பணம், பொருட்களை பறிகொடுக்கும் சபலக்காரர்கள்!

by அப்துல்லாஹ் Sun Jun 19, 2011 1:52 pm

நெல்லை மாநகரில் சந்திப்பு பேருந்து நிலையம், ரயில்நிலையம் மற்றும் புதிய பேருந்து நிலைய பகுதிகளில் சில இடங்களில் விபசார பெண்கள் மற்றும் சில திருநங்கைகள் செய்யும் சேட்டைகளால் பொதுமக்கள் முகம் சுழிக்கும் நிலை உருவாகி உள்ளது. மேலும் அவர்கள் ஆண்களை மய(ட)க்கி பணம், வாட்ச், செல்போன் போன்றவற்றைப் பறிக்கும் சம்பவங்களும் நடைபெற்று வருகிறது.
நெல்லை மாநகரத்தில் சந்திப்பு ரயில்வே நிலையம், பேருந்து நிலைய பகுதிகளில் விபசார பெண்கள், திருநங்கைகளின் தொந்தரவுகள் நாளுக்குநாள் அதிகரித்து வருகிறது. இவர்களில் சிலர் இங்குள்ள டாஸ்மாக் கடைகளில் சரக்கடிப்பதுடன் ஆபாசமாக பேசி திரிகின்றனர்.

மேலும் சபலப்படும் ஆண்களைக் குறிவைக்கும் இவர்கள் நைசாக பேசி மறைவிடங்களுக்கு அழைத்துச் செல்கின்றனர். பின்னர் தங்கள் லீலைகளைக் காட்டி பணத்தைக் கறக்கின்றனர். மேலும் சம்பந்தப்பட்டவர்களை மிரட்டி, பணம், வாட்ச், செல்போன் போன்றவற்றையும் மிரட்டி பறித்து விரட்டிவிடுகின்றனர்.

காவல்துறை சரிவர ரோந்து பணியில் ஈடுபடாததால் ரயில்வே பீடர் ரேடு பகுதியில் இரவில் இவர்கள் தங்களது கைவரிசை காட்டுவதற்கு ஏதுவாகி விடுகிறது. இளைஞர்கள் மட்டுமின்றி 50 வயது முதல் 65 வயது முதியவர்கள் கூட சில நேரங்களில் சஞ்சலப்பட்டு அவர்களிடம் மாட்டிக்கொள்கின்றனர்.

இதுபோன்று சிக்கிக்கொள்ளும் இளைஞர்கள் முதல் பெரியவர்கள் வரை யாரும் கவுரவம் கருதி காவல்துறையில் புகார் செய்வது இல்லை.

இதுபோல் புதிய பேருந்து நிலைய பகுதியிலும் திருநங்கைகள் சிலர் இதுபோன்ற செயல்களில் ஈடுபட்டு வருகின்றனர். நேற்று முன்தினம் இரவு திருநங்கை ஒருவர், வாலிபர் ஒருவரை மறைவான இடத்திற்கு அழைத்துச் சென்று சேட்டையில் ஈடுபட்டுள்ளார். அவர் மெய்மறந்த நிலையில் பாக்கெட்டில் இருந்த பணம் முழுவதையும் எடுத்துள்ளார். பின்னர் அவரை மிரட்டி அடித்து விரட்டியுள்ளார்.

இதையடுத்து அந்த வாலிபர் அங்குள்ள ஆட்டோ ஓட்டுனர்களிடம் நடந்ததைக் கூறி பேருந்து செலவுக்குப் பணம் கேட்டுள்ளார். உடனே அவர்கள் சம்பந்தப்பட்ட திருநங்கையைப் பிடித்து நன்றாக கவனித்து, பணத்தை வாங்கி வாலிபரிடம் கொடுத்துள்ளனர். பின்னர் மேலப்பாளையம் காவல்துறையினர் அந்த திருநங்கையை அழைத்துச்சென்று திட்டி அனுப்பி உள்ளனர்.

இதுபோன்று நாள்தோறும் பல சம்பவங்கள் நடைபெற்று வருகிறது. இவற்றைத் தடுக்க மாநகரின் முக்கிய பகுதிகளில் காவல்துறையினர் தீவிர ரோந்து பணியில் ஈடுபட வேண்டும் என்று வியாபாரிகள் மற்றும் பொதுமக்கள் எதிர்பார்க்கின்றனர்.

நன்றி:இந்நேரம்