 11:38 am

ரஜினி சிரஞ்சீவி இருவரும் ஒரே கூத்து பட்டறையில் நடிப்பை கற்றவர்கள் அதன்பின் கிடைத்த வாய்ப்பில் இருவருமே முண்ணனி ஆனார்கள் ஆனாலும் நட்பு இன்னும் தொடர்கிறது. தகவலுக்கு அன்பு நன்றிகள் தாமு.