"பஞ்ச் டயலாக்' மற்றும் பாடல்களுடன், பாட புத்தகம்

விழுப்புரம்:சினிமா வசனங்கள் "பஞ்ச் டயலாக்' மற்றும் பாடல்களுடன், பிளஸ் 2 மாணவர்களுக்கான "கைடு' விற்பனைக்கு வந்துள்ளது, பெற்றோரை அதிர்ச்சியடையச் செய்துள்ளது.

தமிழகத்தில் 6ம் வகுப்பு முதல் பிளஸ் 2 வரை பாடப் புத்தகங்களுக்கு விளக்கம் அளிக்கும் வகையிலும், தேர்வுக்கு இடம் பெறும் வினா, விடை தொகுப்புகளுடன் "கைடு' விற்கப்படுகிறது. புத்தகங்களைக் காட்டிலும், மாணவர்கள் "கைடு'கள் துணையுடன் தான் தற்போது தேர்வுகளை எதிர்கொண்டு வருகின்றனர்.இதற்காக பல நிறுவனத்தினர், முதுகலை ஆசிரியர்கள் துணையுடன், "கைடு'களை தயாரித்து, விற்பனை செய்து வருகின்றனர். இதில் தமிழ் பாடத்திற்கான "கைடு'கள் மாணவர்களுக்கு அவசியமாகியுள்ளது. புத்தகத்தில் இடம் பெற்றுள்ள செய்யுள், இலக்கண, இலக்கியங்களுக்கும், பாடல்களுக்கும் விளக்கம் அளித்தும், வினா - விடைகளுடன் அமைந்துள்ளதால், மாணவர்கள், "கைடு'களை தான் அதிகம் பயன்படுத்துகின்றனர்.

தமிழ் பாடத்திற்கு, தற்போது ஒரு நிறுவனத்தினர் வெளியிட்டுள்ள "கைடு' வித்தியாசமாக இருப்பதுடன், சினிமா பாடல், வசனங்கள், நகைச்சுவை துணுக்குகளும், நடிகர், நடிகையரின் படங்களுடன் இடம் பெற்றுள்ளது. ஏற்கனவே சினிமாவில் வரும் பல வசனங்கள், பாடல்கள் மாணவர்களையும், இளைஞர்களையும், தீயவழியில் அழைத்து செல்வதோடு, அவர்களின் படிப்புகளையும் பாதிப்பதாக, பெற்றோர் புலம்பி வருகின்றனர்.

அந்த "கைடு' பக்கங்களில் உள்ள சில:"கலக்கிய வசனம்' என்ற தலைப்பில், "இந்த பாட்ஷா ஒரு தடவை சொன்னா நூறு தடவை சொன்ன மாதிரி' - பாட்ஷா ரஜினி.

"அடைந்தால் மகாதேவி இல்லையேல் மரணதேவி' - பி.எஸ்.வீரப்பா.

"இலக்கியத்தில் அறிவியல்' என்ற தலைப்பில், "இன்னிசை பாடி வரும்...' - துள்ளாத மனமும் துள்ளும் விஜய்.

"கேட்டேன்' என்ற தலைப்பில், "சப்தம் இல்லாத தனிமை கேட்டேன்...' - அமர்க்களம் அஜித். இதில், அஜித் புகைப்படமும் உள்ளது.

இது மட்டுமின்றி, நகைச்சுவை துணுக்குகளும் இடம் பெற்றுள்ளன. கான்ஸ்டபிள், இன்ஸ்பெக்டர் பேசி கொள்ளும் விதத்தில், அவை இடம் பெற்றுள்ளன. தமிழ் பாடத்தில், ஆய்வாளர், காவலர் என்று கூட அவர்கள் அதில் குறிப்பிடவில்லை.

இது போன்ற ஏராளமான சினிமா வசனங்கள் "பஞ்ச்' டயலாக்குகள், எம்.ஜி.ஆர்., ரஜினி, அஜித், விஜய் உள்ளிட்ட நடிகரின் படங்கள் அதில் இடம் பெற்றுள்ளன.

