"ஓசி'யில் தங்கும் உயர் அதிகாரிகள்: லஞ்சம் வாங்கும் கட்டாயத்தில் போலீசார்

மதுரை:மதுரைக்கு குடும்பத்துடன் வரும் போலீஸ் உயர் அதிகாரிகள் மற்றும் ஓய்வு பெற்றவர்களுக்கு தங்கும் இடம், சாப்பாடு உட்பட அனைத்து செலவுகளையும், அந்தந்த பகுதி போலீசார் ஏற்க வேண்டியுள்ளது. இதை சமாளிக்க, லஞ்சம் வாங்க வேண்டியிருப்பதாக போலீசார் புலம்புகின்றனர்.

தென் மாவட்டத்திற்கு சொந்த காரணங்களுக்காக வரும் உயர் அதிகாரிகள் மற்றும் ஓய்வு பெற்றவர்கள், மதுரையில் தங்கி வெளியிடங்களுக்குச் செல்கின்றனர். இத்தகவலை முன்கூட்டியே கமிஷனர் அலுவலகத்திற்கு தெரிவித்து விடுவர்.சில அதிகாரிகள், குறிப்பிட்ட நட்சத்திர ஓட்டலில் தான் அறை வேண்டும் என அடம்பிடிப்பர். இவர்களுக்கு தங்கும் இடம், சாப்பாடு செலவு என அனைத்தையும் பார்த்து செய்யுமாறு கமிஷனர் அலுவலகத்திலிருந்து, அந்தந்த ஸ்டேஷன் போலீசாருக்கு தகவல் தெரிவிப்பர்.பெரும்பாலான அதிகாரிகள், மாநகராட்சி எதிரேயுள்ள போலீஸ் விருந்தினர் விடுதியில் தங்குகின்றனர். இதற்கு ஒருநாள் வாடகை 100 ரூபாய். மத்திய போலீஸ் அதிகாரிகள் என்றால் 200 ரூபாய். சர்க்கியூட் ஹவுசில் தங்க 150, 250 ரூபாய் வசூலிக்கப்படுகிறது.

இதைக்கூட அதிகாரிகள் தருவதில்லை. அவர்களுக்கு மட்டுமில்லாமல், குடும்பத்திற்கே சாப்பாடு செலவு, அந்தந்த பகுதி போலீசாரின் தலையில் விழுகிறது. தவிர, திருமண நிகழ்ச்சிகளில் பங்கேற்க வந்தால், வாகன வசதி, "பொக்கே' போன்றவற்றையும் போலீசாரே ஏற்பாடு செய்ய வேண்டும்.போலீசார் கூறுகையில், "சர்வீசில் உள்ள அதிகாரிகளை விட, ஓய்வு பெற்ற அதிகாரிகளின் அதிகாரம் தாங்க முடியவில்லை. குடும்பத்துடன் ஊர் ஊராக சுற்றுலா செல்லும் செலவு, எங்கள் தலையில் விழுகிறது. ஆயிரக்கணக்கில் சம்பாதிக்கும், பென்ஷன் வாங்கும் இவர்கள், ஒருநாள் வாடகையைக்கூட செலுத்தத் தயங்குகின்றனர்.

ஒரு அதிகாரி வந்தால், குறைந்தது 5,000 ரூபாய் செலவாகிறது. இதை சமாளிக்க, புகார் கொடுக்க வருபவர்களிடமும், வழக்குகளில் சிக்கியவர்களிடமும் "வசூலிக்க' வேண்டியுள்ளது. ஓட்டல்களில், "ஓசி'யில் தங்க அறை கேட்பதால், ரெய்டு செல்லவே கூச்சமாக இருக்கிறது. இதற்கு ஒரே தீர்வு, மதுரை வரும் அதிகாரிகள், அவரவர் செலவில் தங்கிச் செல்ல வேண்டும். இதை அவர்களாக உணர வேண்டும்' என்றனர்.
நன்றி தின மலர்

"சர்வீசில் உள்ள அதிகாரிகளை விட, ஓய்வு பெற்ற அதிகாரிகளின் அதிகாரம் தாங்க முடியவில்லை."

வாங்கி பழக்கபட்ட கைகள் கொடுக்க நினைக்காது ..

ஒரு அதிகாரி வந்தால், குறைந்தது 5,000 ரூபாய் செலவாகிறது. இதை சமாளிக்க,
புகார் கொடுக்க வருபவர்களிடமும், வழக்குகளில் சிக்கியவர்களிடமும்
"வசூலிக்க' வேண்டியுள்ளது. ஓட்டல்களில், "ஓசி'யில் தங்க அறை கேட்பதால்,
ரெய்டு செல்லவே கூச்சமாக இருக்கிறது.


இல்லைன மட்டும் வாங்க மாட்டங்கலோ?