தூக்கம் சொக்கும் உணவுகள்!

by பாலாஜி Sun Jun 19, 2011 3:14 pm

நம்மில் சிலர் தலையணையில் தலைவைத்த அடுத்த விநாடியே 'கொர்'ரென்ற குறட்டையுடனோ அல்லது குறட்டை அல்லாமலோ ஜோராக தூங்கத் தொடங்கிவிடுவார்கள்.அவர்களை பற்றி பிரச்சனை இல்லை.ஆனால் குறட்டை ஒரு பிரச்சனைதான்; அதுபற்றி அப்புறம் பார்க்கலாம்.

தற்போதைய பிரச்சனை தூக்கம் வராதவர்களை பற்றியது.புத்தகம் வாசிப்பது, இணைய தளத்தில் மேய்வது, மனதுக்கு பிடித்த இனிமையான பாடல்களை கேட்பது என பலவிதமாக முயற்சித்தும், சிலருக்கு தூக்கம் தொலைவிலேயே இருக்கும்;பக்கத்தில் நெருங்காது.

அப்படியானவர்களுக்காக மருத்துவ மற்றும் உணவு நிபுணர்கள் தரும் தூக்கம் வரவழைக்கும் உணவுகள் பட்டியல் இதோ:

இறால்:

மீன்களில் பலவகை உண்டென்றாலும் இறால் மீனுக்கு தனி ருசிமட்டுமல்லாது, தூக்கத்தை வரவழைக்கும் திறனும் உண்டு.இதிலுள்ள ஆரோக்கியமான கொழுப்பு,தூக்கத்தை ஒழுங்குபடுத்தும் ஹார்மோன் சுரப்புகளை அதிகரிக்கும் திறனுடையதாம்.

பீன்ஸ்:

பீன்ஸ் மற்றும் இந்த வகையை சேர்ந்த அவரை, பட்டாணி போன்றவற்றில் பி6,பி12 உள்ளிட்ட 'பி' வைட்டமின்களும், ஃபோலிக் அமிலமும் மிகுதியாக உள்ளன. இவை மனிதனின் தூக்க சுழற்சி முறையை ஒழுங்குபடுத்துவதோடு, மனதை ஆசுவாசமாக வைத்திருக்கக் கூடிய செரோட்டோனினை சுரக்க வைக்கிறது.மேலும் தூக்கமின்மையால் அவதிப்படுபவர்களுக்கு 'பி' வைட்டமின்கள் மிகவும் உதவுவதாக ஆராய்ச்சிகள் தெரிவிக்கின்றன.

தயிர்:

கொழுப்பு குறைந்த தயிரில் கால்சியம் மற்றும் மெக்னீசியம் நிறைந்துள்ளது. இந்த இரண்டுக்குமே தூக்கத்தை வரவழைப்பதில் முக்கிய பங்கு உள்ளது.ஆழ்ந்த தூக்கம் வர உதவும் இந்த தாதுக்கள், வேகமாகவும் தூக்கத்தை வரவழைக்குமாம். இந்த தாதுக்கள் ஒருவருக்கு உரிய அளவு கிடைக்காமல் பற்றாக்குறையாக இருந்தால், அதனால் தூக்கமின்மை ஏற்படுவதோடு,மன அழுத்தம் மற்றும் தசை வலி போன்றவையும் ஏற்படலாம் என்று மருத்துவர்கள் எச்சரிக்கிறார்கள்.

பசளிக்கீரை:

கரும்பச்சை நிறத்தில் உள்ள இந்த பசளிக்கீரையில் இரும்பு சத்து அதிக அளவில் உள்ளது. தூக்கமின்மையை ஏற்படுத்தக்கூடிய ஒருவித படபடப்பு மற்றும் மன அமைதியின்மை போன்றவை ஏற்படாமல் பாதுகாப்பதில் இந்த பசளிக்கீரை முக்கிய பங்கு வகிப்பதாக கூறுகிறார்கள் நிபுணர்கள்.

- தட்ஸ்தமிழ்

by மஞ்சுபாஷிணி Sun Jun 19, 2011 8:24 pm

இத்தனை நாள் நல்லா படுத்ததுமே தூங்கிருவேன். இப்ப கொஞ்ச நாட்களாக நைட் எத்தனை நேரம் ஆனாலும் தூக்கம் வருவதில்லை அழுகை

இப்ப நீங்க இங்க போட்ட பதிவில் எனக்கு பிடித்த தயிர் பசலைக்கீரை ரெண்டும் இனி உணவில் சேர்த்துக்கொள்கிறேன்.

