காதலெனும் உணர்வு...

by அப்துல்லாஹ் Sat Jun 18, 2011 3:08 pm

இனம் புரியாத உணர்வாய் வந்து
இளம் மனங்களில் இம்சை தந்து
இனம் மதம் மொழி கடந்த
இன்ப லகரியின் அமுதசுரபி
இல்லறவாழ்வின் இதயசுருதி
இதம்தரு வாழ்வில் இனிமை சேர்த்து
இதயக்கூட்டை இடம்பெயர்த்திடும்
இத்தரையில் நாம் இறந்துபடினும்
இறப்பிறப்பேதும் இல்லா
இன்பம் காதல் பேரின்பம் காதல் ....

by மஞ்சுபாஷிணி Sat Jun 18, 2011 3:17 pm

இ என்ற முதல் எழுத்திலேயே அழகிய வரிகள் அமைத்த மிக அருமையான கவிதை அப்துல்லாஹ் சார்.

காதலைப்பற்றி ஒரு புதிய கோணம் கவிதை வரிகள் சொன்னவிதம் மிக அழகு.

ஹை நான் தான் முதல் பின்னூட்டம் உங்க கவிதைக்கு...

அன்பு வாழ்த்துக்கள் அப்துல்லாஹ் சார் அருமையான கவிதைக்கு.