என் நட்பேதாண்டா...நீ. ( என் 3000வது பதிவு )

வாய்க்கால் ஓரத்தில் அணைகட்டி..
நீர் இறைத்து கெண்டைமீனைப் பிடித்து.
உப்புக்கல்லும்,,மிளகாய்த்தூளும் தடவி
தீயில் சுட்டு தின்ற நாட்களும்..

கால்மிதி எட்டாத மிதிவண்டியில்
இரட்டை கால் போட்டு ஒட்டி
உடைத்த அலமாரியில் ஓரமாய்
கிடக்கும் ஒரு கால் மிதிவண்டியும்..

தாவிசெல்லும் குரங்குகள் போல
ஆற்றின் கரையில் ஆலமர விழுதை
தாவிப்பிடித்து தவறி விழுந்து முட்டி
மோதிய என் முழங்காலின் தழும்பும்..

ஊருக்கு வெளியே ஒதுக்குப்புற
மாந்தோப்பில் கல்லெறிந்து
களவாடித் திருடித் தின்ற நம்
கல்லடிபட்ட மா மரங்களும்..

களத்துமேட்டு பக்கத்தில் முளைத்த
கள்ளிச்செடியில் எழுதி வைத்த நம்
பெயரின் எழுத்துக்கள்..இன்றும் சில காயங்களோடும்..

வீரபாண்டி திருவிழாவில் நம்
வேண்டுதலுக்காக மேனிமீது
சேற்றை வாரிப்பூசி ஆடி வீதி
வழி வந்த நாம் அடையாளங்களும்..

தாவிக் கும்மாளமிட்ட படித்துரையும்..
ஒன்றில் மூன்று என பங்கிட்ட
தேனீர்க் கடை பெஞ்சுகளும்..
சாலையோர குட்டிச்சுவர்களும்..

என் நட்பின் நினைவுகளாய்..நெஞ்சினிலே...

என்னோடு திரிந்த என் நண்பா..! இன்று
ஏனடா..என்னை விட்டுப் பிரிந்தாய்.?

எங்கு உள்ளாய்..நீ..? வாழ்க்கைச் சக்கரம்
நம் வாழ்வை பிரித்து வைத்தது..ஏனடா..?

எதுவும் எதிர்பாரா உன்னன்பு
எங்கு கிடைக்குமடா...எனக்கு..?

எங்கோ மறைந்து இருந்தாலும்...
என்னை மறந்து இருந்தாலும்...என்
நன்பேண்டா..நீ.. என் நட்பேதாண்டா...நீ..

by மஞ்சுபாஷிணி Mon Jun 20, 2011 11:33 pm

நட்பைக்குறித்த அழகிய மலரும் நினைவுகள்....
நல்ல நட்பை அடைந்தவன் உலகத்தை வென்றவனாகிறான்.....

அன்பு வாழ்த்துகள் 3000 பதிவுகளுக்கும் அழகிய அசத்தல் நட்பு கவிதைக்கும் பாஸ்கரா...

என் நட்பேதாண்டா...நீ. ( என் 3000வது பதிவு ) Beautiful_Roses+(12)

என் நட்பேதாண்டா...நீ. ( என் 3000வது பதிவு ) Beautiful_Roses+(12)

by முரளிராஜா Tue Jun 21, 2011 7:55 am

by தாமு Tue Jun 21, 2011 8:51 am

by **Manik** Tue Jun 21, 2011 10:07 am

ஹைய்யோ நண்பனைப் பற்றி ஒரு அழகான கவிதை அண்ணா சூப்பர் எல்லாருக்கும் நண்பர்கள் இருப்பார்கள் அவர்கள் எல்லாருக்கும் ஏற்ற மாதிரி இந்த கவிதை இருக்கு என் நட்பேதாண்டா...நீ. ( என் 3000வது பதிவு ) 677196

என் நட்பேதாண்டா...நீ. ( என் 3000வது பதிவு ) 677196

by ரபீக் Tue Jun 21, 2011 10:15 am

நட்புக்கவி படைத்த நண்பபுக்கு நன்றிகள் பல !!!

by செய்தாலி Tue Jun 21, 2011 10:31 am

கபடமற்றது பால்யத்தின் நட்பு
வரிகளில் உற்ற நண்பனுடனான பால்ய நிகழ்வுகள்

உங்களின் 3000 வது பதிவுக்கு என் மனமார்ந்த பாராட்டுக்கள் வாழ்த்துக்கள்
கவிதை உலகம் பிளாக் கண்டேன் அருமை
உங்கள் கவிதை பயணம் தொடர வாத்துக்கள் கவிஞரே

by பாலாஜி Tue Jun 21, 2011 10:36 am

வாழ்த்துக்கள் சூர்யா ...... ஆட்டோகிராப் படம் பார்த்துபோல உள்ளது உங்கள் கவிதை ....

அனைவரது மனதையும் நெகிழவைக்கும் கவி படைப்பு .....

by திவ்யா Tue Jun 21, 2011 11:54 am

by **மு.வித்யாசன்** Tue Jun 21, 2011 4:38 pm

நண்பா... இந்த கவிதையில் நனைந்து விட்டேன்... நினைவுகளை வட்டமிட வைத்திருக்கிறாய் நீ...

எந்த வரியை பிரித்து வாழ்த்த என்று தெரியவில்லை... கிராமத்தின் சுவடுகளை இந்த கவிதை கால் தடமாக பதித்துள்ளது.

நீ... தீட்டப்பட வைரமாய் ஒளி வீச ஆரம்பித்து விட்டாய்... உனது கற்பனைகள் நன்கு சுவாசிக்க கற்றுக் கொண்டுவிட்டது. கனவுகளின் பயணத்தில் நீ காற்றாக உனை உரு மாற்றி கொண்டு விட்டாய்...

சிலாகித்துவிட்டேன்...

தொடர்ந்து எழுது.. வாழ்த்துக்கள். என் நட்பேதாண்டா...நீ. ( என் 3000வது பதிவு ) 154550