பகிர்வுக்கு அன்பு நன்றிகள் ஜீ.

by positivekarthick Sun Jun 19, 2011 9:13 pm

பகிர்வுக்கு அன்பு நன்றிகள் ஜீ.

by பாலாஜி Sun Jun 19, 2011 9:51 pm

by **கே. பாலா** Sun Jun 19, 2011 9:55 pm

//எனக்கு பிடித்த தயிர் பசலைக்கீரை ரெண்டும் இனி உணவில் சேர்த்துக்கொள்கிறேன்.//
தயிர், கீரை இரண்டையும் ஒன்றாக , இரவில் சாப்பிடக்கூடாது

by பாலாஜி Sun Jun 19, 2011 9:57 pm

கே. பாலா wrote://எனக்கு பிடித்த தயிர் பசலைக்கீரை ரெண்டும் இனி உணவில் சேர்த்துக்கொள்கிறேன்.//
தயிர், கீரை இரண்டையும் ஒன்றாக , இரவில் சாப்பிடக்கூடாது

ஆமாம் இல்ல கீரையும் ,மோரும் இரவில் கேடு செய்யும் என்று எதிலேயே படித்துயிருக்கின்றேன்....

by **கே. பாலா** Sun Jun 19, 2011 10:02 pm

வை.பாலாஜி wrote:
கே. பாலா wrote://எனக்கு பிடித்த தயிர் பசலைக்கீரை ரெண்டும் இனி உணவில் சேர்த்துக்கொள்கிறேன்.//
தயிர், கீரை இரண்டையும் ஒன்றாக , இரவில் சாப்பிடக்கூடாது

ஆமாம் இல்ல கீரையும் ,மோரும் இரவில் கேடு செய்யும் என்று எதிலேயே படித்துயிருக்கின்றேன்....

உண்மைதான் .சில பொருள்கள் ஒன்றோடொன்று சேரும்போது வீரியாதி தன்மைகளால் அவைகளின் குணம் மாறுபட்டு நாளடைவில் விஷத்தன்மையை உண்டாக்கும். அவைகள்:

1.பாலுடன் - மீன்,புளிப்புக் கனிகள்,கொள்ளு,கம்பு,காட்டுப்பயிறு,கீரைகள்

2.தயிருடன் - கோழிக்கறி, மாமிசம், வாழைப்பழம்

3.முள்ளங்கியுடன் - உளுத்தம் பருப்பு

4.மணத்தக்காளியுடன் - மிளகு, திப்பிலி, தேன், வெல்லம்

5.தேனுடன் - தாமரை விதை, நெய், கொழுப்பு எண்ணெய், நீர்.

6.வெற்றிலையுடன் - எண்ணெய்

7.கொத்துப் பசலையுடன் - எள்

8.மீன் பொரித்த எண்ணெய் (அ) நெய்

9.மீன், முள்ளங்கி, கீரைகள் புசித்தவுடன் பால் அருந்துதல்

10.கரும்பு தின்றவுடன் நீர் அருந்துதல்

11.சாராயமும் சர்க்கரையும் சேர்த்தல்

12.நெய்யை வெண்கலப் பாத்திரத்தில் 10 நாட்கள் வைத்திருந்தாலும் விஷமிக்கும்.

5.தேனுடன் - தாமரை விதை, நெய், கொழுப்பு எண்ணெய், நீர்.

இரண்டும் சேர்த்து அருந்தக்கூடாதா..? தூக்கம் சொக்கும் உணவுகள்! 440806

by **கே. பாலா** Sun Jun 19, 2011 10:50 pm

தேனி சூர்யாபாஸ்கரன் wrote:5.தேனுடன் - தாமரை விதை, நெய், கொழுப்பு எண்ணெய், நீர்.

இரண்டும் சேர்த்து அருந்தக்கூடாதா..?

]வெந்நீர் என்பது தான் சரி! வெது வெதுப்பான நீர் சேர்க்கலாம். ஆனால் மிகவும் சூடான நீர் சேர்க்க கூடாது. பிழையை அறிய தந்தமைக்கு நன்றி சூர்யா!

கே. பாலா wrote:
தேனி சூர்யாபாஸ்கரன் wrote:5.தேனுடன் - தாமரை விதை, நெய், கொழுப்பு எண்ணெய், நீர்.

இரண்டும் சேர்த்து அருந்தக்கூடாதா..?
]வெந்நீர் என்பது தான் சரி! வெது வெதுப்பான நீர் சேர்க்கலாம். ஆனால் மிகவும் சூடான நீர் சேர்க்க கூடாது. பிழையை அறிய தந்தமைக்கு நன்றி சூர்யா!

நன்றிகள்..பாலா..

நான் சூடான வெந்நீரில் கிரீன் டீ இட்டு அதனோடு தேன் கலந்து குடிக்கிறேன்...இது சரியா..? தூக்கம் சொக்கும் உணவுகள்! 102564