பா.ம.க ஆட்சிக்கு வந்தால் மட்டும் தான் சமச்சீர் கல்வியை கொண்டு வர முடியும்: ராமதாஸ்

பா.ம.க ஆட்சிக்கு வந்தால் மட்டும் தான் சமச்சீர் கல்வியை கொண்டு வர முடியும் என்று டாக்டர் ராமதாஸ் கூறினார்.



தமிழகத்தில் சமச்சீர் கல்வியை அமல்படுத்த வேண்டும் என்பதை வலியுறுத்தி சென்னை மெமோரியல் ஹால் அருகில் பா.ம.க சார்பில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு பா.ம.க நிறுவனர் டாக்டர் ராமதாஸ் தலைமை தாங்கினார்.



ஆர்ப்பாட்டத்தில் பேசிய பா.ம.க நிறுவனர் டாக்டர் ராமதாஸ்,



தமிழகத்தில் எந்த ஆட்சியாளர்கள் வந்தாலும் மக்களுக்கு இலவசங்களை வாரி வழங்குகிறார்கள். உழைக்க வேண்டாம் என்று மின் விசிறி, கிரைண்டர், மிக்சி, டி.வி., அரிசி கொடுக்கிறார்கள். இன்னும் சொல்லப்போனால் மசாலா, குவார்ட்டர், பிரியாணி கூட கொடுப்பார்கள் போலிருக்கிறது.



யாரும் படிக்க வேண்டாம். சமச்சீர் கல்வியும் தேவையில்லை. மாணவர்களுக்கும், இளைஞர்களுக்கும் மதுவும், சினிமாவும் போதும் என்று ஆட்சியாளர்கள் நினைத்து விட்டார்கள்.



அதனால் தான் மதுக்கடைகளை அரசு நடத்துகிறது. கல்வியை தனியாருக்கு வழங்கியிருக்கிறது. சமச்சீர் கல்வியை கொண்டு வருவதில் எந்த ஆட்சியாளர்களுக்கும் அக்கறை இல்லை. கடந்த முறை ஆட்சி செய்தவர்களும் சரி, இப்போது ஆட்சி செய்கிறவர்களும் சரி. இரண்டு பேரையும் சேர்த்து தான் சொல்கிறேன். கடந்த ஆட்சியில் சமச்சீர் கல்வி திட்டம் உருவாக்கும் போது அதில் உள்ள
குறைபாடுகள் குறித்து கலைஞரிடம் கூறினேன். ஆனால் அவர் அதை கேட்கவில்லை.



தற்போது நடக்கும் ஆட்சி குறைபாடுகளை நீக்காமல் சமச்சீர் கல்வியே வேண்டாம் என்று முடிவெடுத்து உள்ளது. முத்துக்குமாரன் கமிட்டியிடம் கூறினால் இரண்டே நாளில் அந்த குறைபாடுகளை நீக்கி பாடத்திட்டங்களை தர முடியும். ஆனால் அதைப்பற்றியெல்லாம் ஆட்சியாளர்களுக்கு எந்த அக்கறையும் கிடையாது.



பா.ம.க ஆட்சிக்கு வந்தால் மட்டும் தான் சமச்சீர் கல்வியை கொண்டு வர முடியும். பா.ம.க. ஆட்சிக்கு வந்தாலொழிய இதில் மாற்றம் வராது. பா.ம.க. ஆட்சிக்கு வந்தால் தமிழ் வளரும். சமச்சீர் கல்வி வரும். அனைத்துப் பள்ளிகளையும் அரசே ஏற்று நடத்தும்.



ஏழைகளுக்கு ஒரு கல்வி, பணக்காரர்களுக்கு ஒரு கல்வி. ஏழைகள் பெறும் கல்வியால் வேலைவாய்ப்புகளை பெற முடியாது. இதை தான் இந்த அரசு விரும்புகிறதா? தமிழ்நாட்டில் எதிலும் சமச்சீர் இல்லை. காமராஜர் ஆட்சிக்கு பிறகு எந்த ஆட்சியும் தமிழகத்தில் சிறப்பாக செயல்படவில்லை. தமிழ்நாட்டில் சமச்சீர் கல்வி ஒரு போதும் வரப்போவதில்லை. எல்லாம் கண் துடைப்பாக தான் இருக்கிறது என்றார்

நக்கீரன்

ராமதாஸ் ஐயா, நீங்க என்ன சொல்ல வர்ரீங்க? நேரத்துக்கு ஒரு பேச்சு பேசும் உங்களை எப்படி நம்புவது. அரசியல்ல சாரியான சகுனியா இருக்கீங்க, இது சரியா?

சகுனி இல்லை சரியான ஜால்ரா

தினமும் அவர் பேர் அடிப்படனும் ( அட நீயூஸ் தான் ) அதனால் எல்லாத்துக்கும் நல்லா தட்டுவார்.....( அட ஜால்ராவைத்தான் )

ஹா.....ஹா... ஹா.....ஹா... ஹா.....ஹா... ஹா.....ஹா...
ஹையோ ...ஹய்யோ ....ஹையோ ...ஹய்யோ ....ஹையோ ...ஹய்யோ ....
முடியல...முடியல...முடியல...முடியல...முடியல...முடியல...

//பா.ம.க ஆட்சிக்கு வந்தால் மட்டும் தான் சமச்சீர் கல்வியை கொண்டு வர முடியும் என்று டாக்டர் ராமதாஸ் கூறினார்.//
அப்போ சமச்சீர் கல்வி வரவே வராதா???

அய்யோ அய்யோ!!!!!
ராமதாஸ் இப்படி தினம் தோறும் கிச்சு கிச்சு மூட்டுகிறாரே!!!!

தமிழகத்தில் எந்த ஆட்சியாளர்கள் வந்தாலும் மக்களுக்கு இலவசங்களை வாரி வழங்குகிறார்கள். உழைக்க வேண்டாம் என்று மின் விசிறி, கிரைண்டர், மிக்சி, டி.வி., அரிசி கொடுக்கிறார்கள். இன்னும் சொல்லப்போனால் மசாலா, குவார்ட்டர், பிரியாணி கூட கொடுப்பார்கள் போலிருக்கிறது.

அப்போ கருணாநிதி இலவசங்கள் சொல்லும்போது எண்ணாத்த ......... இருந்தார்

இதெல்லாம் ஒரு பொழப்பு... இப்படி அரசியல் ஜால்ராவா இருப்பதை நாண்டுகிட்டு சாகலாம்..