முதல் பக்கத்தில் "கைடு' நிறுவனத்தினர் அளித்துள்ள விளக்கம்:பாடத் திட்டத்திற்கு சற்று அப்பாற்பட்டு சென்று, தாலாட்டு, தெம்மாங்கு, ஹைக்கூ, திரைப்படப் பாடல், நகைச்சுவை துணுக்கு, கைப்பேசி சரவெடிகள், இலக்கிய ஆய்வுகள் என, அழகிய தமிழை உங்களுக்கு பல்வேறு கோணங்களில் அறிமுகப்படுத்தியிருக்கிறோம்.காரணம், பொதுத்தேர்வில் 100 சதவீதம் மதிப்பெண்கள் எடுப்பதுடன், ஐ.ஏ.எஸ்., போன்ற உங்கள் எதிர்கால போட்டி தேர்வுக்கு, அடிப்படை தமிழ் துணைவனாக இருக்கும்.இப்படி அவர்கள் விளக்கம் அளித்துள்ளனர். எங்கே செல்கிறது நம் கல்வி?

தினமலர்

என்ன கொடுமை

அப்படியே, பாலா வின் பஞ்ச்களையும் சேர்த்திருக்கலாம்.

மகா பிரபு wrote:அப்படியே, பாலா வின் பஞ்ச்களையும் சேர்த்திருக்கலாம்.

என்னை "பஞ்சர்" பண்றதுக்குனே ...சொல்ற "ஐடியா"வ இருக்கே!

மகா பிரபு wrote:அப்படியே, பாலா வின் பஞ்ச்களையும் சேர்த்திருக்கலாம்.

இந்த புத்தகத்தையே பாலாதான் எழுதியிருப்பார் என நினைக்கிறேன் பிரபு

முரளிராஜா wrote:

மகா பிரபு wrote:அப்படியே, பாலா வின் பஞ்ச்களையும் சேர்த்திருக்கலாம்.

இந்த புத்தகத்தையே பாலாதான் எழுதியிருப்பார் என நினைக்கிறேன் பிரபு

ஏம்பா இன்னிக்கு எல்லோரும் எனக்கு "ஆப்பு" அடிக்கிறதிலேயே குறியா இருக்கீங்க !!

எனக்கும் பாலா தான் எழுதியிருப்பாருன்னு தோனுது முரளி.

நான் படிக்கும் காலத்தில் கிடைத்து இருந்தால் ஐ.ஏ.எஸ் ஆகி இருப்பேன்.. காலம் கடந்து விட்டது...

ஹூம், எனக்குக் கிடைத்ததெல்லாம் கோனார் தமிழ் உரைதான். சரியான போர்!

இப்பொழுது உள்ள மாணவர்களுக்கு நடிகைகளின் படங்களுடன் கல்விக் கையேடு கிடைக்கிறது! (ஆமா, நமீதா படம் இருக்கா? இல்லையா?)

எனக்கு ஒன்று மட்டும் நன்றாகப் புரிகிறது! தமிழக அரசியல்வாதிகள் இப்பொழுது என்ன நினைக்கிறார்கள் என்றால்,

தமிழகத்தில் பாமர மக்கள் இருந்தவரை நாம் என்ன சொன்னாலும் கேட்டார்கள், ஆனால் இன்று இந்தக் கல்வியால் வந்த வினையால்தான், நாம் என்ன சொன்னாலும் நம்பாமல், உண்மை என்ன என்பதை விளங்கிக் கொள்கிறார்கள். எனவே இதுபோன்று தமிழகக் கல்வித்துறையை அழித்துவிட்டால் பிறகு தமிழகம் நம் கையில்தான் என்ற எண்ணமாக இருக்குமோ?

அல்லது

அரசியல்வாதிகள் எவனுமே படிக்காத முட்டாள்களாக இருக்கும்பொழுது இவனுக மட்டும் எதுக்குப் படிக்கனும் என்கிற ஆதங்கமாக இருக்குமோ?

எட்டாம் வகுப்புவரை கட்டாய தேர்ச்சி, அனைத்திற்கும் நுழைவுத் தேர்வு முறை ரத்து, கல்விக் கையேடுகளில் சினிமா இவைகளையெல்லாம் பார்க்கும் பொழுது இதுபொன்ற சந்தேகங்கள் வருவதைத் தவிர்க்க இயலவில்லை!

என்னமோ அறிவு சம்பந்த பட்டதை சேர்த்து இருக்கீங்க போல ஐ‌ஏ‌எஸ் தேர்வுக்கு படிச்சு பாஸ் ஆகாரத்துக்கு சினிமா பத்தியா படிச்சு தெரிஜிக்கணும் பொரக்கார குழந்தை கிட்ட கேட்டா கூட சொல்லும் சினிமாவை பத்தி கேட்டா!