மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது

**சிவா** · **சிவா** Mon Jun 20, 2011 2:42 am

பெர்க்காசா ஜுலை 9ம் தேதி நடத்த எண்ணியுள்ள ‘அமைதிப் பேரணி’ அமைதியைத் தற்காப்பதையும் பெர்சே 2.0 அந்தத் தினத்தன்று ஆர்ப்பாட்டத்தை நடத்துவதை நிறுத்துவதையும் நோக்கமாகக் கொண்டது என பெர்க்காசா தலைவர் இப்ராஹிம் அலி கூறிக் கொண்டுள்ளார்.

பெர்க்காசா ஊர்வலம் குறித்த ஏற்பாடுகள் கோலாலம்பூரில் உள்ள சுல்தான் சுலைமான் கிளப்பில் தொடக்கி வைக்கப்பட்ட போது பெர்க்காசா உறுப்பினர்கள் பெர்சே தலைவர் அம்பிகா ஸ்ரீனிவாசனுடைய படங்களை எரித்ததுடன் மிதிக்கவும் செய்தனர்.

மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது Iprahim3-300x225

மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது Iprahim3-300x225

பின்னர் அந்த விவகாரம் பற்றி பத்திரிக்கையாளர் சந்திப்பையும் நடத்தினர்.

சுதந்திரமான நியாயமான தேர்தல்களுக்கான பேரணி பற்றிக் குறிப்பிட்ட இப்ராஹிம், எதிர்க்கட்சிகளின் கூட்டணியும் அரசியல் போராளிகளும் ஏற்பாடு செய்துள்ள ஆர்ப்பாட்டம் ரத்துச் செய்யப்படாவிட்டால் குழப்பம் ஏற்படும் என மருட்டல் விடுத்தார்.
மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது Iprahim12

மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது Iprahim12

“கனவான்களே, சீமாட்டிகளே கற்பனை செய்து கொள்ளுங்கள். பெர்சே பேரணி ரத்துச் செய்யப்படாமல் அதனை அவர்கள் தொடர்ந்து நடத்தினால்- ஜுலை 8-9ல் அவர்கள் ரத்துச் செய்யாவிட்டால் சீன சமூகமும் பலரும் உணவுப் பொருட்களை வீட்டில் நிறைய வாங்கி வைக்க வேண்டியிருக்கும்.”

“அந்தத் தினத்தில் எதுவும் நடக்கும்,”என அவர் மேலும் சொன்னார்.

அமைதியை நிலை நிறுத்த தேவையான எந்த நடவடிக்கையையும் எடுக்குமாறு பாசிர் மாஸ் எம்பியுமான இப்ராஹிம் போலீசாரைக் கேட்டுக் கொண்டார்.

“பெர்சே பேரணி ரத்துச் செய்யப்படாவிட்டால் நாங்கள் தொடருவோம்… நீங்கள் கைது செய்ய வேண்டுமானால் எல்லோரையும் கைது செய்யுங்கள். நமது நாடு அமைதியாக இருந்தால் போதும்.”

“கலவரத்துக்கு காரணமாக இருக்க வேண்டாம்,” என அந்த அரசியல்வாதி கூறிய போது அந்த கிளப்பில் கூடியிருந்த பெர்க்காசா ஆதரவாளர்களும் அரசு சாரா மலாய் அமைப்புக்களின் உறுப்பினர்களும் கைதட்டி ஆரவாரம் செய்தனர்.

மலேசியாஇன்று

மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது

மலேசியா: ஜுலை 9ம் தேதி எதுவும் நடக்கலாம் என பெர்க்காசா எச்சரிக்கிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக