பெண்களும் `விரச’ நகைச்சுவைகளும்…

ஆண்களுக்கு மிக ஆனந்தம் தரும் விஷயமாக இருப்பது செக்ஸ் ஜோக்குகள். அவர்களது செல்போன் இன்பாக்ஸ்கள் அதுபோன்ற ஜோக்குகளால் நிரம்பி வழிகின்றன. பெண்கள் இதை விரும்புகிறார்களா? ஆண்கள் இதை அதிகம் விரும்புவது ஏன்?…

சிரிப்பு மனிதர்களின் சிறப்பு. சிரிப்பின் வரலாறு ஆச்சரியமானது. ஆமாம், தன்னை நெருங்கும் ஒருவரை மிரட்டுவதற்காக பற்களை விரித்துக்காட்டி பயமுறுத்திய வழக்கம்தான் பிற்காலத்தில் கடுமை குறைந்து சிரிப்பாக மலர்ந்ததாக ஆய்வாளர்கள் கூறுகிறார்கள். விலங்குகள் இன்றும் கூட அதனை நெருங்கி வரும் விலங்குகளை பற்களைக்காட்டி மிரட்டுவதை பார்க்கலாம்.

சிரிப்பு தோன்றிய விதம் இப்படியென்றால் சிரிப்பு இன்று தோன்றும் விதம் வேறுவிதமாக இருக்கிறது. கேலி செய்வதில்தான் அதிகமான நகைச்சுவைத் துணுக்குகள் வருகின்றன. அதிலும் அதிக இடத்தை ஆக்கிரமித்துக் கொண்டது வக்கிரமான செக்ஸ் ஜோக்குகள்.

சமீபத்திய ஆய்வு ஒன்று ஆண்கள் நகைச்சுவை செய்யும் தன்மையை மூன்று வகையாக பிரிக்கிறது.

* தான் நிரம்ப விஷயங்களை அறிந்தவர் என்பதை மற்றவர்களிடம் காட்டி நல்ல அந்தஸ்தைப் பெறுவதற்காக `கமென்ட்’ செய்து சிரிப்பை வரவழைப்பது முதல் வகை.

* சோகமான சம்பவங்களின் விளைவுகளைச் சமாளிப்பதற்காக நகைச்சுவை செய்தல்.

* நடப்பு விஷயம் அல்லது கருத்தைப் பற்றி நகைச்சுவை கோணத்தில் விவரிப்பது.

இந்த மூன்று விஷயங்களை அடிப்படையாக வைத்துதான் ஆண்களின் நகைச்சுவைகள் அமைகிறது. ஆண்களின் நகைச்சுவையை ஆராய்ந்து பார்த்தால் அவர்களின் ஒவ்வொரு ஜோக்கும், அதிர்ச்சியான ஒரு உச்சக்கட்ட முடிவைக் கொண்டிருக்கும்.

ஆண்களை பொறுத்தவரை இடது மூளையை விடவும், வலது மூளையைத் தூண்டும் விஷயங்களைக் கண்டு சிரிக்கிறார்கள். பெண்களின் மூளை இந்த விஷயத்தில் நேர் மாறானதாக உள்ளது. அமெரிக்காவின் ராசெஸ்டர் பல்கலைக்கழகம், ஆண்களின் வலது கண்ணுக்கு மேலே உள்ள மூளையின் வலது முன்பகுதிதான் அவர்களின் அதிகமான சிரிப்பை உணரும் பகுதியாக இருக்கிறது என்று கண்டுபிடித்துள்ளது.

பாலின வேறுபாடு, செக்ஸ் உறுப்புகள், சோகமான நிகழ்ச்சி, பயங்கரமான சம்பவங்கள் பற்றிய ஜோக்குகள் இப்பகுதியை எளிதாக தூண்டுகின்றன. எனவே ஆண்கள் விரச நகைச்சுவையில் அதீத ஆர்வமுடையவர்களாக இருக்கிறார்கள். அவர்களின் ஆர்வம் நீண்டகாலத்துக்கு அந்த நகைச்சுவைகளை நினைவில் வைத்திருக்கச் செய்கிறது.

தனது குழந்தைகளின் நண்பர்களின் பெயரை அவர்களுக்கு நினைவிருக்காது. ஆனால் அவர்கள் அதுபோன்ற குழந்தைப் பருவத்தில் கேள்விப்பட்ட செக்ஸ் நகைச்சுவையை நினைவில் வைத்திருப்பார்கள் என்றால், அவர்களின் விரச நகைச்சுவை விருப்பத்தை அளவிட்டுக் கொள்ளலாம்.

பகுத்தறிவுக்கு ஏற்றபடி படிப்படியாக அடுத்த நிலைக்குச் செல்வதும், முன்னதாக கணிக்க முடியாத முடிவைக் கொண்டதுமான நகைச்சுவைகளை ஆண்கள் பெரிதும் விரும்புகிறார்கள். ஜோக்குகளின் மூலமாகத்தான் பெரும்பாலும் அவர்கள் கருத்து தொடர்பு கொள்கிறார்கள்.

ஒரு அபாயகரமான நிகழ்வு என்றாலும் அதன் உணர்வுகளை நகைச்சுவை மூலமே ஆண்கள் பகிர்ந்து கொள்கிறார்களாம். இது கேலி செய்வதற்காக அல்ல. துயரத்தை அவர்களின் மனதில் அடக்கி வைத்ததன் விளைவாக நகைச்சுவை செய்வதன் மூலம் அந்த இக்கட்டான நிலைமையை சமாளிக்க முயலுவதாக ஆய்வுகள் கூறுகின்றன. ஆனால் பெண்கள் சோகங்களை கணவர், தோழி என எல்லோரிடமும் சொல்லி ஆறுதல் அடைந்துவிடுகிறார்களாம்.

`படங்களை’ வரைவது, உணர்வை தூண்டும்படியாக வாசகங்களை எழுதி வைப்பது போன்ற விஷயங்களை ஆண்கள் வெகு தமாஷாக செய்து விடுகிறார்கள். ஆண்களின் இந்த மனநிலை அவர்கள் கட்டுப்பாடின்றி வளர்ந்த விதத்தை வெளிப்படுத்துகிறது.

ஆக மொத்தத்தில் அந்தரங்க வேளைகளில் ஒரு சில பெண்கள் மட்டும் ஆண்களின் விரச நகைச்சுவையை ரசித்தாலும் பெரும்பாலான பெண்களுக்கு விரச நகைச்சுவைகளும், பெண்களை கேலி செய்யும் நகைச்சுவைகளும் அறவே பிடிப்பதில்லையாம்!


vayal

உனக்கு எங்கிருந்துதான் இதுமாதிரியான செய்தியெல்லாம் கிடைக்குதோ தாமு

நல்ல ஆய்வு.

சிறந்த கட்டுரை தாமு நன்றி

முரளிராஜா wrote:உனக்கு எங்கிருந்துதான் இதுமாதிரியான செய்தியெல்லாம் கிடைக்குதோ தாமு

பிரபு & அப்பு

நல்ல தகவல் .

சிறந்த கட்டுரை.

ஆனால் பெண்கள் பெரும்பாலும் உண்மை சொல்வதில்லை. ஆண்களுக்குள் பரிமாறுதலை விட பெண்கள் மத்தியில் இதற்க்கு மவுசு அதிகம். அவர்கள் வெளியில் காட்டி கொள்ளவதில்லை.

நல்ல பகிர்வு தல