பசி.. பசி..

வித்யாசாகர் · வித்யாசாகர் Sat Sep 12, 2009 9:30 pm

First topic message reminder :

பசி

பசி..

பசி..

பசித்துக் -
கொண்டே இருக்கிறது;

பசியை -
பணமுள்ளவர்கள்
விரட்டிக் கொண்டே
இருக்கிறோம்;

விரட்டுகையில்
யாராவது
சாப்பிடாதவர்களை
நினைத்திருப்போமா?

பசியால் -
இறந்தவர்களையாவது
நினைத்திருப்போமா?

நினைத்தவர்கள்
இருப்பதை இல்லாதவர்களுக்குக்
கொடுத்திருப்போமா?

கொடுத்தவர்கள்
வெளியில் -
தெரிவதில்லை;

கொடுக்காதவர்கள்
கொடுத்தது போல்
காட்டப்
படுகிறார்கள்;

கலிகாலமென
வந்த கோபத்தை - பெருமூச்சாய்
விதியின் மேல்
இழுத்து விடுகையில்,

பசியில்
இறந்தவர்களின்
பட்டியல் மட்டும் -

இருப்பவருக்கும் இல்லாதவர்க்கும்
இடையே -
நீண்டுகொண்டே
இருக்கிறது!

இன்னும்..
இப்பொழுதும்..

சாப்பிட்டவர்கள்
மீதத்தை மூடி வைத்துவிட்டு
பொது அறிவு பெற-
இறந்தவர்களின்
எண்ணிக்கையை
செய்தியில்
வாசிக்கிறோம்;

பசி -
கொடுமையென
பசிப்பவருக்குத் தானேத்
தெரியும்!!
----------------
வித்யாசாகர்

**சிவா** · **சிவா** Sun Sep 13, 2009 8:53 am

அருமையான கவிதை வித்யாசாகர்! பசியால் வாடுவோர் பல கோடி, புசித்து ஜீரணமாகாதோர் ஓடுகிறார் மருத்துவமனை தேடி! என்ன உலகம் இது! ஏனிந்த ஏற்றத்தாழ்வுகள்!

வித்யாசாகர் · வித்யாசாகர் Mon Sep 14, 2009 4:11 am

இறைவன் திருவருளால் அனைவரின் புலமையையும் மேலோங்கி வென்று வருக!

அன்புள்ளங்களே.. பணிவும் பாசமும் அக்கறையும் அறிவு ஓங்கலும் போட்டியிட்டுக் கொண்டிருக்க உங்களன்பிற்கிடையே என் மனதார்ந்த நன்றிகளே சமர்ப்பணம்!

Sponsored content · Sponsored content

பசி.. பசி..

பசி.. பசி..

Re: பசி.. பசி..

Re: பசி.. பசி..

Re: பசி.. பசி..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக