கூழுக்குப் பாடிய புலவர்

புலவர் பொன்முடியும், புலவர் நீலவண்ணனும் தங்கள் வறுமையைப் போக்க ஜமீந்தாரைப் பாடி பரிசுப் பெறவந்து கொண்டிருந்தனர்.

வெயில் கொடுமை அதிகமாக இருக்கவே இருவரும் உழவன் ஒருவன் குடிசையைக் கண்டு அங்கே சென்று வெளித்திண்ணையில் அமர்ந்தனர்.

உள்ளே இருந்த கந்தன் இருவரையும் கண்டு வெளியே வந்தான்.

``அய்யா தாங்கள் யார்?தண்ணீர் வேண்டுமா?'' என்று கேட்டான்.

இருவரும் `வேண்டும்' என்றதும் கொண்டு வந்து கொடுத்து விசாரித்தான்.

இருவரும் ஜமீந்தாரைப் பாடி பரிசு பெற வந்ததைச் சொன்னார்கள்.

``ஊர் நிலங்களையும், சொத்தையும் ஏமாற்றிப் பிழைக்கும் மோசக்காரனை புகழ்ந்து பாடுவதா? பொய் பேசுவதில் வல்லவன். கஞ்ச பிரபு என்று கந்தன் எரிமலையாக வெடித்தான்.

``என்ன சொல்கிறீர்கள்?'' என்று பொன்முடி கேட்டார்.

``எங்கள் நூறுவேலி நிலத்தையும் அபகரித்து எங்களை வறுமையில் வாட விட்டவர். குபேரனாக இருந்த எங்களை கூலியாளா மாற்றியவரே அவர்தான்'' என்று விம்மினார்.

பொன்முடியார் ஜமீந்தாரைப் பாடி பரிசுப் பெறாமல் வீடு திரும்பலாம் என்று நீலவண்ணனிடம் சொன்னார்.

``நமக்கு ஜமீந்தார் எப்படிப்பட்டவர் என்பது தேவை அற்றது. அவரைப் புகழ்ந்து பாடப் போகிறோம். பரிசுப் பெறப்போகிறோம். திரும்பப் போகிறோம். வா போகலாம்'' என்றார்.

``நான் வரவில்லை. நீங்கள் போங்கள். உங்களைப் போல நாய் விற்ற காசு குரைக்காது என்று சமாதானம் செய்து கொள்ள முடியாது'' என்றார், பொன்முடியார்.

நீலவண்ணன் ஜமீந்தாரைப் புகழ்ந்து பாட புறப்பட்டார்.

``புலவர் பெருமானே! வறுமையிலும் உங்கள் செம்மையை என்னால் உணர முடிகிறது. பரிசுக்காகத் தகுதி இல்லாதவரைப் புகழ்ந்து பாடுவது புலவர்க்கு இழுக்கு என்று போகாமல் இருப்பதை நினைக்கும் போது பெருமையாக இருக்கிறது. என் தந்தையார் வசதியாக இருந்தபோது

புலவர்களுக்கு வாரி கொடுப்பார். உங்கள் பசி போக்க என்னிடம் இருப்பது கூழ்தான். வாருங்கள் குடிக்கலாம்'' என்றான் கந்தன்.

``இருக்கும் கூழையும் பகிர்ந்தளிக்க சொன்னபோதே அது தேவாமிர்தமாகி விட்டது. உங்கள் குடும்பத்தைக் கூழுக்குப் புகழ்ந்து பாடுகிறேன்'' என்று கவிபாடினார், பொன்முடியார்

``கூழுக்காகப் பாடுவதா?''

``கம்பரே கூழுக்காகப் பாடியதாகக் கூறுவார்கள். `உண்டிக் கொடுத்தோர் உயிர்க் கொடுத்தோர்'

இல்லையா?''

கந்தன் தந்தக் கூழைப் புலவர் மகிழ்வோடு குடித்தார்.

தா. ஆறுமுகம்

அருமையான பகிர்வு....

தகுதி இல்லாதவரை கிடைக்கும் அவரிடம் இருந்து கிடைக்கும் பரிசுக்காக புகழ்வது இழிவானச்செயல் என்று சொல்லிய அறிவுரைக்கதை..

அன்பு நன்றிகள் சிவா பகிர்வுக்கு.