ஏனோ...?

**ஹிஷாலீ** · **ஹிஷாலீ** Sat Jun 18, 2011 12:39 pm

உயிரை தொட்ட காற்றே
பின் உணர்வை தந்த சுகமே
உறவை மட்டும் தர
மறுப்பது ஏனோ...?

உயிராய் உருவமாய்
இதயத்தை அறுத்த
கயிரே நீ உறவே
இல்லாமல் ஒதுங்கி
சென்றது ஏனோ ...?

மாலை சூடி மங்களம்
முழங்குவாய் என்று
மடியில் மயங்கிய என்னை
நொடியில் மறந்தது ஏனோ ..?

நினைவில் நான் இருந்தும்
உறவில் உயிர் பிறந்தும்
விரைவில் வந்து விடியலாய்
வெற்றி வாகை சூடுவாய்
என்றேன் ஆனால் நீயோ
என் வாழ்க்கையை இரவாக்கி
விட்டு போனது ஏனோ ...?

balakarthik · balakarthik Sat Jun 18, 2011 12:55 pm

இரவாக்கிவிட்டு போனவரை தேடாமல் புதிய விடியலை தேடுங்கள் வாழ்க்கை ஒளிபெரும் நல்ல கவிதை வாழ்த்துக்கள் மகிழ்ச்சி

மஞ்சுபாஷிணி · மஞ்சுபாஷிணி Sat Jun 18, 2011 1:10 pm

அருமையான வரிகள்....

பாலா சொன்னது போல் விட்டுச்சென்றதை தொலைப்பதே சிறந்தது.... நம் மேல் அன்பு வைத்தோரிடம் அன்பை செலுத்தினால் அதில் பலனுண்டு.... விட்டுப்போனவரை நினைத்து மறுகாமல் அருகில் இருக்கும் அன்பை நினைத்து வெற்றி நடை போட்டால் சிறப்பு.

சூப்பருங்க